കൊച്ചി:  വിജിലന്‍സ് ആന്റ് ആന്റി കറപ്ഷന്‍ ബ്യൂറോയുടെ നേതൃത്വത്തില്‍ സംഘടിപ്പിക്കുന്ന സദ്ഭരണവും  സേവനാവകാശ നിയമവും സെമിനാര്‍ ഇന്ന് (വ്യാഴം) കച്ചേരിപ്പടി ആശിര്‍ഭവനില്‍ നടക്കും. രാവിലെ 11ന് ജസ്റ്റിസ് ബാബു മാത്യു പി ജോസഫ് ഉദ്ഘാടനം നിര്‍വഹിക്കും. വിജിലന്‍സ് ആന്റ് ആന്റി കറപ്ഷന്‍ ബ്യൂറോ മദ്ധ്യമേഖല പോലീസ് സൂപ്രണ്ട് കെ.കാര്‍ത്തിക് അധ്യക്ഷത വഹിക്കും. റസിഡന്റ്‌സ് അസോസിയേഷന്‍ ആന്റി കറപ്ഷന്‍ മൂവ്‌മെന്റ് അംഗങ്ങള്‍, വിദ്യാര്‍ത്ഥികള്‍, പ്രജ കമ്മിറ്റി അംഗങ്ങള്‍ തുടങ്ങിയവര്‍ പങ്കെടുക്കും. അഡ്വ. ഡി.ബി. ബിനു ക്ലാസിന് നേതൃത്വം നല്‍കും.

കൊച്ചി:  ഓര്‍ക്കിഡ്, ആന്തൂറിയം, ജെര്‍ബെറ തുടങ്ങിയ അലങ്കാരപ്പൂക്കൃഷി ധനസഹായത്തോടുകൂടി ചെയ്യാന്‍ തല്പരരായ കൊച്ചിന്‍ കോര്‍പ്പറേഷന്‍ പരിധിയിലെ  കര്‍ഷകര്‍ ഫെബ്രുവരി 9-ന് രാവിലെ 11ന് വൈറ്റില കൃഷിഭവനില്‍ ഹാജരാകേണ്ടതാണ്.

പത്തനംതിട്ട ടൗണില്‍ അപകടകരമായ രീതിയില്‍ സ്ഥാപിച്ചിട്ടുള്ള എല്ലാ പരസ്യബോര്‍ഡുകളും ഈ മാസം 25 ന് മുന്‍പായി ബന്ധപ്പെട്ട സ്ഥാപനങ്ങള്‍ സ്വന്തം ചെലവില്‍ നീക്കം ചെയ്യണമെന്ന് റീജിയണല്‍ ട്രാന്‍സ്‌പോര്‍ട്ട് ഓഫീസര്‍ അറിയിച്ചു. ഇത്തരത്തില്‍ നീക്കം ചെയ്യാത്ത പരസ്യ ബോര്‍ഡുകള്‍ ഈമാസം 28 ന് രാവിലെ 10 ന് സര്‍ക്കാര്‍ ചെലവില്‍ നീക്കം ചെയ്ത് അതിന്റെ ചെലവും പിഴയും ഉടമസ്ഥരില്‍ നിന്ന് ഈടാക്കും. ജില്ലാ കലക് ടറുടെ നിര്‍ദേശത്തിന്റെ അടിസ്ഥാനത്തില്‍ ജില്ലാ പൊലീസ്  മേധാവിയുടെ അധ്യക്ഷതയില്‍ ചേര്‍ന്ന ഉന്നതതല യോഗത്തിലാണ് ഇതുസംബന്ധിച്ച തീരുമാനമുണ്ടായത്. 

നാളീകേര വികസന ബോര്‍ഡിന്റെ പദ്ധതി പ്രകാരം രോഗം ബാധിച്ച തെങ്ങുകള്‍ മുറിച്ചു മാറ്റി പുതിയ തൈ വച്ചു പിടിപ്പിക്കുന്നതിന് ധനസഹായം നല്‍കുന്നു. ഓമല്ലൂര്‍ കൃഷി ഭവന്റെ പരിധിയിലുള്ള കര്‍ഷകര്‍ ഈമാസം 15ന് മുന്‍പ് അപേക്ഷ നല്‍കണം.  

ജില്ലാ വികസന സമിതി യോഗം ഈമാസം 24ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. രാവിലെ 10.30ന് ചേരുന്ന പ്രീഡിഡിസി യോഗത്തിലും എല്ലാ ജില്ലാതല ഉദ്യോഗസ്ഥരും പങ്കെടുക്കണമെന്ന് ജില്ലാ കളക്ടര്‍ അറിയിച്ചു. 

സമഗ്ര ആരോഗ്യ ഇന്‍ഷുറന്‍സ് പദ്ധതിയുടെ 2018-19 വര്‍ഷത്തെ കാര്‍ഡ് പുതുക്കല്‍ വിതരണത്തോടനുബന്ധിച്ചുളള ജില്ലാതല കോര്‍ കമ്മിറ്റി യോഗം     ഫെബ്രുവരി 14ന് രാവിലെ 10.30 ന് കളക്ടറുടെ ചേമ്പറില്‍ ചേരും.              

ജില്ലാ ഭക്ഷ്യോപദേശക വിജിലന്‍സ് ആന്‍ഡ് പ്രൈസ് മോണിറ്ററിംഗ് കമ്മിറ്റി സംയുക്ത സമിതി യോഗം ഫെബ്രുവരി 12ന് രാവിലെ 10.30ന് കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും.  

വനിതാ കമ്മീഷന്‍ അദാലത്ത് ഫെബ്രുവരി 14 രാവിലെ 10ന് കോട്ടയം ജില്ലാ പഞ്ചായത്ത് ഹാളില്‍ നടക്കും.