കോട്ടിക്കുളം-തച്ചങ്ങാട് റോഡ് അഭിവൃദ്ധിപ്പെടുത്തുന്നതിന്റെ ഉദ്ഘാടനം നാളെ(24) ഉച്ചയ്ക്ക് 3.30ന് മുതിയക്കാലില്‍ പൊതുമരാമത്ത്‌വകുപ്പ് മന്ത്രി ജി.സുധാകരന്‍ നിര്‍വഹിക്കും. കെ.കുഞ്ഞിരാമന്‍ എംഎല്‍എ അധ്യക്ഷതവഹിക്കും. ജില്ലാ പഞ്ചായത്ത് പ്രസിഡന്റ് എജിസി ബഷീര്‍, കാഞ്ഞങ്ങാട് ബ്ലോക് പഞ്ചായത്ത് പ്രസിഡന്റ് എം.ഗൗരി, ജില്ലാ പഞ്ചായത്ത്,  ബ്ലോക്-ഗ്രാമ പഞ്ചായത്ത് പ്രതിനിധികള്‍, വിവിധ രാഷ്ട്രീയ കക്ഷി നേതാക്കള്‍ തുടങ്ങിയവര്‍ പങ്കെടുക്കും. 

    നവജാതശിശുക്കളുടെ ആധാര്‍ നടപ്പാക്കുന്നതിന്റെ ജില്ലാതല ഉദ്ഘാടനം കാസര്‍കോട് ജനറല്‍ ആശുപത്രി ലേബര്‍ വാര്‍ഡില്‍ ഇന്ന് (23) രാവിലെ 9.30 ന് ജില്ലാകളക്ടര്‍ കെ ജീവന്‍ബാബു  നിര്‍വ്വഹിക്കും. ജില്ലാ അക്ഷയ പ്രൊജക്ടിന്റെ ആഭിമുഖ്യത്തിലാണ് പരിപാടി.

   സംസ്ഥാന വനിതാ കമ്മീഷന്റെ കാസര്‍കോട് ജില്ലയിലെ മെഗാ അദാലത്ത് ഇന്ന് (23) രാവിലെ 10.30 കളക്ടറേറ്റ് കോണ്‍ഫറന്‍സ് ഹാളില്‍ നടക്കും.  

   ഹൊസ്ദുര്‍ഗ് ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ 2018-2020  വര്‍ഷത്തേക്കുളള വിവിധ ഒഴിവുകള്‍ക്ക് നാമനിര്‍ദ്ദേശം ചെയ്യുന്നതിനുളള  താല്‍ക്കാലിക സീനിയോറിറ്റി ലിസ്റ്റുകള്‍ പ്രസിദ്ധീകരിച്ചു. ഈ ലിസ്റ്റുകള്‍ ഡിസംബര്‍ 12 നകം  എല്ലാ അസ്സല്‍ സര്‍ട്ടിഫിക്കറ്റുകളും  രജിസ്‌ട്രേഷന്‍ ഐഡന്റിറ്റി കാര്‍ഡും സഹിതം ഈ ഓഫീസില്‍  നേരിട്ട് ഹാജരായോ ംംം.ലാുഹീ്യാലി.േസലൃമഹമ.ഴീ്.ശി എന്ന വെബ് സൈറ്റ് മുഖേനയോ പരിശോധിച്ച് പരാതികള്‍ ഉണ്ടെങ്കില്‍ ഓണ്‍ലൈന്‍ വഴിയോ  രേഖാമൂലമോ എംപ്ലോയ്‌മെന്റ് ഓഫീസര്‍ക്ക് സമര്‍പ്പിക്കാം.  

കൊച്ചി: രണ്ടു ദിവസത്തെ കേരള സന്ദര്‍ശനം പൂര്‍ത്തിയാക്കി ഉപരാഷ്ട്രപതി വെങ്കയ്യ നായിഡു മടങ്ങി. കൊച്ചി നഗരസഭയുടെ സുവര്‍ണജൂബിലി  കൊച്ചിന്‍ ചേംബര്‍ ഓഫ് കോമേഴ്‌സ് ആന്‍ഡ് ഇന്‍ഡസ്ട്രിയുടെ വാര്‍ഷികാഘോഷം എന്നീ ചടങ്ങുകളിലാണ് ഉപരാഷ്ട്രപതി ഇന്നലെ പങ്കെടുത്തത്.

    കേന്ദ്ര തെരഞ്ഞെടുപ്പ് കമ്മീഷണ്‍ സ്‌കൂള്‍ കുട്ടികള്‍ക്കായി അഖിലേന്ത്യ അടിസ്ഥാനത്തില്‍ നടത്തുന്ന ക്വിസ് മത്സരത്തിന്റെ ജില്ലാതല മത്സരങ്ങള്‍ ഡിസംബര്‍ ഒന്നിന് രാവിലെ പത്തിന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. നോമിനേഷന്‍ സമര്‍പ്പിച്ച വിദ്യാര്‍ഥികള്‍ അന്നേദിവസം കൃത്യസമയത്ത് കളക്ടറേറ്റില്‍ ഹാജരാകണം. ഫോണ്‍: 04994 256085

    സഹപാഠിക്ക് കൈത്താങ്ങായി മടിക്കൈ മോഡല്‍കോളേജ് എന്‍.എസ്.എസ് വിദ്യാര്‍ത്ഥികള്‍ നാടിന് മാതൃകയായി. തീരെ നിര്‍ധന കുടുംബത്തില്‍ നിന്നും കോളേജില്‍ പഠിക്കാനെത്തിയ രണ്ടാംവര്‍ഷ ബികോമിലെ കെ.വി.സുശോഭിനാണ് നിര്‍മ്മാണം നിലച്ചുപോയ വീടിന്റെ പണികള്‍ പൂര്‍ത്തിയാക്കുവാന്‍ വിദ്യാര്‍ഥികള്‍ ഒന്നിച്ചു നിന്നത്. വീടിന്റെ താക്കോല്‍ ജില്ലാ കളക്ടര്‍ ജീവന്‍ ബാബു കെ കൈമാറി. സുശോഭിന്റെ രക്ഷിതാക്കളായ ടി.കെ സുഭാഷും, കെ.വി.നിര്‍മ്മലയും ചേര്‍ന്നാണ്  ജില്ലാ കളക്ടറില്‍ താക്കോല്‍ നിന്നും ഏറ്റുവാങ്ങിയത്.

സംസ്ഥാന വൈദ്യുതി റെഗുലേറ്ററി കമ്മീഷന്റെ 2017 ജൂണ്‍ 20ലെ വൈദ്യുതി ബോര്‍ഡിന്റെ 2013-14 വര്‍ഷത്തെ ട്രൂയിംഗ് അപ്പ് ഉത്തരവിന്മേല്‍ കെ.എസ്.ഇ.ബി ലിമിറ്റഡ് റിവ്യൂ പെറ്റീഷന്‍ സമര്‍പ്പിച്ച സാഹചര്യത്തില്‍ 29 ന് രാവിലെ 11 ന് ഹിയറിംഗ് കമ്മീഷന്‍ ഓഫീസില്‍ നടത്തും.  പെറ്റിഷനുകള്‍ www.erckerala.org യില്‍ ലഭ്യമാണ്. പൊതു ഹിയറിംഗില്‍ പൊതുജനങ്ങള്‍ക്കും താല്പര്യമുള്ളവര്‍ക്കും പങ്കെടുക്കാം.

പി.എന്‍.എക്‌സ്.4964/17

വ്യാവസായിക പരിശീലന വകുപ്പ് സംസ്ഥാനത്തെ എല്ലാ ജില്ലകളിലും ഡിസംബര്‍ 19 വരെ വ്യവസായിക അസോസിയേഷന്‍, കെ.എ.എസ്.ഇ, ഒ.ഡി.ഇ.പി.സി എന്നിവരുടെ സഹകരണത്തോടെ സ്‌പെക്ട്രം 2017 ജോബ് ഫെയര്‍ നടത്തും.  മലപ്പുറം അരീക്കോട് ഐ.ടി.ഐയില്‍ നവംബര്‍ 23നും പാലക്കാട് മലമ്പുഴ ഐ.ടി.ഐയില്‍ നവംബര്‍ 30നും എറണാകുളം കളമശ്ശേരി ഐ.ടി.ഐയില്‍ ഡിസംബര്‍ 4, 5-നും തിരുവനന്തപുരം ചാക്ക ഐ.ടി.ഐ.

                സംസ്ഥാന ന്യൂനപക്ഷ കമ്മീഷന്‍ സിറ്റിംഗ് നവം. 24ന് രാവിലെ 11 മണിക്ക് കലക്‌ട്രേറ്റ് കോഫറന്‍സ് ഹാളില്‍ നടക്കും.