കോട്ടയം ജില്ലയില്‍ ഹോമിയോപ്പതി വകുപ്പില്‍ (കാറ്റഗറി നമ്പര്‍ 91/15) നേഴ്‌സ് ഗ്രേഡ്-2 (ഹോമിയോ) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്ക് നവംബര്‍ 29 മുതല്‍ ഡിസംബര്‍ ഒന്നുവരെയുള്ള തീയതികളില്‍ കേരള പബ്ലിക് സര്‍വ്വീസ് കമ്മീഷന്റെ കോട്ടയം ജില്ലാ ഓഫീസില്‍ ഇന്റര്‍വ്യൂ നടത്തും. അര്‍ഹരായ എല്ലാ ഉദ്യോഗാര്‍ത്ഥികള്‍ക്കും ഇന്റര്‍വ്യൂ മെമ്മോ അയച്ചിട്ടുണ്ട്ഇന്റര്‍വ്യൂ സംബന്ധമായ വിവരങ്ങള്‍  www.keralapsc.gov.in ല്‍ ലഭിക്കും.

പി.എന്‍.എക്‌സ്.5019/17

സുപ്രീം കോടതി ഉത്തരവനുസരിച്ച് എഞ്ചിനീയറിംഗ് കോളേജുകളിലെ അസോസിയേറ്റ് പ്രൊഫസര്‍, പ്രൊഫസര്‍, പ്രിന്‍സിപ്പല്‍ തസ്തികകളില്‍ 2008 മുതല്‍ നടന്ന ഉദ്യോഗക്കയറ്റം പുനക്രമീകരിക്കുന്നതുമായി ബന്ധപ്പെട്ടുള്ള പരാതികള്‍ 27 നകം സര്‍ക്കാരിന് നേരിട്ട് സമര്‍പ്പിക്കാം. ഗവ: സെക്രട്ടേറിയറ്റിലെ ഉന്നത വിദ്യാഭ്യാസ (ജി) വകുപ്പ് സെക്രട്ടറിയ്ക്കാണ് നല്‍കേണ്ടത്. ഈ കാലയളവില്‍ വിരമിച്ചവര്‍ക്കും നിലവില്‍ അന്യത്ര സേവനത്തിലുള്ളവര്‍ക്കും പരാതി സമര്‍പ്പിക്കാം. പരാതികള്‍ പരിശോധിക്കുന്നതിനും നേരിട്ടു കേള്‍ക്കുന്നതിനും സര്‍ക്കാര്‍ സമിതി രൂപീകരിച്ചിട്ടുണ്ട്.

പി.എന്‍.എക്‌സ്.5018/17

കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ ദേശീയ പട്ടികജാതി ധനകാര്യ കോര്‍പ്പറേഷന്റെ സാമ്പത്തിക സഹായത്തോടെ നടപ്പിലാക്കുന്ന പരമാവധി 3.70 ലക്ഷം രൂപ വരെ ലഭിക്കുന്ന ഓട്ടോ ടാക്‌സി പദ്ധതിയില്‍ വായ്പയ്ക്കായി  പട്ടികജാതിയില്‍പ്പെട്ട തൊഴില്‍രഹിതരായ യുവതീ യുവാക്കള്‍ക്ക് അപേക്ഷിക്കാം.

ജില്ലയിലെ മാങ്ങാട്ടിടം ഗ്രാമപഞ്ചായത്തിലെ കൈതാരി  12-ാം മൈല്‍ അംഗന്‍വാടി, കരിയില്‍ വയോജന വിശ്രമകേന്ദ്രം, കൈതേരി ഹോമിയോ ഡിസ്‌പെന്‍സറി, പടിയൂര്‍ ഗ്രാമപഞ്ചായത്തിലെ ഊരത്തൂര്‍ പഞ്ചായത്ത് ശ്മശാന സ്ഥലം വലിയവെളിച്ചം 110 കെ വി സബ് സ്റ്റേഷന്‍, കോട്ടയം ഗ്രാമപഞ്ചായത്തിലെ കാനത്തുംചിറ അംഗന്‍വാടി, ഏഴാംമൈല്‍ അംഗന്‍വാടി, കണ്ണൂര്‍ ഹെഡ്‌പോസ്റ്റോഫീസ് എന്നിവിടങ്ങളില്‍ കുഴല്‍കിണര്‍ നിര്‍മാണത്തിന് ക്വട്ടേഷന്‍ ക്ഷണിച്ചു.    ഡിസംബര്‍ 4 ന് വൈകിട്ട് 3 മണി വരെ ദര്‍ഘാസ് സ്വീകരിക്കും.  കൂടുതല്‍ വിവരങ്ങള്‍ 0497 2709892 നമ്പറില്‍ ലഭിക്കും.
പി എന്‍ സി/4493/2017

റവന്യൂ റിക്കവറി കുടിശ്ശികയെ തുടര്‍ന്ന് ജപ്തി ചെയ്ത കണ്ണൂര്‍ താലൂക്ക് കുഞ്ഞിമംഗലം അംശം ദേശത്ത് റി സ 130/2എ1ബി1സി നമ്പറില്‍പെട്ട 37.4 സെന്റ് ഭൂമി ഡിസംബര്‍ 12 ന് രാവിലെ 11 മണിക്ക് കുഞ്ഞിമംഗലം വില്ലേജ് ഓഫീസില്‍ ലേലം ചെയ്യും.  കൂടുതല്‍ വിവരങ്ങള്‍ കണ്ണൂര്‍ താലൂക്ക് ഓഫീസിലെ റവന്യൂ റിക്കവറി വിഭാഗത്തിലും കുഞ്ഞിമംഗലം വില്ലേജ് ഓഫീസിലും ലഭിക്കും.

പരിയാരം ഗവ.ആയുര്‍വേദ കോളേജ് ആശുപത്രിയിലെ രോഗനിദാന വകുപ്പിനു കീഴില്‍ മദ്യപാനികളിലല്ലാത്ത ഫാറ്റിലിവര്‍ രോഗവും അനുബന്ധ സിറോസിസും ഉളള രോഗികള്‍ക്ക് ഗവേഷണാടിസ്ഥാനത്തിലുള്ള ചികിത്സ ലഭിക്കും.  എല്ലാ വ്യാഴം, വെളളി ദിവസങ്ങളിലും രാവിലെ 8 മുതല്‍ ഉച്ചക്ക് 1 മണി വരെ ചികിത്സയുണ്ടാകും.  രോഗികള്‍ക്ക് സ്‌കാനിങ്ങ് റിപ്പോര്‍ട്ട് സഹിതം ഒ പി യില്‍ എത്തി ചികിത്സാസേവനം പ്രയോജനപ്പെടുത്താം. ഫോണ്‍: 9495721696.
പി എന്‍ സി/4486/2017

 തപാല്‍ വകുപ്പിന്റെ സ്പീഡ് പോസ്റ്റ് സേവനം ആവശ്യമുളള കണ്ണൂര്‍, തളിപ്പറമ്പ് നഗരപരിധിയിലെ ഉപഭോക്താക്കളില്‍ നിന്നും ഉരുപ്പടികള്‍ ശേഖരിച്ച് കണ്ണൂര്‍, തളിപ്പറമ്പ് ഹെഡ് പോസ്റ്റ് ഓഫീസുകളിലേക്ക് എത്തിക്കുന്നതിനായി താല്‍ക്കാലികാടിസ്ഥാനത്തില്‍ ഏജന്റുമാരെ നിയമിക്കുന്നു.  മാര്‍ക്കറ്റിങ്ങ് അഭിരുചിയുളള യുവതീ യുവാക്കള്‍ സര്‍ട്ടിഫിക്കറ്റുകളുടെ പകര്‍പ്പ് സഹിതം അപേക്ഷ തയ്യാറാക്കി ഡിസംബര്‍ 5 ന് മുമ്പ് അപേക്ഷിക്കണം.  ശേഖരിക്കുന്ന കത്തുകളുടെ എണ്ണത്തിനും തൂക്കത്തിനും  ആനുപാതികമായിട്ടാണ് വേതനം.  ഇരുചക്ര വാഹനമുള്ളവര്‍ക്ക് മുന്‍ഗണന.

സംസ്ഥാന പട്ടികജാതി പട്ടികവര്‍ഗ വികസന കോര്‍പ്പറേഷന്‍ ദേശീയ പട്ടികജാതി ധനകാര്യ വികസന കോര്‍പ്പറേഷന്റെ സാമ്പത്തിക സഹായത്തോടെ നടപ്പിലാക്കുന്ന  പരമാവധി 3.70 ലക്ഷം രൂപ പദ്ധതി തുകയുളള ഓട്ടോ ടാക്‌സി പദ്ധതിക്കു കീഴില്‍ വായ്പ അനുവദിക്കുന്നതിന് ജില്ലയിലെ പട്ടികജാതിയില്‍പ്പെട്ട തൊഴില്‍രഹിതരായ യുവതീയുവാക്കളില്‍ നിന്നും അപേക്ഷ ക്ഷണിച്ചു.  18 നും 50 നും ഇടയില്‍ പ്രായമുളളവരായിരിക്കണം. കുടുംബ വാര്‍ഷിക വരുമാനം ഗ്രാമപ്രദേശങ്ങളില്‍ 98,000 രൂപയിലും നഗരപ്രദേശങ്ങളില്‍ 1,20,000 രൂപയിലും കവിയരുത്.  അപേക്ഷകര്‍ക്ക് ഓട്ടോറിക്ഷ ഓടിക്കുന്നതിനുളള ലൈസന്‍സും ബാഡ്ജും ഉണ്ടായിരിക്കണം. 

2018-19  അധ്യയന വര്‍ഷത്തില്‍ നവോദയ വിദ്യാലയത്തില്‍ 6-ാം ക്ലാസിലേക്കുളള പ്രവേശന പരീക്ഷക്ക് ഡിസംബര്‍ 2 വരെ അപേക്ഷ സ്വീകരിക്കും.  അപേക്ഷകള്‍ ഓണ്‍ലൈനായും നേരിട്ടും സമര്‍പ്പിക്കാവുന്നതാണെന്ന് പ്രിന്‍സിപ്പല്‍ അറിയിച്ചു.
പി എന്‍ സി/4482/2017

 ജനുവരിയില്‍ നടക്കുന്ന അഖിലേന്ത്യാ ട്രേഡ് ടെസ്റ്റ് സെമസ്റ്റര്‍ 1, 2, 3, 4 സപ്ലിമെന്ററി പരീക്ഷയില്‍ പങ്കെടുക്കുന്നതിന് എസ് സി വി ടി പാസായവര്‍, വ്യാവസായിക തൊഴിലാളികള്‍ എന്നിവരില്‍ നിന്ന് അേപക്ഷ ക്ഷണിച്ചു.  30 ന് വൈകിട്ട് 3 മണിക്ക് മുമ്പ് അപേക്ഷ ഐ ടി ഐ പ്രിന്‍സിപ്പലിന് സമര്‍പ്പിക്കണം.  ഫോണ്‍: 0497 2835183.
പി എന്‍ സി/4481/2017