കേരള സംസ്ഥാന വനിത വികസന കോർപ്പറേഷന്റെ കീഴിൽ തൃശൂരിൽ പ്രവർത്തിക്കുന്ന വനിതാ ഹോസ്റ്റലിലേക്ക് വാർഡൻ തസ്തികയിൽ ദിവസവേതനാടിസ്ഥാനത്തിൽ നിയമനം നടത്തുന്നു. പത്താം ക്ലാസ് പാസായവർക്കും കുറഞ്ഞത് 3 വർഷത്തെ പ്രവൃത്തിപരിചയമുള്ളവർക്കും അപേക്ഷിക്കാം. പ്രായപരിധി 25നും 45 നും മധ്യേ. താൽപ്പര്യമുള്ളവർ വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകൾ സഹിതം മാർച്ച് 13 രാവിലെ 10:30-ന് എറണാകുളം മേഖല ഓഫീസിൽ (മാവേലി റോഡ്, ഗാന്ധിനഗർ, കടവന്ത്ര) നടക്കുന്ന വാക്ക്-ഇൻ ഇന്റർവ്യൂവിൽ പങ്കെടുക്കണം.

ഫോൺ : 9188941788.

സർക്കാർ സ്ഥാപനമായ തിരുവനന്തപുരം മുട്ടടയിലുള്ള ഐ.എച്ച്.ആർ.ഡി സെൻ്റർ ഫോർ അഡ്വാൻസ്‌ഡ്‌ ടെക്നോളജി ആൻഡ് സ്കിൽസിൽ  ജനുവരിയിൽ ആരംഭിച്ച വിവിധ കമ്പ്യൂട്ടർ കോഴ്‌സുകളിലേക്ക് സ്‌പോട്ട് അഡ്മിഷൻ ആരംഭിച്ചു. പി.ജി.ഡി.സി.എ (ഒരു വർഷം), ഡി.സി.എ (6 മാസം), ഡിപ്ലോമ ഇൻ ഡാറ്റാ എൻട്രി ടെക്‌നിക്‌സ് ആൻഡ് ഓഫീസ് ഓട്ടോമേഷൻ (ഒരു വർഷം), സർട്ടിഫിക്കറ്റ് കോഴ്‌സ് ഇൻ ലൈബ്രറി സയൻസ് (6 മാസം) എന്നീ കോഴ്‌സുകളിലേക്കാണ് അപേക്ഷ ക്ഷണിച്ചിരിക്കുന്നത്. ബിരുദം, പ്ലസ് ടു, എസ്.എസ്.എൽ.സി എന്നിവയാണ് അടിസ്ഥാന യോഗ്യതകൾ. 

കുഞ്ഞിമംഗലം ഗവ. മാപ്പിള എൽ പി സ്കൂളിന്റെ പുതിയ കെട്ടിടത്തിന്റെ ശിലാസ്ഥാപനം എം വിജിൻ എംഎൽഎ നിർവഹിച്ചു. കുഞ്ഞിമംഗലം ഗ്രാമപഞ്ചായത്ത് പ്രസിഡന്റ് വി.ടി അമ്പു അധ്യക്ഷനായി.

സർക്കാർ സ്ഥാപനമായ തിരുവനന്തപുരം മുട്ടടയിലുള്ള ഐ.എച്ച്.ആർ.ഡി സെൻ്റർ ഫോർ അഡ്വാൻസ്‌ഡ്‌ ടെക്നോളജി ആൻഡ് സ്കിൽസിൽ  മാർച്ച് മാസം ആരംഭിക്കുന്ന യുജിസി നെറ്റ് പേപ്പർ 1 പരിശീലനത്തിന് അപേക്ഷ ക്ഷണിച്ചു.

ഫോൺ -8136882389, 9495069307, 8547005087, 0471-2550612 (O)

ജില്ലയിലെ വിവിധ കേന്ദ്രങ്ങളിലേക്ക്  അക്ഷയ സംരംഭകരെ തിരഞ്ഞെടുക്കുന്നതിനായി അപേക്ഷിക്കാനുള്ള അവസാന തീയതി നീട്ടി. സംസ്ഥാന സർക്കാരിന്റെ ഔദ്യോഗിക ഓൺലൈൻ സേവനദാതാക്കളായ അക്ഷയ പദ്ധതിയുടെ ഭാഗമായി ജില്ലയിലെ 86 കേന്ദ്രങ്ങളിലേക്കാണ് പുതിയ സംരംഭകരെ തേടുന്നത്. ഇതിൽ 79 എണ്ണം പൊതുവിഭാഗത്തിലും 7 എണ്ണം പട്ടികവർഗ്ഗ വിഭാഗത്തിനുമായാണ് മാറ്റിവെച്ചിരിക്കുന്നത്. 

പയ്യന്നൂർ നഗരസഭയിലെ കവ്വായി പാലം പുനർ നിർമിക്കുന്നതിന് സംസ്ഥാന സർക്കാർ 9.96 കോടി രൂപയുടെ ഭരണാനുമതി നൽകിയതായി ടി ഐ മധുസൂദനൻ എംഎൽഎ അറിയിച്ചു. കണ്ണൂർ, കാസർകോട് ജില്ലകളിലായി വ്യാപിച്ചു കിടക്കുന്ന ഏറ്റവും വലിയ കായലുകളിൽ ഒന്നായ കവ്വായി കായലിലാണ് കവ്വായി ദ്വീപ് സ്ഥിതി ചെയ്യുന്നത്. നഗരസഭയിലെ രണ്ട് വാർഡുകൾ ഉൾപ്പെടുന്ന പ്രദേശമാണിത്.

മാടായി റെസ്റ്റ് ഹൗസിന്റെ പുതിയ കെട്ടിടത്തിന്റെ 
പ്രവൃത്തി ഉദ്ഘാടനം
മാർച്ച് 12 വ്യാഴാഴ്ച രാവിലെ 10 മണിക്ക് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് നിർവഹിക്കുമെന്ന് എം വിജിൻ എം എൽ എ അറിയിച്ചു. 

മാടായി റെസ്റ്റ് ഹൗസിന് പുതിയ കെട്ടിടം നിർമ്മിക്കുന്നതിന് നാല് കോടി രൂപയാണ് സർക്കാർ അനുവദിച്ചത്. പൊതുമരാമത്ത് കെട്ടിട വിഭാഗത്തിൻ്റെ അധീനതയിലുള്ള
നിലവിലുള്ള കെട്ടിടം സംരക്ഷിച്ചു കൊണ്ടാണ് പുതിയ കെട്ടിടം നിർമ്മിക്കുക.

കേന്ദ്രസർക്കാർ പദ്ധതികളുടെ ഉത്ഘാടനത്തിനായി കൊച്ചിയിൽ എത്തിയ പ്രധാനമന്ത്രി നരേന്ദ്ര മോദിക്ക് നെടുമ്പാശേരി വിമാനത്താവളത്തിൽ ഹൃദ്യമായ സ്വീകരണം.
ഉച്ചയ്ക്ക് 11.45 ഓടെ വിമാനമിറങ്ങിയ പ്രധാനമന്ത്രിയെ സംസ്ഥാന ചീഫ് സെക്രട്ടറി ഡോ. എ. ജയതിലകിന്റെ നേതൃത്വത്തിൽ സ്വീകരിച്ചു. ഡിജിപി റവാഡ ചന്ദ്രശേഖർ, ജില്ലാ കളക്ടർ ജി. പ്രിയങ്ക, റൂറൽ എസ്പി സുദർശൻ തുടങ്ങിയവരും ചീഫ് സെക്രട്ടറിക്കൊപ്പം ഉണ്ടായിരുന്നു. തുടർന്ന് അദ്ദേഹം എറണാകുളത്തെ പൊതു പരിപാടികളിൽ  പങ്കെടുക്കാൻ ഹെലികോപ്റ്ററിൽ നാവികസേനാ വിമാനത്താവളത്തിലേക്ക് യാത്ര തിരിച്ചു.

 
ആട് വളർത്തൽ പരിശീലനം

ജില്ലാ മൃഗസംരക്ഷണ പരിശീലന കേന്ദ്രത്തിൽ മാർച്ച് 18,19 തീയതികളിൽ രാവിലെ 10.15 മുതൽ വൈകീട്ട് അഞ്ചുമണി വരെ ആട് വളർത്തൽ വിഷയത്തിൽ പരിശീലന ക്ലാസ് സംഘടിപ്പിക്കുന്നു. പരിശീലനത്തിൽ പങ്കെടുക്കാൻ ആഗ്രഹിക്കുന്നവർ മാർച്ച് 17ന് വൈകീട്ട് നാലുമണിക്കകം പരിശീലന കേന്ദ്രത്തിൽ പേര് രജിസ്റ്റർ ചെയ്യണം. ആദ്യം രജിസ്റ്റർ ചെയ്യുന്ന 50 പേർക്കാണ് പ്രവേശനം. കൂടുതൽ വിവരങ്ങൾക്ക് തെക്കീബസാറിൽ ജില്ലാ ഹോമിയോ ആശുപത്രിക്കു സമീപം പ്രവർത്തിക്കുന്ന ഓഫീസുമായി ബന്ധപ്പെടാം. ഫോൺ: 0497 2763473

ഫിസിയോ തെറാപിസ്റ്റ് അസിസ്റ്റന്റ് നിയമനം