കുംഭമേളയില്‍ പങ്കെടുക്കാന്‍ പ്രയാഗ്രാജില്‍ ബുക്ക് ചെയ്ത ഹോട്ടല്‍ മുറി നിഷേധിച്ച സംഭവത്തില്‍ ഐ.ആര്‍.സി.ടി.സി.ക്കും ഓണ്‍ലൈന്‍ ബുക്കിംഗ് പോര്‍ട്ടലായ മേക്ക് മൈ ട്രിപ്പിനുമെതിരെ ജില്ലാ ഉപഭോക്തൃ കമ്മീഷന്റെ നടപടി. സേവനത്തില്‍  വീഴ്ച വരുത്തിയതിന് പരാതിക്കാര്‍ക്ക് 50,000 രൂപ നഷ്ടപരിഹാരവും 5,000 രൂപ കോടതി ചെലവും നല്‍കാന്‍ കമ്മീഷന്‍ ഉത്തരവിട്ടു. കൂടാതെ ഹോട്ടലില്‍ നിന്നും പരാതിക്കാരില്‍ നിന്ന് അധികമായി ഈടാക്കിയ 7,827 രൂപ തിരികെ നല്‍കാനും കോടതി വിധിച്ചു.

ഹോമിയോപ്പതി വകുപ്പില്‍ ഫാര്‍മസിസ്റ്റ് ഗ്രേഡ് II (കാറ്റഗറി നമ്പര്‍ 80/2024) തസ്തികയിലേക്കുള്ള ഉദ്യോഗാര്‍ഥികളുടെ അഭിമുഖം മേയ് 20, 21 തീയതികളില്‍ നടക്കും. പി.എസ്.സി  ജില്ലാ ഓഫീസിലാണ് അഭിമുഖം. അര്‍ഹരായവര്‍ക്ക് എസ്.എം.എസ് വഴിയും പി.എസ്.സി പ്രൊഫൈല്‍ വഴിയും വിവരം നല്‍കിയിട്ടുണ്ട്. പ്രൊഫൈലില്‍ നിന്നും ഇന്റര്‍വ്യൂ മെമ്മോ ഡൗണ്‍ലോഡ് ചെയ്ത്, അതില്‍ നിര്‍ദ്ദേശിച്ചിട്ടുള്ള അസ്സല്‍ സര്‍ട്ടിഫിക്കറ്റുകള്‍ സഹിതം നിശ്ചിത സമയത്ത് അഭിമുഖത്തിന് ഹാജരാകണം.

മലപ്പുറം ജില്ലയില്‍ നഴ്സ് ഗ്രേഡ് II (ആയുര്‍വേദം) (കാറ്റഗറി നമ്പര്‍ 745/2024) തസ്തികയിലേക്കുള്ള ഉദ്യോഗാര്‍ഥികളുടെ അഭിമുഖം മെയ് 21, 22 തീയതികളില്‍ നടക്കും. കേരള പബ്ലിക് സര്‍വീസ് കമ്മീഷന്റെ ജില്ലാ ഓഫീസിലാണ് അഭിമുഖം. അര്‍ഹരായവര്‍ക്ക് എസ്.എം.എസ് വഴിയും പി.എസ്.സി പ്രൊഫൈല്‍ വഴിയും അറിയിപ്പ് നല്‍കിയിട്ടുണ്ട്. ഉദ്യോഗാര്‍ഥികള്‍ പ്രൊഫൈലില്‍ നിന്നും ഇന്റര്‍വ്യൂ മെമ്മോ ഡൗണ്‍ലോഡ് ചെയ്ത് അതില്‍ വ്യക്തമാക്കിയിട്ടുള്ള അസ്സല്‍ സര്‍ട്ടിഫിക്കറ്റുകള്‍ സഹിതം നിശ്ചിത സമയത്ത് അഭിമുഖത്തിന് ഹാജരാകണം.

2025-26 അധ്യയന വര്‍ഷത്തില്‍ എസ്.എസ്.എല്‍.സി, ടി.എച്ച്.എസ്.എല്‍.സി വിഭാഗങ്ങളില്‍ ഉന്നതവിജയം കരസ്ഥമാക്കിയ  മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളി അനുബന്ധത്തൊഴിലാളികളുടെ കുട്ടികള്‍ക്ക്  വിദ്യാഭ്യാസ പ്രോത്സാഹന ക്യാഷ് അവാര്‍ഡ് വിതരണം ചെയ്യുന്നതിലേക്ക് അപേക്ഷ ക്ഷണിച്ചു.
 

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്‌മെന്റിന് കീഴില്‍ പ്രവര്‍ത്തിക്കുന്ന കിലെ ഐ.എ.എസ് അക്കാദമിയില്‍ കെട്ടിട നിര്‍മ്മാണ ക്ഷേമ ബോര്‍ഡിന്റെ മലപ്പുറം ജില്ലാ കാര്യാലയത്തില്‍ രജിസ്റ്റര്‍ ചെയ്തിട്ടുള്ള തൊഴിലാളികളുടെ ബിരുദധാരികളായ ആശ്രിതര്‍ക്ക് 2026-27 വര്‍ഷത്തെ യു.പി.എസ്.സി പരിശീലനത്തിനുള്ള രജിസ്‌ട്രേഷന്‍ ആരംഭിച്ചു. ഈ കോഴ്സിന് 50% സബ്സിഡിയില്‍ പകുതി ഫീസ് അടച്ചാല്‍ മതിയാകും. താത്പര്യമുള്ളവര്‍ കെട്ടിട നിര്‍മ്മാണ ക്ഷേമ ബോര്‍ഡിന്റെ മലപ്പുറം ജില്ലാ കാര്യാലയത്തില്‍ നിന്നുള്ള ആശ്രിതത്വ സര്‍ട്ടിഫിക്കറ്റ് ഉള്‍പ്പെടെ അപേക്ഷിക്കണം.

ഏറനാട് താലൂക്ക്, മേല്‍മുറി വില്ലേജില്‍  ബ്ലോക്ക് നമ്പര്‍ 2,  1065/223, 1065/225, 1065/224 റീ-സര്‍വ്വേ നമ്പറുകളില്‍ ഉള്‍പ്പെട്ട 0.9297 ഹെക്ടര്‍ ഭൂമിയില്‍ സ്വകാര്യ വ്യക്തി നടത്തുന്ന ഗ്രാനൈറ്റ് ബില്‍ഡിംഗ് സ്റ്റോണ്‍ ക്വാറി പദ്ധതിയുടെ പരിസ്ഥിതി ആഘാത പഠന റിപ്പോര്‍ട്ടില്‍ (ഡ്രാഫ്റ്റ്  ഇ.ഐ.എ റിപ്പോര്‍ട്ട് ) പൊതുജനങ്ങളുടെ അഭിപ്രായങ്ങളും നിര്‍ദ്ദേശങ്ങളും ആരായുന്നതിനായി മലിനീകരണ നിയന്ത്രണ ബോര്‍ഡ് പബ്ലിക് ഹിയറിംഗ് ജൂണ്‍ 18 ന് രാവിലെ 10.30ന് മലപ്പുറം മുന്‍സിപ്പല്‍ ബസ് സ്റ്റാന്‍ഡ് ഓഡിറ്റോറിയത്തില്‍ നടക്കും.

മലപ്പുറം ജില്ലയിലെ സ്‌കൂളുകളില്‍ ഐ.ഐ.ടി. മദ്രാസ് നടത്തുന്ന 'ടീച്ച് ടു ലേണ്‍' പദ്ധതിയായ 'സ്‌റ്റെം' എഡ്യൂക്കേറ്റര്‍ തസ്തികയിലേക്ക് അപേക്ഷ ക്ഷണിച്ചു. യോഗ്യതകള്‍: ബി.ഇ / ബി.ടെക്,  ബി.എസ്.സി. (ഫിസിക്‌സ്), എം.എസ്.സി (ഫിസിക്‌സ്), എം.ടെക്. ഈ മേഖലയില്‍ കുറഞ്ഞത് ഒരു വര്‍ഷത്തെ അധ്യാപന/ പരിശീലന പരിചയം ഉണ്ടായിരിക്കണം. മൈക്രോസോഫ്റ്റ് വേഡ്, പി.പി.ടി, മറ്റ് ഡിജിറ്റല്‍ സോഫ്റ്റ് കഴിവുകള്‍, സി.എ.ഡി. സോഫ്റ്റ്വെയര്‍ പരിചയം, ഇംഗ്ലീഷ് പരിജ്ഞാനം എന്നിവയുള്ളവര്‍ക്ക് മുന്‍ഗണന.

പെരിന്തല്‍മണ്ണ പി.ടി.എം. ഗവണ്‍മെന്റ് കോളേജില്‍ കംപ്യൂട്ടര്‍ സയന്‍സ്, ഫിസിക്‌സ് വിഭാഗങ്ങളില്‍ അതിഥി അധ്യാപകരെ ആവശ്യമുണ്ട്. കോളേജ് വിദ്യാഭ്യാസ വകുപ്പിന്റെ കോഴിക്കോട് മേഖല ഓഫീസില്‍ പേര് രജിസ്റ്റര്‍ ചെയ്തിട്ടുള്ള, യു.ജി.സി. റഗുലേഷന്‍ പ്രകാരം അസിസ്റ്റന്റ് പ്രൊഫസര്‍ നിയമനത്തിന് യോഗ്യതയുള്ള (നെറ്റ്/പി.എച്ച്.ഡി) ഉദ്യോഗാര്‍ഥികള്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി അഭിമുഖത്തിന് ഹാജരാകണം. കംപ്യൂട്ടര്‍ സയന്‍സ് വിഭാഗത്തിലേക്കുള്ള അഭിമുഖം മെയ് 23ന് രാവിലെ 10.00 നും ഫിസിക്‌സ് വിഭാഗത്തിലേക്കുള്ള അഭിമുഖം അന്നേ ദിവസം ഉച്ചയ്ക്ക് 1.30 നും നടക്കും. ഫോണ്‍- 04933 227370, 9188900199.

തിരൂരങ്ങാടി താലൂക്കില്‍ ഹോട്ടലുകള്‍, പലചരക്ക് സ്ഥാപനങ്ങള്‍ എന്നിവിടങ്ങളില്‍ താലൂക്ക് സപ്ലൈ ഓഫീസറുടെ നേതൃത്വത്തില്‍ പരിശോധന നടത്തി. വിലവിവര പട്ടിക പ്രദര്‍ശിപ്പിക്കാത്തതും മതിയായ രേഖകളില്ലാതെ പ്രവര്‍ത്തിക്കുന്നതുമായ സ്ഥാപനങ്ങള്‍ക്കെതിരെ ഉദ്യോഗസ്ഥര്‍ കര്‍ശനമായ മുന്നറിയിപ്പ് നല്‍കി. ഗാര്‍ഹികാവശ്യത്തിനുള്ള പാചകവാതക സിലിണ്ടറുകള്‍ വാണിജ്യാവശ്യത്തിനായി ഉപയോഗിക്കുന്നത് ശ്രദ്ധയില്‍ പെട്ടാല്‍ നിയമ നടപടികള്‍ സ്വീകരിക്കും. വരും ദിവസങ്ങളിലും താലൂക്കിലെ വിവിധ ഭാഗങ്ങളില്‍ പരിശോധന തുടരും. പരിശോധനയില്‍ താലൂക്ക് സപ്ലൈ ഓഫീസര്‍ പി.പ്രമോദ്, റേഷനിംഗ് ഇന്‍സ്‌പെക്ടര്‍മാരായ എം.