വ്യവസായ വകുപ്പിന്റെയും ഇന്‍സ്റ്റിറ്റ്യൂട്ട് ഓഫ് ചാര്‍ട്ടേര്‍ഡ് അക്കൗണ്ടന്‍സിന്റെയും സംയുക്താഭിമുഖ്യത്തില്‍ പ്രതിമാസം സംരംഭകര്‍ക്കായി നടത്തിവരുന്ന എം.എസ്.എം.ഇ ഹെല്‍പ്പ് ഡെസ്‌ക് ചുണ്ണാമ്പുത്തറ ഇന്ദ്രാണി നഗറിലുള്ള ഐ.സി.എ.ഐ ഭവനില്‍ മെയ് 15 ന് രാവിലെ 11 മുതല്‍ ഉച്ചയ്ക്ക് ഒന്ന് വരെ സംഘടിപ്പിക്കും. രജിസ്‌ട്രേഷന് പാലക്കാട് താലൂക്ക് ഉപജില്ലാ വ്യവസായ ഓഫീസറുമായി ബന്ധപ്പെടുക. ഫോണ്‍: 7012233509.
 

കുട്ടികളിലെ ആത്മഹത്യ പ്രവണത തടയുന്നതിനും മാനസിക പിന്തുണ ഉറപ്പാക്കുന്നതിനും മാതാപിതാക്കള്‍ക്ക് പരിശീലനം നല്‍കേണ്ടത് അനിവാര്യമാണെന്ന് ജില്ലാ കലക്ടര്‍ എം.എസ് മാധവിക്കുട്ടി. കുട്ടികളിലെ ആത്മഹത്യ പ്രവണത തടയുന്നതിന് സ്വീകരിക്കേണ്ട നടപടികള്‍ ചര്‍ച്ച ചെയ്യുന്നതിന് ജില്ലാ കലക്ടറുടെ അധ്യക്ഷയില്‍ ചേര്‍ന്ന യോഗത്തില്‍ വിവിധ വകുപ്പുകളില്‍ നിന്നുള്ള അഭിപ്രായശേഖരണവും നടത്തി. വിദ്യാര്‍ഥികള്‍ക്കും പരിശീലനം ആവശ്യമാണ്; ഇതിനായി വിദ്യാര്‍ഥികളില്‍ നിന്നുതന്നെ വൊളന്റിയര്‍മാരെയും ട്രെയിനര്‍മാരെയും കണ്ടെത്തണമെന്നും നിര്‍ദ്ദേശം നല്‍കി. ജില്ലയില്‍ പ്രത്യേക കര്‍മപദ്ധതി തയ്യാറാക്കാനും യോഗത്തില്‍ തീരുമാനമായി.

തിരുവനന്തപുരം സെൻട്രൽ സ്റ്റേഡിയത്തിൽ ഇന്ന് (മേയ് 18) രാവിലെ 10 മണിക്ക് നടക്കുന്ന ചടങ്ങിൽ വി. ഡി. സതീശൻ കേരളത്തിന്റെ മുഖ്യമന്ത്രിയായി സത്യപ്രതിജ്ഞ ചെയ്യും. 20 മന്ത്രിമാരും സത്യപ്രതിജ്ഞ ചെയ്ത് ചുമതലയേൽക്കും. ഗവർണർ രാജേന്ദ്ര വിശ്വനാഥ് ആർലേക്കർ സത്യവാചകം ചൊല്ലിക്കൊടുക്കും.

അന്താരാഷ്ട്ര മ്യൂസിയം ദിനത്തോടനുബന്ധിച്ച് തൃശ്ശൂരിലെ സംസ്ഥാന മ്യൂസിയവും മൃഗശാലയിലെ വിവിധോദ്ദേശ്യ മ്യൂസിയവും മെയ് 18 ന് തുറന്നു പ്രവര്‍ത്തിക്കുന്നതാണെന്ന് തൃശ്ശൂര്‍ സംസ്ഥാന മ്യൂസിയം-മൃഗശാല സൂപ്രണ്ട് അറിയിച്ചു.

 തൃശ്ശൂര്‍ ജില്ലയില്‍ ഫയര്‍ ആന്റ് റസ്‌ക്യു സര്‍വ്വീസില്‍ ഹോം ഗാര്‍ഡുമാരെ നിയമിക്കുന്നു. പത്താം ക്ലാസ് പാസായ ശാരീരിക ക്ഷമതയുള്ള ആര്‍മി, നേവി, എയര്‍ഫോഴ്‌സ്, ബി എസ് എഫ്, സി ആര്‍ പി എഫ്, ഐ റ്റി ബി പി, എന്‍ എസ് ജി, എസ് എസ് ബി, ആസാം റൈഫിള്‍സ്, പോലീസ്, ഫയര്‍ ആന്‍ഡ് റെസ്‌ക്യൂ സര്‍വീസസ്, എക്‌സൈസ്, ഫോറസ്റ്റ് തുടങ്ങിയ സര്‍വീസുകളില്‍ നിന്നും റിട്ടയര്‍ ചെയ്ത 35 നും 58 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. ഉദ്യോഗാര്‍ത്ഥികള്‍ നിശ്ചിത ശാരീരിക ക്ഷമത ടെസ്റ്റുകള്‍ വിജയിക്കേണ്ടതാണ്. ജൂണ്‍ 15 ന് മുന്‍പായി ജില്ലാ ഫയര്‍ ഓഫീസര്‍ക്ക് അപേക്ഷകള്‍ നല്‍കണം.

കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികളുടെ മക്കളില്‍ ഒന്നാം ക്ലാസ് മുതല്‍ ഏഴാം ക്ലാസ് വരെ പഠിക്കുന്ന വിദ്യാര്‍ത്ഥികള്‍ക്ക് 2026-27 അധ്യയന വര്‍ഷത്തേക്കുള്ള പഠനകിറ്റ് വിതരണം ചെയ്യുന്നതുമായി ബന്ധപ്പെട്ട അപേക്ഷ സമര്‍പ്പിക്കാനുള്ള അവസാന തീയതി ജൂണ്‍ അഞ്ച് വരെ ദീര്‍ഘിപ്പിച്ചു. കൂടുതല്‍ വിവരങ്ങള്‍ക്ക് ഫോണ്‍: 0487 2364900.

 ദേശീയ ആരോഗ്യ ദൗത്യത്തിന് കീഴില്‍ മെഡിക്കല്‍ ഓഫീസര്‍മാരെ താല്‍ക്കാലികമായി കരാര്‍ അടിസ്ഥാനത്തില്‍ നിയമിക്കുന്നു. എം ബി ബി എസ്, ടി സി എം സി രജിസ്‌ട്രേഷനും പ്രവര്‍ത്തിപരിചയവും ആവശ്യമാണ്. 2026 ഏപ്രില്‍ 30 ന് 62 വയസ്സ് കഴിയാത്തവര്‍ക്ക് അപേക്ഷിക്കാം. ഓണ്‍ലൈനായി  https://forms.gle/U6PUkRboKPqV8ivw6 എന്ന ലിങ്ക് വഴി മെയ് 23 ന് വൈകിട്ട് അഞ്ചുമണിക്കകം അപേക്ഷ സമര്‍പ്പിക്കണം.

തൃശ്ശൂര്‍ വില്ലടത്ത് പ്രവര്‍ത്തിക്കുന്ന കനറാ ബാങ്ക് ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ഫോട്ടോഗ്രാഫി ആന്‍ഡ് വീഡിയോഗ്രാഫി സൗജന്യ തൊഴില്‍ പരിശീലനത്തിന് അപേക്ഷ ക്ഷണിച്ചു. ജൂണ്‍ ആദ്യവാരം ആരംഭിക്കുന്ന പരിശീലനത്തിന് 18 നും 50 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. രാവിലെ ഒന്‍പത് മുതല്‍ വൈകിട്ട് അഞ്ച് വരെയായിരിക്കും പരിശീലനം. 31 ദിവസം നീളുന്ന പരിശീലനത്തില്‍ സംരംഭകത്വം, വായ്പാ സൗകര്യങ്ങള്‍ എന്നിവ സംബന്ധിച്ച ക്ലാസുകളും ഉണ്ടായിരിക്കും. ഭക്ഷണവും താമസവും ഉള്‍പ്പെടെ പരിശീലനം തികച്ചും സൗജന്യമാണ്.