പത്തിലധികം സ്ത്രീ ജീവനക്കാര്‍ തൊഴിലെടുക്കുന്ന സ്ഥാപനങ്ങളില്‍ സ്ത്രീകള്‍ക്കെതിരെ അതിക്രമങ്ങള്‍ പരിശോധിക്കുന്നതിന് കമ്മിറ്റി രൂപീകരിക്കണമെന്ന സുപ്രീം കോടതി മാര്‍ഗ്ഗ നിര്‍ദ്ദേശം നടപ്പാക്കാത്ത സര്‍ക്കാര്‍-സ്വകാര്യ സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കുമെന്ന് സംസ്ഥാന വനിതാ കമ്മീഷന്‍ അദ്ധ്യക്ഷ എം.സി.ജോസെഫെന്‍ അറിയിച്ചു.  കളക്‌ട്രേറ്റില്‍ നടന്ന സിറ്റിംഗിന് ശേഷം സംസാരിക്കുകയായിരുന്നു അവര്‍.  ഇക്കാര്യത്തില്‍ നടപടിയെടുക്കാന്‍ തൊഴില്‍ വകുപ്പിന്റെ കൂടി സഹകരണം തേടും.