പ്രക്യതി വിഭവ സംരക്ഷണ ബോധവല്‍ക്കരണ പരിപാടികളുടെ ഭാഗമായി  സംസ്ഥാന ഭൂവിനിയോഗ ബോര്‍ഡ് ഹരിത കേരളം മിഷനുമായി സഹകരിച്ച് തിരുവനന്തപുരം കനകക്കുന്ന് ഓഡിറ്റോറിയത്തില്‍ നവംബര്‍ 27, 28 തീയതികളില്‍ നീര്‍ത്തടാസൂത്രണം സുസ്ഥിര വികസനത്തിന് എന്ന വിഷയത്തില്‍ സംസ്ഥാന സെമിനാര്‍ സംഘടിപ്പിക്കും.  ഉദ്ഘാടനം നവംബര്‍ 27 ന് രാവിലെ 10.30 ന് മുഖ്യമന്ത്രി പിണറായി വിജയന്‍ നിര്‍വഹിക്കും. കെ മുരളീധരന്‍ എം.എല്‍.എ അധ്യക്ഷത വഹിക്കും.

   കാസര്‍കോട് ജില്ലയില്‍ റോഡ് അറ്റകുറ്റപണികള്‍  കാര്യക്ഷമമായി നടന്നില്ലെന്ന് പൊതുമരാമത്ത് വകുപ്പ് മന്ത്രി ജി സുധാകരന്‍ പറഞ്ഞു. പളളത്തൂര്‍ പാലത്തിന്റെ  ശിലാസ്ഥാപനം നിര്‍വ്വഹിക്കുകയായിരുനനു അദ്ദേഹം. 

ജൂണില്‍ നടന്ന ഡി.എല്‍.ഇ.ഡി (ഹിന്ദി, ഉറുദു, അറബി) പരീക്ഷകളുടെ സര്‍ട്ടിഫിക്കറ്റ്, മാര്‍ക്ക് ഷീറ്റ് വിതരണത്തിനായി ബന്ധപ്പെട്ട പരീക്ഷാ സെന്ററുകളില്‍ എത്തിച്ചതായി പരീക്ഷാ കമ്മീഷണര്‍ അറിയിച്ചു. പരീക്ഷാ പേപ്പറുകള്‍ റീവാല്യുവേഷന്‍/സ്‌ക്രൂട്ടിണി ചെയ്യുന്നതിന് ലഭിക്കുന്ന അപേക്ഷകള്‍ ഡിസംബര്‍ അഞ്ചു വരെ ഇന്‍സ്റ്റിറ്റ്യൂട്ട് മേലധികാരി സ്വീകരിച്ച് ഡിസംബര്‍ 10 ന് പരീക്ഷാഭവനില്‍ എത്തിക്കണം. 

പി.എന്‍.എക്‌സ്.4997/17

   രജിസ്‌ട്രേഷന്‍ വകുപ്പില്‍ ഇ-പേയ്‌മെന്റ് ഇ-സ്റ്റാമ്പിംഗ് സംവിധാനങ്ങള്‍ വന്നതോടെ അഴിമതി ആരോപണങ്ങള്‍ കുറഞ്ഞതായി രജിസ്‌ട്രേഷന്‍ വകുപ്പ് മന്ത്രി ജി.സുധാകരന്‍ പറഞ്ഞു. മഞ്ചേശ്വരത്ത് പുതിയ സബ് രജിസ്ട്രാര്‍ ഓഫീസിന് ശിലാസ്ഥാപനം നിര്‍വഹിച്ച് സംസാരിക്കുകയായിരുന്ന മന്ത്രി. രജിസ്‌ട്രേഷന്‍ സംവിധാനങ്ങള്‍ ആധുനികവത്ക്കരിക്കുന്നതോടെ പരാതികള്‍ ഇനിയും കുറയും. മുന്‍കാലങ്ങളില്‍ അഴിമതിയാരോപണങ്ങള്‍ കൂടുതലായിരുന്നു. ഇപ്പോള്‍ വളരെ കുറവാണെന്നും മന്ത്രി പറഞ്ഞു. ആധാരം എഴുത്തുകാര്‍, വെണ്ടര്‍മാര്‍ ഉള്‍പ്പെടെയുള്ളവര്‍ക്ക് രജിസ്‌ട്രേഷന്‍ കാര്‍ഡുകള്‍ കൊടുക്കാന്‍ കഴിഞ്ഞത് സര്‍ക്കാരിന്റെ  നേട്ടമാണ്.

   ഉദുമ നിയോജക മണ്ഡലത്തിലെ മുല്ലച്ചേരി പാലത്തിന്റെ ശിലാസ്ഥാപനം പൊതുമരാമത്ത് വകുപ്പ് മന്ത്രി  ജി സുധാകരന്‍ നിര്‍വ്വഹിച്ചു. കെ.കുഞ്ഞിരാമന്‍ എംഎല്‍എ അധ്യക്ഷത വഹിച്ചു. കാഞ്ഞങ്ങാട് ബ്ലോക് പഞ്ചായത്ത് പ്രസിഡന്റ് എം.ഗൗരി, മുന്‍ എംഎല്‍എ കെ.വി കുഞ്ഞിരാമന്‍, ബ്ലോക്ക് പഞ്ചായത്ത് അംഗം ഇന്ദിര ബാലകൃഷ്ണന്‍, ജില്ലാ പഞ്ചായത്ത് അംഗം ഷാനവാസ് പാദൂര്‍, ഉദുമ പഞ്ചായത്ത് അംഗം കെ. സന്തോഷ്‌കുമാര്‍, കീച്ചേരി നാരായണന്‍, എം.എ ലത്തീഫ്, എം.ബാബുരാജ് തുടങ്ങിയവര്‍ സംസാരിച്ചു. പൊതുമരാമത്ത് വകുപ്പ് സുപ്രണ്ടിംഗ് എഞ്ചിനീയര്‍ പി.കെ മിനി റിപ്പോര്‍ട്ട് അവതരിപ്പിച്ചു. ഉദുമ ഗ്രാമ പഞ്ചായത്ത് പ്രസിഡന്റ് കെ.

ജില്ലാ സാക്ഷരതാ മിഷന്‍റെ ജില്ലാ തുടര്‍വിദ്യാഭ്യാസ കലോത്സവം 26ന് പത്തനംതിട്ട തൈക്കാവ് ഗവണ്‍മെന്‍റ് എച്ച്എസ്എസില്‍ ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി ഉദ്ഘാടനം ചെയ്യും. രാവിലെ ഒന്‍പതിന് പത്തനംതിട്ട നഗരസഭാ അധ്യക്ഷ രജനി പ്രദീപ് പതാക ഉയര്‍ത്തും. 

സംസ്ഥാന പിന്നോക്ക വിഭാഗ വികസന കോര്‍പറേഷന്‍റെ(കെഎസ്ബിസിഡിസി) സ്കോളര്‍ഷിപ്പ് വിതരണവും സംരംഭകത്വ പരിശീലനവും 30ന് രാവിലെ 10ന് പഴകുളം പാസ് ഓഡിറ്റോറിയത്തില്‍ ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്യും. കെഎസ്ബിസിഡിസി ഡയറക്ടര്‍ എ.പി. ജയന്‍ അധ്യക്ഷത വഹിക്കും. വായ്പാ വിതരണം പള്ളിക്കല്‍ ഗ്രാമപഞ്ചായത്ത് പ്രസിഡന്‍റ് ജി. പ്രസന്നകുമാരി നിര്‍വഹിക്കും. പള്ളിക്കല്‍ ഗ്രാമപഞ്ചായത്ത് അംഗം എസ്. അഖില്‍, കെഎസ്ബിസിഡിസി അസിസ്റ്റന്‍റ് ജനറല്‍ മാനേജര്‍ ജി. സജിത്ത്,  അസിസ്റ്റന്‍റ് മാനേജര്‍ ബി. സിനിമോള്‍ എന്നിവര്‍ പ്രസംഗിക്കും. കോട്ടയം ബിക്സ് ഡയറക്ടര്‍ തോമസ് സഖറിയാ സംരംഭകത്വ പരിശീലനം നയിക്കും. 

    പൊതുസ്വകാര്യ പങ്കാളിത്തത്തോടെ ദീര്‍ഘകാല പരിപാലന കരാറില്‍ സംസ്ഥാന റോഡ് വികസന പദ്ധതിയിലുള്‍പ്പെടുത്തി 81 കോടി രൂപ ചെലവില്‍ നവീകരിച്ച വിദ്യാനഗര്‍-സീതാംഗോളി റോഡിന്റെയും ഉപ്പള-കന്യാന റോഡിന്റെയും  ഉദ്ഘാടനം പൊതുമരാമത്ത് വകുപ്പ് മന്ത്രി  ജി സുധാകരന്‍ നിര്‍വ്വഹിച്ചു. ഉപ്പള കൈകമ്പ ജംഗ്ഷനില്‍  നടന്ന ചടങ്ങില്‍  പി ബി അബ്ദുള്‍ റസാഖ് എംഎല്‍എ അധ്യക്ഷത വഹിച്ചു.  

ജില്ലയിലെ വാഹന പുക പരിശോധന കേന്ദ്രങ്ങളില്‍ ആര്‍ടിഒ എബി ജോണിന്‍റെ നേതൃത്വത്തില്‍ നടത്തിയ മിന്നല്‍ പരിശോധനയില്‍ ഗുരുതര ക്രമക്കേട് കണ്ടെത്തിയ എട്ട് സ്ഥാപനങ്ങള്‍ക്ക് സ്റ്റോപ്പ് മെമ്മോയും 28 സ്ഥാപനങ്ങള്‍ക്ക് വിശദീകരണമാവശ്യപ്പെട്ട് നോട്ടീസും നല്‍കി. പല സ്ഥാപനങ്ങളിലും അംഗീകൃത യോഗ്യതയില്ലാത്തവര്‍ പുക പരിശോധന നടത്തുന്നതായും ബിഎസ് നാല് വാഹനങ്ങള്‍ക്ക് ഒരു വര്‍ഷത്തെ കാലാവധിയുള്ള സര്‍ട്ടിഫിക്കറ്റിനു പകരം  ആറു മാസത്തെ കാലാവധിയുള്ള സര്‍ട്ടിഫിക്കറ്റ് നല്‍കുന്നതായും പുക പരിശോധനാ മെഷീനുകള്‍ അപ്ഗ്രേഡ് ചെയ്തിട്ടില്ലായെന്നും കണ്ടെത്തി. (പിഎന്‍പി 3150/17)

വ്യാവസായിക പരിശീലന വകുപ്പ് ജനുവരിയില്‍ നടത്തുന്ന എന്‍സിവിടി സപ്ലിമെന്‍ററി ട്രേഡ് ടെസ്റ്റിന് അപേക്ഷ ക്ഷണിച്ചു. മെഴുവേലി ഗവണ്‍മെന്‍റ് വനിത ഐടിഐയിലെ മുന്‍ വിദ്യാര്‍ഥികളില്‍ പരീക്ഷ പാസാകാനുള്ള ട്രെയിനികള്‍ പൂരിപ്പിച്ച അപേക്ഷ ഡിസംബര്‍ നാലിന് വൈകിട്ട് നാലിന് മുന്‍പ് ഐടിഐ പ്രിന്‍സിപ്പലിന് നല്‍കണം. ഫോണ്‍: 0468-2259952.  (പിഎന്‍പി 3149/17)