പട്ടിക വിഭാഗത്തിലുള്ള വിദ്യാര്‍ത്ഥികളുടെ സര്‍ഗശേഷി മനസ്സിലാക്കി അവരുടെ കഴിവുകള്‍ പരിപോഷിപ്പിക്കുന്നതിന് സര്‍ക്കാര്‍ അവസരങ്ങളുണ്ടാക്കുമെന്ന് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് പറഞ്ഞു. പട്ടിക വര്‍ഗ വികസന വകുപ്പിനു കീഴിലുള്ള മോഡല്‍ റസിഡന്‍ഷ്യല്‍ സ്‌കൂളുകളിലെയും ഹോസ്റ്റലുകളിലെയും വിദ്യാര്‍ത്ഥികളുടെ മൂന്നാമതു സംസ്ഥാനതല കായികമേള 'കളിക്കളം 2018' ഉദ്ഘാടനം ചെയ്യുകയായിരുന്നു അദ്ദേഹം.

കുട്ടികളുടെ അവകാശങ്ങള്‍ സംരക്ഷിക്കുന്നതിലൂടെ നാടിന്റെ ഭാവിയാണ് സംരക്ഷിക്കപ്പെടുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. ഇതില്‍ രക്ഷിതാക്കള്‍ക്കും അദ്ധ്യാപകര്‍ക്കും സമൂഹത്തിനും ബാധ്യതയുണ്ട്. കുട്ടികളെ മയക്കുമരുന്നിന് അടിമയാക്കാനും അവയുടെ കാരിയര്‍മാരാക്കാനും ശ്രമം നടക്കുന്നുണ്ട്. ഇതിനെതിരെ നാം ജാഗ്രത പാലിക്കണം. അവകാശങ്ങള്‍ ലംഘിച്ച് ബാലസമൂഹത്തെ പുറംതള്ളിയാല്‍ വളരുന്നത് ക്രിമിനലുകളാവുമെന്ന് മുഖ്യമന്ത്രി പറഞ്ഞു. സംസ്ഥാന ബാലാവകാശ സംരക്ഷണ കമ്മീഷന്‍ കനകക്കുന്നില്‍ സംഘടിപ്പിച്ച അന്തര്‍ദ്ദേശീയ ശിശുദിനം ഉദ്ഘാടനം ചെയ്യുകയായിരുന്നു അദ്ദേഹം. 

പിന്നാക്ക വിഭാഗ  വികസന  വകുപ്പ്  നടപ്പിലാക്കി വരുന്ന  പരമ്പരാഗത  കരകൗശല  വിദഗ്ദ്ധര്‍ക്ക്  പണിയായുധങ്ങള്‍ക്കുള്ള  ധനസഹായ പദ്ധതിയുടെ കോഴിക്കോട്, കണ്ണൂര്‍, കാസര്‍ഗോഡ്, മലപ്പുറം, വയനാട്, പാലക്കാട്, തൃശൂര്‍ ജില്ലകളിലെ അപേക്ഷകരുടെ മുന്‍ഗണനാ ലിസ്റ്റ്  www.bcdd.kerala.gov.in   എന്ന വെബ്‌സൈറ്റില്‍  പ്രസിദ്ധീകരിച്ചു. ലിസ്റ്റ് സംബന്ധിച്ച ആക്ഷേപങ്ങള്‍ 15 ദിവസങ്ങള്‍ക്കകം മേഖലാ ഡപ്യൂട്ടി ഡയറക്ടര്‍, പിന്നാക്ക വിഭാഗ വികസന വകുപ്പ്, കോഴിക്കോട് സിവില്‍സ്റ്റേഷന്‍(പി.ഒ), കോഴിക്കോട്-673020 എന്ന വിലാസത്തില്‍ അറിയിക്കേണ്ടതാണ്.
 

വ്യാവസായിക പരിശീലന വകുപ്പ് സംസ്ഥാനത്തെ എല്ലാ ജില്ലകളിലും നവംബര്‍, ഡിസംബര്‍ മാസങ്ങളിലായി ജോബ് ഫെയര്‍ നടത്തുന്നു. ജില്ലയിലെ ജോബ് ഫെയര്‍ നടക്കുന്നത് ഡിസംബര്‍ 14ന് കോഴിക്കോട് ഗവ: ഐ.ടി.ഐയില്‍  വെച്ചാണ്.  ജോബ്‌ഫെയറില്‍ പങ്കെടുക്കാനാഗ്രഹിക്കുന്ന ഐ.ടി.ഐ പാസ്സായ ട്രെയിനികള്‍ തങ്ങളുടെ പേരും, മറ്റ് പൂര്‍ണ്ണ വിശദാംശങ്ങളും www.itdjobfair.in എന്ന വെബ്‌സൈറ്റില്‍ രജിസ്റ്റര്‍ ചെയ്യേണ്ടതാണ്.  രജിസ്റ്റര്‍ ചെയ്തതിന് ശേഷം ലഭിക്കുന്ന പ്രിന്റ് ഔട്ട് സഹിതം ഡിസംബര്‍ 14ന് നടക്കുന്ന ജോബ് ഫെയറില്‍ പങ്കെടുക്കേണ്ടതാണ്.  കൂടുതല്‍ വിവരങ്ങള്‍ക്ക് 0495 2377016. 

എടരിക്കോട് സെക്ഷന്‍ പരിധിയിലെ ചുടലപ്പാറ, ഒറ്റത്തെങ്ങ്, പുതുപറമ്പ്, കാരാട്ടങ്ങാടി ഭാഗങ്ങളില്‍  നവംബര്‍ 20ന് രാവിലെ ഒമ്പത് മുതല്‍ വൈകിട്ട് അഞ്ച് വരെ വൈദ്യുതി മുടങ്ങും.

    തോട്ടുമുക്കം - കുഴിനക്കിപ്പാറ പാലം പുതുക്കി പണിയുന്നതിനാല്‍ ഇതുവഴിയുള്ള ഗതാഗതം നവംബര്‍ 20 മുതല്‍ നിരോധിച്ചു.  വാഹനങ്ങള്‍ തോട്ടുമുക്കം - പത്തനാപുരം - തേക്കിന്‍ചുവട് റോഡ് വഴി പോകണം.

എംപ്ലോയ്‌മെന്റ് ഡയറക്ടറുടെ നിര്‍ദ്ദേശ പ്രകാരം 2018-2020  വര്‍ഷത്തേക്കുളള സീനിയോറിറ്റി ലിസ്റ്റ് തയ്യാറാക്കുന്ന ജോലികള്‍ സമയബന്ധിതമായി  പൂര്‍ത്തിയാക്കേണ്ടതിനാല്‍ എംപ്ലോയ്‌മെന്റിന്റെ മറ്റു സേവനങ്ങള്‍ (രജിസ്‌ട്രേഷന്‍, പുതുക്കല്‍, അധികയോഗ്യത ചേര്‍ക്കല്‍) തുടങ്ങിയ ജോലികള്‍ ഡിസംബര്‍  20  വരെ നിര്‍ത്തിവെച്ചു. ഈ സേവനങ്ങള്‍ ഡിസംബര്‍ 21 മുതല്‍ പുനരരംഭിക്കും. എന്നാല്‍ ഓണ്‍ലൈന്‍ സേവനങ്ങള്‍ (രജിസ്‌ട്രേഷന്‍, പുതുക്കല്‍, അധികയോഗ്യത ചേര്‍ക്കല്‍) എന്നിവ സ്വന്തമായോ അക്ഷയ കേന്ദ്രങ്ങള്‍ മുഖേനയോ ചെയ്യാവുന്നതാണ്. അതിന്റെ വെരിഫിക്കേഷന്‍ ഡിസംബര്‍ 21 മുതല്‍ ആരംഭിക്കും. കൂടുതല്‍ വിവരങ്ങള്‍ക്ക്  0495 2376179

 'നോട്ട് റ്റു ടാബ് - ബി സ്‌പോട്‌സ്'  എന്ന  പേരില്‍ ജില്ലാതല സ്‌കൂള്‍ സൗഹൃദ ഫുട്‌ബോള്‍ ചാമ്പ്യന്‍ഷിപ്പ് നടത്തുന്നു.  മികച്ച കൗമാരതാരങ്ങളെ കണ്ടെത്തുന്നതിനും പ്രോത്സാഹിപ്പിക്കുന്നതിനും സ്‌കൂളുകളില്‍ കായിക വിദ്യാഭ്യാസത്തേയും  പ്രൊഫഷണല്‍ ഫുട്‌ബോളിനെയും കാര്യക്ഷമമാക്കുന്നതിനുമായി  ചൈല്‍ഡ് ലൈന്‍ ദോസ്തി ക്യാമ്പയിന്റെ ഭാഗമായാണ് പരിപാടി.  നവംബര്‍ 20ന് അന്താരാഷ്ട്ര ബാലാവകാശ ദിനത്തില്‍ കോട്ടപ്പടി സ്റ്റേഡിയത്തില്‍ വൈകുന്നേരം മൂന്നിനാണ് മത്സരം.

പെരിന്തല്‍മണ്ണ ഗവ. പോളിടെക്‌നിക് കോളേജില്‍ പാര്‍ട്ട് ടൈം ഡിപ്‌ളോമ സായാഹ്ന കോഴ്‌സുകളില്‍ കരാറടിസ്ഥാനത്തില്‍ ഇംഗ്ലീഷ്, കെമിസ്ട്രി, ഫിസിക്‌സ്, ഗണിതം, കമ്പ്യൂട്ടര്‍ എഞ്ചിനീയറിംഗ് വിഭാഗങ്ങളില്‍ ഗസ്റ്റ് ലക്ചറര്‍മാരെ നിയമിക്കുന്നു. താത്പര്യമുളളവര്‍ ബയോഡാറ്റയും അസ്സല്‍ സര്‍ട്ടിഫിക്കറ്റുകളുമായി നവംബര്‍ 22ന് രാവിലെ 9.30 ന് കോളേജില്‍ കൂടിക്കാഴ്ചയ്ക്ക് എത്തണം. ഫോണ്‍ : 04933 227253.