idukki

നിയമസഭയുടെ പരിസ്ഥിതി സമിതി (2016 -19), നവംബര്‍ 23ന് രാവിലെ 11 മണിക്ക് നിയമസസഭാ സമുച്ചയത്തിലെ 5 ഡി സമ്മേളനഹാളില്‍ യോഗം ചേരും.  മൂക്കുന്നിമലയിലെ അനധികൃത ക്വാറി/ക്രഷര്‍ പ്രവര്‍ത്തനത്തിനെതിരെയും വെളളായണി കായലിന്റെ മലിനീകരണം സംബന്ധിച്ചും സമിതിക്കു ലഭിച്ച പരാതികളിന്മേല്‍ ബന്ധപ്പെട്ട വകുപ്പുദ്യോഗസ്ഥരില്‍ നിന്നും തെളിവെടുപ്പ് നടത്തി ഈ സ്ഥലങ്ങള്‍ സന്ദര്‍ശിക്കും.

പി.എന്‍.എക്‌സ്.4928/17

നവംബര്‍ 19 മുതല്‍ 25 വരെ ക്വാമി ഏകതാ വാരമായി ആചരിക്കുന്നതിന്റെ ഭാഗമായി സെക്രട്ടേറിയറ്റില്‍ ദേശീയോദ്ഗ്രഥന പ്രതിജ്ഞയെടുത്തു. രാവിലെ 11ന് സെക്രട്ടേറിയറ്റ് ദര്‍ബാര്‍ ഹാളില്‍ നടന്ന ചടങ്ങില്‍ ചീഫ് സെക്രട്ടറി ഡോ. കെ.എം. എബ്രഹാം പ്രതിജ്ഞ ചൊല്ലിക്കൊടുത്തു. പൊതുഭരണവകുപ്പ് പ്രിന്‍സിപ്പല്‍ സെക്രട്ടറി ബിശ്വനാഥ് സിന്‍ഹ, മുതിര്‍ന്ന ഉദ്യോഗസ്ഥര്‍, സെക്രട്ടേറിയറ്റ് ജീവനക്കാര്‍ തുടങ്ങിയവര്‍ സംബന്ധിച്ചു. 

പി.എന്‍.എക്‌സ്.4927/17

idukki

വിവിധ മേഖലകളില്‍ സ്തുത്യര്‍ഹമായ സേവനം കാഴ്ചവച്ച വനിതകള്‍ക്കായി കേരള സര്‍ക്കാര്‍ സാമൂഹ്യനീതി വകുപ്പ് നല്‍കുന്ന വനിതാരത്‌നം പുരസ്‌കാരത്തിന് അപേക്ഷ ക്ഷണിച്ചു.

    മൂന്നാമത് സംസ്ഥാന എംആര്‍എസ് - ഹോസ്റ്റല്‍ കായിക മേള കളിക്കളം 2018 ന്റെ ഭാഗ്യചിഹ്നമായ മീട്ടു മലയണ്ണാന്‍ മേളയുടെ ശ്രദ്ധാകേന്ദ്രമാകുന്നു. ഗ്രീന്‍ പ്രോട്ടോക്കോള്‍ പാലിച്ചുകൊണ്ട് നടത്തപ്പെടുന്ന മേളയുടെ മുക്കിലും മൂലയിലും മീട്ടുവിന്റെ നോട്ടമുണ്ടാകും. 

    പട്ടികവര്‍ഗ വിഭാഗത്തില്‍പ്പെട്ട കുട്ടികളുടെ  ജീവിതസാഹചര്യങ്ങളോട് ഇണങ്ങുന്ന വിധത്തില്‍ അവരുടെ കായിക പ്രവര്‍ത്തനങ്ങളെ പരിപോഷിപ്പിക്കാന്‍ വകുപ്പ് നടത്തുന്ന പ്രവര്‍ത്തനങ്ങളുടെ ഭാഗമായാണ് ഈ വിഭാഗത്തിന് ചിരപരിചിതമായ മലയണ്ണാനെ ഭാഗ്യചിഹ്നമായി തെരഞ്ഞെടുത്തതെന്ന് വകുപ്പ് ഡയറക്ടര്‍ ഡോ. പി. പുഗഴേന്തി അറിയിച്ചു.

പി.എന്‍.എക്‌സ്.4925/17

    ദേവികുളം താലൂക്കിന് അനുവദിച്ച ജനമൈത്രി എക്‌സൈസ് സ്‌ക്വാഡ് ഓഫീസിന്റെ ഉദ്ഘാടനം തിങ്കളാഴ്ച ( നവം.20) ഉച്ചക്ക് 2ന് അടിമാലിയില്‍ എക്‌സൈസ്- തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും. വൈദ്യുതി വകുപ്പ് മന്ത്രി എം.എം മണി അധ്യക്ഷത വഹിക്കും. ജോയ്‌സ് ജോര്‍ജ്ജ് എം.പി, എസ്.രാജേന്ദ്രന്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസ്, ജില്ലാകലക്ടര്‍ ജി.ആര്‍. ഗോകുല്‍, ജില്ലാ പോലീസ് മേധാവി കെ.ബി വേണുഗോപാല്‍ അഡീഷണല്‍ എക്‌സൈസ് കമ്മീഷണര്‍ എ.വി. ജയന്‍, ജോയിന്റ് എക്‌സൈസ് കമ്മീഷണര്‍ പി.കെ. മനോഹരന്‍, ത്രിതല പഞ്ചായത്ത് പ്രതിനിധികള്‍ തുടങ്ങിയവര്‍ പങ്കെടുക്കും.

‍