രാഷ്ട്രീയ വയോശ്രീ യോജന പദ്ധതിയില്‍ ബിപിഎല്‍ വിഭാഗത്തില്‍പ്പെട്ട മുതിര്‍ന്ന പൗരന്മാര്‍ക്ക് സഹായ ഉപകരണങ്ങളായ വീല്‍ചെയര്‍, എല്‍ബോ ക്രച്ചസ്, ഫോള്‍ഡിംഗ് വാക്കര്‍, കേള്‍വി സഹായ ഉപകരണങ്ങള്‍, ട്രൈപ്പോസ്-ടെട്രാ പോഡ്, വാക്കിംഗ് സ്റ്റിക്ക്, കൃത്രിമ പല്ലുകള്‍, കണ്ണടകള്‍ എന്നിവ സൗജന്യമായി ലഭിക്കുന്നതിന് 60 വയസിന് മുളില്‍ പ്രായമുള്ളവര്‍ക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഈ മാസം 12. കൂടുതല്‍ വിവരം പത്തനംതിട്ട ഡോക്‌ടേഴ്‌സ് ലൈനില്‍ പ്രവര്‍ത്തിക്കുന്ന ജില്ലാ സാമൂഹ്യനീതി ഓഫീസില്‍ ലഭിക്കും. ഫോണ്‍: 0468 2325168.                 

കാവനൂര്‍ ഗവ. ഹയര്‍ സെക്കന്ററി സ്‌കൂളില്‍ 2013 മുതല്‍ 2017 വരെ പഠിച്ച ഹയര്‍സെക്കന്ററി വിദ്യാര്‍ത്ഥികളുടെ കോഷന്‍ ഡെപ്പോസിറ്റ്   ഫെബ്രുവരി 12 വരെ സ്‌കൂളില്‍ വിതരണം  ചെയ്യുന്നതാണ്. പ്രവേശന സമയത്ത്  ഫീസായോ, കോഷന്‍ ഡെപ്പോസിറ്റ് മാത്രമായോ പണമടച്ച എല്ലാ കുട്ടികളും തിരിച്ചറിയല്‍ രേഖകളുമായി  വന്ന് തുക കൈപ്പറ്റണം. കൈപ്പറ്റാത്ത തുക സര്‍ക്കാര്‍  ഖജനാവിലേക്ക് അടക്കുമെന്ന് പ്രിന്‍സിപ്പല്‍ അറിയിച്ചു.

    ഭര്‍ത്താവ് ഉപേക്ഷിച്ച്, തീവ്രശാരീരിക മാനസിക വെല്ലുവിളി നേരിടുന്ന (70 ശതമാനത്തില്‍ കൂടുതല്‍) കിടപ്പുരോഗികളായ മകനെ/മകളെ സംരക്ഷിക്കേണ്ടിവരുന്ന ബിപിഎല്‍ കുടുംബങ്ങളിലെ സ്ത്രീകള്‍ക്ക് സ്വയംതൊഴില്‍ ആരംഭിക്കുന്നതിന് ഒറ്റത്തവണ ധനസഹായം അനുവദിക്കുന്ന സ്വാശ്രയ പദ്ധതിയിലേക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഈ മാസം 15. കൂടുതല്‍ വിവരവും അപേക്ഷാഫോറവും പത്തനംതിട്ട ഡോക്‌ടേഴ്‌സ് ലൈനില്‍ പ്രവര്‍ത്തിക്കുന്ന ജില്ലാ സാമൂഹ്യനീതി ഓഫീസില്‍ ലഭിക്കും. ഫോണ്‍: 0468 2325168.                                  
 

കുടുംബശ്രീയുടെമേല്‍നോട്ടത്തില്‍ ജന്‍ ശിക്ഷണ്‍ സന്‍സ്ഥാന്‍ -മലപ്പുറം ,നടപ്പിലാക്കുന്ന സൗജന്യ ആയുര്‍വേദ പഞ്ചകര്‍മ്മ തെറാപ്പികോഴ്‌സിന് അപേക്ഷ ക്ഷണിച്ചു.. കേരളത്തിലെ നഗരസഭാ പരിധികളില്‍വരുന്നയുവതീ - യുവാക്കള്‍ക്ക് അപേക്ഷിക്കാം. പ്ലസ്ടു യോഗ്യതയുള്ള 18 നും 35 നും ഇടയിലുള്ളവരായിരിക്കണം. എസ്‌സി, എസ് ടി മറ്റുപിന്നോക്ക വിഭാഗക്കാര്‍ക്ക് മുന്‍ഗണന ഉണ്ടായിരിക്കുന്നതാണ്. 04931 221979, 9447005070, റുകളില്‍ബന്ധപ്പെടാവുന്നതാണ്.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലുള്ള മക്കരപ്പറമ്പ് സബ്‌സ്റ്റേഷന്‍ മുതല്‍ ട്രഷറി വരെയുള്ള ഭാഗങ്ങളില്‍ ഇന്ന് ( 4.2.18) രാവിലെ എട്ട് മുതല്‍ വൈകുന്നേരം അഞ്ച്‌വരെ വൈദ്യുതി വിതരണം തടസ്സപ്പെടും.

മങ്കട-കുട്ടില്‍-പട്ടിക്കാട് റോഡില്‍ പണി നടക്കുന്നതിനാല്‍ ജുമാ മസജീദ് മുതല്‍ അല്‍ അമീന്‍ സ്‌കൂള്‍ വരെ വാഹന ഗതാഗതത്തില്‍ നിരോധനമേര്‍പ്പെടുത്തിയതായി എക്‌സിക്യൂട്ടീവ് എഞ്ചിനിയര്‍ അറിയച്ചു.

കിഴിശ്ശേരി ജി.എം.യു.പി.സ്‌കൂളില്‍  നടന്ന രണ്ടാമത് കിഴിശ്ശേരി ലോവര്‍ പ്രൈമി സബ്ജില്ലാ  സ്‌കൂള്‍ ഐ.ടി. മേളയില്‍ തവനൂര്‍ ജി.എം.എല്‍.പി.സ്‌കൂള്‍ ഓവറോള്‍ കിരീടം നേടി. 34 സ്‌കൂളുകളിലെ കുട്ടികളും അധ്യാപകരും പങ്കെടുത്ത പ്രസ്തുത മേളയില്‍ വിവിധ ഇനങ്ങളിലായി 70 ഓളം കുട്ടികള്‍ മത്സരിച്ചു. ഐ.ടി.ക്വിസിനോടൊപ്പം ജി കോംപ്രിസ് അനിമേഷന്‍,ടക്‌സ്‌പെയ്ന്റ് എന്നീ സോഫ്റ്റ് വെയറുകള്‍ ഉപയോഗിച്ചും മത്സരം സംഘടിപ്പിച്ചു. ഇതിലൂടെ കുട്ടികള്‍ക്ക് തങ്ങളുടെ ക്രിയാത്മക ശേഷിയും ഐ.ടി നൈപുണിയും പ്രകടിപ്പിക്കാനുള്ള അവസരം ലഭിച്ചു.