പട്ടികവര്‍ഗ വികസന വകുപ്പിന്റെ കോര്‍പ്പസ് ഫണ്ട് ഉപയോഗിച്ച് കാഞ്ചിയാര്‍ ഗ്രാമപഞ്ചായത്ത് മുഖേന അഞ്ചുരുളി ഉന്നതിയില്‍ നിര്‍മ്മിക്കുന്ന അഞ്ചുരുളി-കക്കാട്ടുകട റോഡിന്റെ നിര്‍മ്മാണ ഉദ്ഘാടനം ഇന്ന് (12) 12 മണിക്ക് ജലവിഭവ വകുപ്പ് മന്ത്രി റോഷി അഗസ്റ്റിന്‍ നിര്‍വഹിക്കും. കോവില്‍മല രാജാവ് രാമന്‍ രാജമന്നാന്‍ മുഖ്യാതിഥിയാകും.

റോഡ് വികസനത്തിന് 1.47 കോടി രൂപയുടെ  ഭരണാനുമതി ലഭ്യമായിട്ടുള്ള പദ്ധതിയില്‍ വനം വകുപ്പിന്റെ എന്‍ ഒ സി ലഭ്യമായിട്ടുള്ള 2.140 കിലോമീറ്ററില്‍ 3 മീറ്റര്‍ വീതിയില്‍ കോണ്‍ക്രീറ്റ് പ്രവര്‍ത്തികള്‍ നടപ്പാക്കുന്നതിനായിട്ടുള്ള ടെണ്ടര്‍ നടപടികളും പൂര്‍ത്തീകരിച്ചതാണ്.

ഫിഷറീസ് വകുപ്പിന്റെ ആഭിമുഖ്യത്തില്‍ നിര്‍മ്മിച്ച ചെങ്കുളം മള്‍ട്ടി സ്പീഷ്യസ് മത്സ്യവിത്ത് ഫാമിന്റെ ഉദ്ഘാടനം ചെങ്കുളം ഡാം സൈറ്റില്‍ ഇന്ന് (12) 3.30 ന്  ഫിഷറീസ്- സാംസ്‌കാരിക- യുവജനകാര്യ വകുപ്പ് മന്ത്രി സജി ചെറിയാന്‍ നിര്‍വഹിക്കും. വെള്ളത്തൂവല്‍ പഞ്ചായത്തില്‍ ചെങ്കുളം ഡാം സൈറ്റില്‍ 1.62 ഹെക്ടര്‍ ഭൂമിയില്‍ 654.95 ലക്ഷം രൂപ വിനിയോഗിച്ചാണ് പദ്ധതി നടപ്പാക്കിയിരിക്കുന്നത്.

പണിക്കൻകുടി: കൊന്നത്തടി - വാത്തിക്കുടി പഞ്ചായത്തുകളെ തമ്മിൽ ബന്ധിപ്പിക്കുന്ന പണിക്കൻകുടി-കുരിശിങ്കൽ, അഞ്ചുമുക്ക് - ചെമ്പകപ്പാറ റോഡിന്റെ ടാറിംഗ് ജോലികളുടെ ഉദ്ഘാടനം ജലവിഭവ വകുപ്പ് മന്ത്രി റോഷി അഗസ്റ്റിൻ നിർവ്വഹിച്ചു. പണിക്കൻകുടി സ്കൂൾ ജംഗ്ഷനിൽ നടന്ന ചടങ്ങിൽ നൂറുകണക്കിന് ആളുകൾ പങ്കെടുത്തു.

നിയമസഭാ ഇലക്ഷന്റെ ഭാഗമായി ഇന്ന് ( മാര്‍ച്ച് 12) ജില്ലയിലെ സ്‌ക്വാഡുകളില്‍ ഉള്‍പ്പെട്ട അംഗങ്ങള്‍ക്ക് പാലക്കാട് ജില്ലാ പഞ്ചായത്ത് ഹാളില്‍ പരിശീലനം നല്‍കും. ഫ്‌ളയിങ് സ്‌ക്വാഡ് ടീമംഗങ്ങള്‍ക്ക് രാവിലെ 10.30 നും, സ്റ്റാറ്റിക് സര്‍വയലന്‍സ് ടീം അംഗങ്ങള്‍ക്ക്  ഉച്ചയ്ക്ക് രണ്ടിനും, സ്റ്റാറ്റിക് ചെക്ക്‌പോസ്റ്റ് ടീം അംഗങ്ങള്‍ക്ക് വൈകീട്ട് 3.30 നുമാണ് പരിശീലനം. ടീമുകളിലേക്ക് നിയോഗിച്ച എല്ലാ ജീവനക്കാരും പരിശീലനക്ലാസില്‍ നിര്‍ബന്ധമായും പങ്കെടുക്കണമെന്ന് ചെലവ് നിരീക്ഷണ നോഡല്‍ ഓഫീസര്‍ ആയ ജില്ലാ ഫിനാന്‍സ് ഓഫീസര്‍ അറിയിച്ചു.

 കൊടുങ്ങല്ലൂര്‍ നഗരസഭയില്‍ ഉള്‍പ്പെടുന്ന ജി.എല്‍.പി.എസ്.എച്ച് ശൃംഗപുരം സ്‌കൂളിലെ ശീതീകരിച്ച പ്രീ പ്രൈമറി ക്ലാസ്സ് മുറികള്‍ ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം നിര്‍വ്വഹിച്ച് കുട്ടികള്‍ക്ക് സമര്‍പ്പിച്ചു. ചടങ്ങില്‍ വി.ആര്‍ സുനില്‍കുമാര്‍ എം.എല്‍.എ അധ്യക്ഷത വഹിച്ചു. പൂര്‍വ്വ വിദ്യാലയമെന്ന നിലയിലും കലയുടെയും സാഹിത്യത്തിന്റെയും ആദ്യാക്ഷരം കുറിച്ച ഇടമെന്ന നിലയിലും വിദ്യാലയത്തിലെ കുട്ടികള്‍ക്ക് മികച്ച അടിസ്ഥാന സൗകര്യം ഒരുക്കണമെന്ന ആഗ്രഹത്തിലാണ് ക്ലാസ് മുറികള്‍ ശീതീകരിക്കുക എന്ന ആശയത്തിലേക്കെത്തിയതെന്ന് മന്ത്രി പറഞ്ഞു.

ജില്ലാ എംപ്ലോയ്‌മെന്റ് എക്സ്‌ചേഞ്ചിനോട് അനുബന്ധിച്ച് പ്രവര്‍ത്തിക്കുന്ന എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ നടത്തുന്ന ജോബ്ഡ്രൈവ് മാര്‍ച്ച് 16ന് രാവിലെ പത്തിന്. സെയില്‍സ് കണ്‍സല്‍ട്ടന്റ്, വൈസ് പ്രിന്‍സിപ്പല്‍, സബ്ജക്ട് കോര്‍ഡിനേറ്റര്‍ എന്നിവര്‍ക്ക് പുറമെ വിവിധ വിഷയങ്ങളിലെ അധ്യാപക തസ്തികകളിലേക്കുമാണ് നിയമനം.