* ക്രിസ്തുമസ് -പുതുവത്സര ബമ്പര്‍ ഭാഗ്യക്കുറി മന്ത്രി പ്രകാശനം ചെയ്തു

കേരള സാമൂഹ്യ സുരക്ഷാ മിഷന്‍ ഗവ/എയ്ഡഡ് സ്‌കൂള്‍/കോളേജുകളില്‍ പഠിക്കുന്ന വിദ്യാര്‍ത്ഥികള്‍ക്ക് നടപ്പിലാക്കിവരുന്ന 'സ്‌നേഹപൂര്‍വ്വം പദ്ധതി' ധനസഹായത്തിന്  അപേക്ഷിക്കാനുള്ള തീയതി നവംബര്‍ 30 വരെ നീട്ടി.

പി.എന്‍.എക്‌സ്.4968/17

ഫിനാന്‍സ് ആക്ട് 2014 വഴിയുളള നികുതി വര്‍ദ്ധനവിനെതിരെ അന്തര്‍ സംസ്ഥാന സര്‍വീസ് നടത്തുന്ന കാര്യേജുകള്‍  ഹൈക്കോടതിയില്‍ സമര്‍പ്പിച്ച അപ്പീല്‍ തീര്‍പ്പായ സാഹചര്യത്തില്‍ വാഹനങ്ങളില്‍ നിന്ന് നികുതി കുടിശിക പിരിച്ചെടുക്കാന്‍ നടപടികള്‍ സ്വീകരിക്കാന്‍ ചെക്ക്‌പോസ്റ്റുകള്‍ക്ക് ട്രാന്‍സ്‌പോര്‍ട്ട് കമ്മീഷണര്‍ നിര്‍ദേശം നല്‍കി.  സംസ്ഥാനത്തിനകത്തേക്ക് സര്‍വീസ് നടത്തുന്ന എല്ലാ അന്യസംസ്ഥാന ഓള്‍ ഇന്ത്യ ടൂറിസ്റ്റ് ബസുകളും ഹൈക്കോടതി നിഷ്‌കര്‍ഷിച്ചിട്ടുളള സമയപരിധിക്കുളളില്‍ നികുതി കുടിശിക അടയ്ക്കണം.  സമയപരിധിയില്‍ കുടിശിക അടയ്ക്കാതെ സര്‍വീസ് നടത്തുന്ന വാഹനങ്ങള്‍ പിടിച്ചെടുക്കുന്നതടക്കമുളള നടപടികള്‍ സ്വീകരിക്കും

വ്യാജ സര്‍ട്ടിഫിക്കറ്റ് ഹാജരാക്കി ട്രാവന്‍കൂര്‍ - കൊച്ചിന്‍ മെഡിക്കല്‍ കൗണ്‍സിലില്‍ നിന്ന് മോഡേണ്‍ മെഡിസിനില്‍ രജിസ്‌ട്രേഷന്‍ നേടിയെന്ന് അന്വേഷണത്തില്‍ തെളിഞ്ഞ എറണാകുളം ഇടപ്പളളി ശ്രീനാരായണ റോഡില്‍ 50/150 എഫ്,  എറ്റിക്കല്‍ ഹൗസില്‍ ഷാജഹാന്‍ യൂസഫിന്റെ 16-4-2011 ലെ 42964-ാം നമ്പര്‍ രജിസ്‌ട്രേഷന്‍, നവംബര്‍ 10ലെ മോഡേണ്‍ മെഡിസിന്‍ കൗണ്‍സില്‍ യോഗ തീരുമാനപ്രകാരം റദ്ദാക്കി. ഇദ്ദേഹത്തിന്റെ പേര് രജിസ്റ്ററില്‍ നിന്നു നീക്കാനും ക്രിമിനല്‍  നിയമ നടപടികള്‍ സ്വീകരിക്കാനും ശുപാര്‍ശ ചെയ്തതായി  ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സില്‍ രജിസ്ട്രാര്‍ അറിയിച്ചു.

പി.എന്‍.എക്‌സ്.4966/17

ഗള്‍ഫ് ആസ്ഥാനമായ പ്രമുഖ അരോഗ്യസേവനശ്യംഖലയുടെ യു.എ.ഇ.യിലുള്ള വിവിധശാഖകളില്‍ നിയമനത്തിനായി ഏതെങ്കിലും പ്രമുഖ ആശുപത്രികള്‍, ക്ലിനിക്കുകള്‍ എന്നിവിടങ്ങളില്‍ കസ്റ്റമര്‍ സര്‍വ്വീസ് വിഭാഗത്തില്‍ കുറഞ്ഞത് ഒരു വര്‍ഷത്തെ പ്രവൃത്തിപരിചയമുള്ള ബിരുദധാരികളെ തെരഞ്ഞെടുക്കുന്നതിന് ഒ.ഡി.എ.പി.സി ഇന്റര്‍വ്യൂ നടത്തും.  പ്രായം 30 വയസില്‍ കവിയരുത്.

ആകര്‍ഷണീയമായ ശമ്പളം, ഉള്‍പ്പെടെ യു.എ.ഇ തൊഴില്‍ നിയമം അനുശാസിക്കുന്ന ആനുകൂല്യങ്ങള്‍ ലഭിക്കും.

    ശബരിമല തീര്‍ഥാടനം  പ്രമാണിച്ച് ഇന്ന് (23ന്) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    ശോഭ മെഡിക്കല്‍സ് പഴയ പ്രൈവറ്റ് ബസ്സ്റ്റാന്‍ഡ് പത്തനംതിട്ട, പുലൂര്‍ ഡ്രഗ് ഹൗസ് കോഴഞ്ചേരി, നിരവില്‍ മെഡിക്കല്‍സ് കോന്നി, എം.ജി മെഡിക്കല്‍സ് അടൂര്‍, എന്‍എസ്എസ് മെഡിക്കല്‍ മിഷന്‍ ഹോസ്പിറ്റല്‍ പന്തളം, നെല്‍കോ ഡ്രഗ് ഹൗസ്  തിരുവല്ല, മേമന മെഡിക്കല്‍ സ്റ്റോര്‍ റാന്നി, എംറ്റിഎംഎം ബഥനി ഹോസ്പിറ്റല്‍ റാന്നി.                                                                                    (24/17)

ജില്ലാ പഞ്ചായത്തിന്‍റെയും സാമൂഹ്യനീതി വകുപ്പിന്‍റെയും ആഭിമുഖ്യത്തില്‍ വയോജനങ്ങള്‍ക്കായി സായം സന്ധ്യ-2017 സംഗീത-കലാപരിപാടി പത്തനംതിട്ടയില്‍ നടന്നു. ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി പരിപാടി ഉദ്ഘാടനം ചെയ്തു. ജില്ലാ പഞ്ചായത്ത് വൈസ്പ്രസിഡന്‍റ് ജോര്‍ജ് മാമ്മന്‍ കൊണ്ടൂര്‍ അധ്യക്ഷത വഹിച്ച ചടങ്ങില്‍ ക്ഷേമകാര്യ സ്ഥിരം സമിതി അധ്യക്ഷ ലീലാമോഹന്‍, ജില്ലാ സാമൂഹ്യനീതി ഓഫീസര്‍ എല്‍.ഷീബ, സി.   എസ്.അജീഷ് കുമാര്‍, ശശികലാദേവി, ഷംസുദ്ദീന്‍, പ്രേമാദിവാകരന്‍, ഷംലാബീഗം എന്നിവര്‍ പ്രസംഗിച്ചു.                                             (പിഎന്‍പി 3130/17)

    ഡിസംബര്‍ അഞ്ചിന് പത്തനംതിട്ട സെന്‍റ് സ്റ്റീഫന്‍സ് ഓഡിറ്റോറിയത്തില്‍ നടക്കുന്ന ഭിന്നശേഷി ദിനാചരണ പരിപാടികള്‍ ഗ്രീന്‍ പ്രോട്ടോക്കോള്‍ പാലിച്ച് നടത്തുന്നതിന് തീരുമാനമായി. ദിനാചരവുമായി ബന്ധപ്പെട്ട ക്രമീകരണങ്ങള്‍ വിലയിരുത്തുന്നതിന് ജില്ലാ പഞ്ചായത്ത് വൈസ്പ്രസിഡന്‍റ് ജോര്‍ജ് മാമ്മന്‍ കൊണ്ടൂരിന്‍റെ അധ്യക്ഷതയില്‍ ജില്ലാ പഞ്ചായത്ത് കോണ്‍ഫറന്‍സ് ഹാളില്‍  ചേര്‍ന്ന യോഗത്തിലാണ് തീരുമാനം.