വരാനിരിക്കുന്ന കഠിനമായ വേനൽക്കാലം മുന്നിൽക്കണ്ട് അഴീക്കോട് മണ്ഡലത്തിലെ കുടിവെള്ള പ്രശ്നങ്ങൾ പരിഹരിക്കുന്നതിനായി ജനപ്രതിനിധികളുടെയും ഉദ്യോഗസ്ഥരുടെയും പ്രത്യേക യോഗം ചേർന്നു. മണ്ഡലത്തിലെ എല്ലാ പ്രദേശങ്ങളിലും തടസ്സമില്ലാതെ കുടിവെള്ളം എത്തിക്കുന്നതിനായുള്ള കർമ്മപദ്ധതികൾക്ക് യോഗം രൂപം നൽകി. കെ വി സുമേഷ് എം.എൽ.എയുടെ അധ്യക്ഷതയിൽ ചേർന്ന യോഗത്തിൽ വിവിധ തദ്ദേശ സ്വയംഭരണ സ്ഥാപന പ്രതിനിധികളും വാട്ടർ അതോറിറ്റി, ജല ജീവൻ മിഷൻ ഉദ്യോഗസ്ഥരും പങ്കെടുത്തു.

പത്ത് വര്‍ഷത്തെ ഭരണ കാലയളവിനുള്ളില്‍ അഞ്ച് ലക്ഷം കുടുംബങ്ങള്‍ക്ക് വീടു വെച്ചു നല്‍കിയത് ലോകത്ത് മറ്റെവിടെയും സാധ്യമായിട്ടില്ലാത്ത കാര്യമെന്ന് എഴുത്തുകാരനും പ്രഭാഷകനുമായ സുനില്‍ പി ഇളയിടം അഭിപ്രായപ്പെട്ടു. കേരള മീഡിയ അക്കാദമി പുറത്തിറക്കിയ 'പിണറായി വിജയന്‍ വാര്‍ത്തകള്‍ക്കപ്പുറം' എന്ന പുസ്തകം പ്രകാശനം ചെയ്ത് സംസാരിക്കുകയായിരുന്നു അദ്ദേഹം.

ജില്ലയിലെ 13 തദ്ദേശ സ്വയംഭരണ സ്ഥാപനങ്ങളുടെ 2026-27 വർഷത്തെ വാർഷിക പദ്ധതികൾക്ക് കൂടി അംഗീകാരം. ജില്ലാ അസൂത്രണ സമിതി ചെയർമാനും ജില്ലാ പഞ്ചായത്ത് പ്രസിഡന്റുമായ കെ.ജി രാധാകൃഷ്ണന്റെ അധ്യക്ഷതയിൽ ചേർന്ന അഡ്ഹോക്ക് കമ്മിറ്റി യോഗത്തിലാണ് 13 തദ്ദേശസ്ഥാപനങ്ങളുടെ  ആയിരത്തി എണ്ണൂറോളം പദ്ധതികൾക്ക് അംഗീകാരം നൽകിയത്. ഇതോടെ ജില്ലയിലെ ആകെ 110 തദ്ദേശ സ്വയംഭരണ സ്ഥാപനങ്ങളുടെ വാർഷിക പദ്ധതിക്ക് അംഗീകാരം ലഭിച്ചു.

സമകാലിക സമൂഹത്തിൽ വാർത്തകളും അതിന്റെ വിതരണവും വ്യക്തികേന്ദ്രീകൃതമായ അൽഗോരിതങ്ങൾക്കും എക്കോ ചേമ്പറുകൾക്കും അനുസരിച്ചാണ് കൈകാര്യം ചെയ്യപ്പെടുന്നതെന്ന് ഡിജിറ്റൽ യൂണിവേഴ്‌സിറ്റി വൈസ് ചാൻസലർ ഡോ. സജി ഗോപിനാഥ്.  ഓരോ വ്യക്തിയും അവർക്ക് താല്പര്യമുള്ള വാർത്തകളുടെ ലോകത്ത് മാത്രം കഴിയേണ്ടി വരുന്ന അവസ്ഥയാണ് ഇന്നുള്ളത്. കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്മ്യൂണിക്കേഷൻ 2024-25 ബാച്ചിന്റെ ബിരുദ സമർപ്പണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഐ.എച്ച്.ആർ.ഡിക്ക് കീഴിലുള്ള വിവിധ കോഴ്സുകളുടെ പരീക്ഷാഫലം പ്രസിദ്ധീകരിച്ചു. 2025 ഡിസംബർ മാസത്തിൽ നടന്ന പി.ജി.ഡി.സി.എ , പി.ജി.ഡി.സി.എഫ് ഒന്നും രണ്ടും സെമസ്റ്റർ പരീക്ഷകളുടെയും, ഡി.ഡി.ടി.ഒ.എ, ഡി.സി.എ  ഒന്നും രണ്ടും സെമസ്റ്റർ, സി.സി.എൽ.ഐ.എസ്  എന്നീ കോഴ്സുകളുടെ ഫലമാണ് പ്രഖ്യാപിച്ചത്. പരീക്ഷാഫലവും മാർക്കിന്റെ വിശദാംശങ്ങളും അതത് പരീക്ഷാ കേന്ദ്രങ്ങളിൽ നിന്നും ഐ.എച്ച്.ആർ.ഡിയുടെ ഔദ്യോഗിക വെബ്സൈറ്റായ www.ihrd.ac.in ലും ലഭ്യമാണ്.

ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സസ്
ഡെവലപ്മെന്റിന്റെ കീഴിൽ എറണാകുളം ജില്ലയിൽ കലൂരിലും, കപ്രശ്ശേരിയിലും, മലപ്പുറം ജില്ലയിൽ വാഴക്കാട്,വട്ടംകുളം
പെരിന്തൽമണ്ണ എന്നിവിടങ്ങളിലും കോട്ടയം ജില്ലയിൽ പുതുപ്പള്ളിയിലും, ഇടുക്കി ജില്ലയിൽ മുട്ടം, തൊടുപുഴ എന്നിവിടങ്ങളിലും,പ ത്തനംതിട്ട ജില്ലയിൽ മല്ലപ്പള്ളിയിലും പ്രവർത്തിക്കുന്ന ടെക്നിക്കൽ ഹയർ സെക്കന്ററി സ്കൂളുകളിൽ 2026-27 അദ്ധ‌്യയന വർഷത്തിൽ എട്ടാം സ്റ്റാന്റേർഡ് പ്രവേശനത്തിന്
അർഹരായവരിൽ നിന്നും ഓൺലൈൻ അപേക്ഷ ക്ഷണിച്ചു. അപേക്ഷകർ 2026 ജനുവരി ഒന്നിന് 16 
വയസ്സ് തികയാത്തവരായിരിക്കണം. ഏഴാം സ്റ്റാന്റേർഡോ തത്തുല്യ പരീക്ഷയോ

മൃഗസംരക്ഷണ വകുപ്പ് നടപ്പിലാക്കി വരുന്ന 'അടിയന്തിര രാത്രികാല വെറ്ററിനറി സേവനം' പദ്ധതിയിലേക്കും മൊബൈൽ വെറ്ററിനറി യൂണിറ്റുകളിലേക്കും ഡോക്ടർമാരെ നിയമിക്കുന്നതിന് അപേക്ഷ ക്ഷണിച്ചു. മുളന്തുരുത്തി, മൂവാറ്റുപുഴ മൊബൈൽ വെറ്ററിനറി യൂണിറ്റുകളിൽ രണ്ട് ഒഴിവുകളും കൂവപ്പടി, പള്ളുരുത്തി ബ്ലോക്കുകളിലെ രാത്രികാല സേവന വിഭാഗത്തിൽ രണ്ട് ഒഴിവുകളുമാണുള്ളത്. കൂടാതെ എറണാകുളം ഡി.വി.സി.യിലെ മൊബൈൽ ടെലി വെറ്ററിനറി യൂണിറ്റിലും ഒരു ഒഴിവുണ്ട്. 

മൃഗസംരക്ഷണ വകുപ്പിന്റെ മൊബൈൽ ടെലി വെറ്ററിനറി യൂണിറ്റിൽ എക്സറേ ടെക്നീഷ്യൻ ഒഴിവിലേക്ക് അപേക്ഷ ക്ഷണിച്ചു. 89 ദിവസത്തേക്ക് ആണ് നിയമനം. ബി എസ് സി മെഡിക്കൽ റേഡിയേഷൻ ടെക്നോളജി/റേഡിയോളജിക്കൽ ടെക്നോളജി ഡിപ്ലോമ യോഗ്യതയുള്ളവർക്ക് അപേക്ഷിക്കാം. മാർച്ച്‌ 12 ഉച്ചയ്ക്ക് 12ന് ആലുവ നേതാജി റോഡിലെ ഐസിഡിപി ക്യാമ്പസിലെ ജില്ലാ മൃഗസംരക്ഷണ ഓഫീസിൽ  കൂടിക്കാഴ്ച നടത്തുന്നതാണ്.

കേരള സർക്കാർ സ്ഥാപനമായ കെൽട്രോണിൻ്റെ എറണാകുളം കലൂർ നോളജ് സെൻ്ററിൽ ഭാവിയുടെ സാങ്കേതിക വിദ്യകളായ ആർട്ടിഫിഷ്യൽ ഇന്റലിജൻസ്, ഓഗ്മെൻ്റഡ് റിയാലിറ്റി, വെർച്വൽ റിയാലിറ്റി, മിക്സഡ് റിയാലിറ്റി എന്നീ മേഖലകളിലെ കോഴ്‌സുകളിലേക്ക്‌ അഡ്‌മിഷൻ ആരംഭിച്ചു. ഡിപ്ലോമ (6 മാസം), പോസ്റ്റ് ഡിപ്ലോമ (1 വർഷം), പോസ്റ്റ് ഗ്രാജുവേറ്റ് ഡിപ്ലോമ (1 വർഷം) എന്നീ കോഴ്സു‌കളിലേക്കാണ് അഡ്‌മിഷൻ ആരംഭിച്ചിരിക്കുന്നത്. കൂടുതൽ വിവരങ്ങൾക്ക് കെൽട്രോൺ നോളജ് സെൻ്റർ, എംഇഎസ് കൾച്ചറൽ കോംപ്ലക്‌സ്, കലൂർ എന്ന വിലാസത്തിൽ ബന്ധപ്പെടുക.

ഫോൺ:8075246674, 0484-2971400

കേരളത്തിലെ വ്യവസായ മേഖലയിൽ വന്നിട്ടുള്ള വലിയ മാറ്റത്തിന്റെ പ്രതിഫലനമാണ് പുതിയ സംരംഭങ്ങളുടെ വരവെന്ന് 
വ്യവസായ വകുപ്പ് മന്ത്രി പി രാജീവ്. 
ആലുവ ചുണങ്ങംവേലിയിൽ നിർമ്മിച്ച എൻ ഡി ആർ സ്പേസ് പ്രൈവറ്റ് ലിമിറ്റഡിന്റെ അത്യാധുനിക വെയർഹൗസിംഗ് ആൻഡ് ഇൻഡസ്ട്രിയൽ പാർക്കിന്റെ ഒന്നാംഘട്ടമായ എൻ ഡി ആർ സ്പെയ്സ് വെയർഹൗസിംഗ് ഹബ്ബിന്റെ ഉദ്ഘാനം നിർവഹിക്കുകയായിരുന്നു അദ്ദേഹം.