കൃഷി വകുപ്പ് നടപ്പിലാക്കുന്ന ഔഷധസസ്യകൃഷി വികസന പദ്ധതി പ്രകാരം സംസ്‌കരണ യൂണിറ്റ് ആരംഭിക്കുന്നതിന് അപേക്ഷ ക്ഷണിച്ചു.  സ്വന്തമായി കെട്ടിട സൗകര്യമുള്ളവര്‍ക്കും ഗ്രൂപ്പുകള്‍ക്കും അപേക്ഷിക്കാം.  പാരമ്പര്യ ഉല്‍പ്പന്നങ്ങളായ ഹെയര്‍ ഓയില്‍, സ്‌കിന്‍ കെയര്‍ ഓയില്‍, മുറിവെണ്ണ, പല്‍പ്പൊടി മുതലായ ഉല്‍പ്പന്നങ്ങളുടെ നിര്‍മ്മാണവും യൂണിറ്റ് വഴി നടത്താം. ഒരു യൂണിറ്റിന് 25000 രൂപ ധനസഹായംനല്‍കും.  വിവരങ്ങള്‍ക്ക് കല്‍പ്പറ്റ, മാനന്തവാടി, പനമരം, സുല്‍ത്താന്‍ ബത്തേരി എന്നീ കൃഷി അസിസ്റ്റന്റ് ഡയറക്ടര്‍ ഓഫീസുകളുമായി ബന്ധപ്പെടാം.

അഡീഷണല്‍ സ്‌കില്‍ അക്വിസിഷന്‍ പ്രോഗ്രാമിന്റെ (അസാപ്) സമ്മര്‍ സ്‌കില്‍ സ്‌കൂള്‍ നൈപുണ്യ വികസന പരിപാടിയിലേക്ക് അപേക്ഷ ക്ഷണിച്ചു.  15നും 25നും ഇടയില്‍ പ്രായമുള്ളവര്‍ക്ക് അപേക്ഷിക്കാം.  വിദ്യാഭ്യാസ യോഗ്യതയ്ക്കനുസരിച്ച് തൊഴില്‍ നൈപുണ്യ കോഴ്‌സ് തെരഞ്ഞെടുക്കാം.  ഫെബ്രുവരി 8 വരെ www.asapkerala.gov.in/sss ഓണ്‍ലൈനായി രജിസ്റ്റര്‍ ചെയ്യാം.  ഫോണ്‍ 9495999657.

സി.കെ.ശശീന്ദ്രന്‍ എം.എല്‍.എ.യുടെ പ്രതേ്യക വികസന നിധിയില്‍ നിന്നും മുപ്പൈനാട് ഗ്രാമപഞ്ചായത്തിലെ അരപ്പറ്റ ബസ് വെയിറ്റിംഗ് ഷെഡ് നിര്‍മ്മാണത്തിന് രണ്ടര ലക്ഷം രൂപ അനുവദിച്ച് ജില്ലാ കളക്ടര്‍ ഭരണാനുമതി നല്‍കി.
 

    പിന്നാക്കാവസ്ഥ പരിഹരിക്കാന്‍ വയനാടിന്റെ പ്രത്യേക സാഹചര്യങ്ങള്‍ പരിഗണിച്ച് സംസ്ഥാന-കേന്ദ്ര സര്‍ക്കാരുകള്‍ അര്‍ഹിക്കുന്ന പരിഗണന നല്‍കേണ്ടതുണ്ടെന്ന് എം.ഐ.ഷാനവാസ് എം.പി.പറഞ്ഞു. ജില്ലാ ആസൂത്രണ സമിതി തയ്യാറാക്കിയ ജില്ലാ പദ്ധതി രേഖയുടെ കരട് ചര്‍ച്ചകള്‍ക്കായി വിളിച്ചുചേര്‍ത്ത വികസന സെമിനാര്‍ ഉദ്ഘാടനം ചെയ്യുകയായിരുന്നു എം.പി.