അനുയാത്ര ഹെല്‍പ്‌ലൈന്‍ പ്രവര്‍ത്തന ഉദ്ഘാടനം ഇന്ന് (ഫെബ്രുവരി എട്ട്) വൈകിട്ട് മൂന്നിന് സാമൂഹ്യ സുരക്ഷാ മിഷന്‍ കാര്യാലയത്തില്‍ ആരോഗ്യമന്ത്രി കെ.കെ. ശൈലജ ടീച്ചര്‍ നിര്‍വഹിക്കും.  ഒ. രാജഗോപാല്‍ എം.എല്‍.എ അധ്യക്ഷത വഹിക്കും.

സാമൂഹ്യനീതി വകുപ്പ്  സ്‌പെഷ്യല്‍ സെക്രട്ടറി ബിജു പ്രഭാകര്‍ മുഖ്യപ്രഭാഷണം നടത്തും.  സംസ്ഥാനത്തെ ഭിന്നശേഷി സൗഹൃദമാക്കുന്നതിനാണ് അനുയാത്ര പദ്ധതി സര്‍ക്കാര്‍ ആവിഷ്‌കരിച്ചത്.  1800 120 1001 എന്നതാണ് ടോള്‍ഫ്രീ ഹെല്‍പ്‌ലൈന്‍ നമ്പര്‍.

പി.എന്‍.എക്‌സ്.494/18

സര്‍ക്കാര്‍ വകുപ്പുകളുടേയും പൊതുമേഖലാ സ്ഥാപനങ്ങള്‍ ഉള്‍പ്പെടെ സര്‍ക്കാര്‍ നിയന്ത്രിത സ്ഥാപനങ്ങളുടെയും സേവനം പൂര്‍ണമായും ഫലപ്രദമായും ജനങ്ങള്‍ക്ക് ലഭ്യമാക്കുന്നത് സംബന്ധിച്ച് മുന്‍മുഖ്യമന്ത്രി വി.എസ്. അച്യുതാനന്ദന്‍ അധ്യക്ഷനായ ഭരണ പരിഷ്‌കാര കമ്മീഷന്‍ പൊതുജനാഭിപ്രായം തേടുന്നു.

സംസ്ഥാനത്തെ ഒരു സര്‍ക്കാര്‍ സ്ഥാപനത്തില്‍ ഓപ്പണ്‍ വിഭാഗത്തിനായി സംവരണം ചെയ്ത വെറ്ററിനറി സര്‍ജന്റെ താല്‍ക്കാലിക ഒഴിവുണ്ട്.  2017 ജനുവരി ഒന്നിന് 41 വയസ് കവിയാന്‍ പാടില്ല (നിയമാനുസൃത വയസിളവ് ലഭിക്കും).  39,500 രൂപയാണ് പ്രതിമാസ ശമ്പളം. മാസ്റ്റര്‍ ഇന്‍ വെറ്റനറി സയന്‍സ് - പത്തോളജി (പോസ്റ്റ്മാര്‍ട്ടം & ഹിസ്റ്റോ പത്തോളജിക്കല്‍ സ്റ്റഡീസ്) ആണ് യോഗ്യത. മുന്‍കാല പ്രവര്‍ത്തി പരിചയം അഭികാമ്യം.

സംസ്ഥാനത്തെ പ്രൊഫഷണല്‍ കോളേജുകളിലേക്ക് മികച്ച എന്‍.സി.സി കേഡറ്റുകള്‍ക്ക് സംവരണം ചെയ്ത സീറ്റുകളില്‍ 2018 വര്‍ഷത്തെ പ്രവേശനത്തിന് അപേക്ഷ ക്ഷണിച്ചു.  അപേക്ഷകള്‍ മാര്‍ച്ച് ഒന്നുവരെ എന്‍.സി.സി. യൂണിറ്റുകളില്‍ സ്വീകരിക്കും.

2017ലെ മികച്ച ക്ഷീര സഹകാരി അവാര്‍ഡുകള്‍ പ്രഖ്യാപിച്ചു. കണ്ണൂര്‍ ശ്രീകണ്ഠാപുരം സാമാ നിവാസില്‍ കെ.പി മൊയ്തീന്‍കുട്ടിക്കാണ് സംസ്ഥാനതല അവാര്‍ഡ്. ഒരുലക്ഷം രൂപയാണ് അവാര്‍ഡ് തുക. 2,82,636 ലിറ്റര്‍ പാലാണ് ഇദ്ദേഹം അളന്നതെന്ന് മന്ത്രി അഡ്വ. കെ. രാജു വാര്‍ത്താസമ്മേളനത്തില്‍ അറിയിച്ചു.

മേഖലാ അവാര്‍ഡുകള്‍ (50,000 രൂപ): 

തിരുവനന്തപുരം മേഖല: ജനറല്‍- ബിജി ജോര്‍ജ്, കുളക്കട ഈസ്റ്റ്, കൊല്ലം, വനിത- കല ജി.എല്‍, മഞ്ചവിളാകം, തിരുവനന്തപുരം, പട്ടികജാതി/പട്ടികവര്‍ഗം- ഷീജ ജെ.ആര്‍, ഊക്കോട്, തിരുവനന്തപുരം.

ക്ഷീര വികസന വകുപ്പിന്റെ 2017 ലെ മാധ്യമ അവാര്‍ഡുകള്‍ പ്രഖ്യാപിച്ചു. ദൃശ്യ, ശ്രവ്യ, അച്ചടി, ഫോട്ടോഗ്രാഫി വിഭാഗങ്ങളിലായി ഒന്‍പത് അവാര്‍ഡുകളാണ് മൃഗസംരക്ഷണ ക്ഷീരവികസന വകുപ്പ് മന്ത്രി അഡ്വ. കെ. രാജു വാര്‍ത്താസമ്മേളനത്തില്‍ അറിയിച്ചത്.

പുരസ്‌കാരങ്ങള്‍ ചുവടെ: 

സംസ്ഥാന ക്ഷീര കര്‍ഷക സംഗമവും ഡയറി എക്‌സ്‌പോയും ഫെബ്രുവരി 15 മുതല്‍ 17 വരെ വടകര ചോമ്പാല്‍ മിനി സ്‌റ്റേഡിയത്തില്‍ നടക്കുമെന്ന് ക്ഷീരവികസന-മൃഗസംരക്ഷണ വകുപ്പ് മന്ത്രി അഡ്വ. കെ. രാജു വാര്‍ത്താസമ്മേളനത്തില്‍ അറിയിച്ചു. മുഖ്യമന്ത്രി പിണറായി വിജയന്‍, സ്പീക്കര്‍ പി. ശ്രീരാമകൃഷ്ണന്‍, മന്ത്രിമാര്‍, പ്രതിപക്ഷനേതാവ്, എം.എല്‍.എമാര്‍ തുടങ്ങിയവര്‍ വിവിധ സെഷനുകളില്‍ പങ്കെടുക്കും.