കോട്ടയം: മഹാത്മാഗാന്ധി സര്‍വകലാശാല, കെ ഡിസ്‌ക്, കുടുംബശ്രീ മിഷന്‍, കില എന്നിവയുടെ ആഭിമുഖ്യത്തില്‍ മാര്‍ച്ച് ഏഴിന് മഹാത്മാഗാന്ധി സര്‍വകലാശാലാ കാമ്പസില്‍  വിജ്ഞാനകേരളം മെഗാ തൊഴില്‍മേള നടത്തും. രാവിലെ 10ന് സഹകരണം- തുറമുഖം-ദേവസ്വം വകുപ്പ് മന്ത്രി വി.എന്‍. വാസവന്‍ മേളയുടെ ഉദ്ഘാടനം നിര്‍വഹിക്കും.

 സര്‍വകലാശാല വൈസ് ചാന്‍സലര്‍ ഡോ.സി.ടി അരവിന്ദ കുമാര്‍ അധ്യക്ഷത വഹിക്കുന്ന ചടങ്ങില്‍ വിജ്ഞാന കേരളം മുഖ്യ ഉപദേഷ്ടാവ് ഡോ. ടി.എം. തോമസ് ഐസക് മുഖ്യപ്രഭാഷണം നടത്തും. 

കോട്ടയം: പള്ളം അഡീഷണല്‍ ഐ.സി.ഡി.എസിന്റെ പരിധിയിലുള്ള കോട്ടയം നഗരസഭയുടെ പതിനെട്ടാം വാര്‍ഡിലെ 55-ാം നമ്പര്‍ അങ്കണവാടിയില്‍ ആരംഭിക്കുന്ന അങ്കണവാടി കം ക്രഷിലേക്ക് ഹെല്‍പ്പര്‍ തസ്തികയില്‍ അപേക്ഷ ക്ഷണിച്ചു.  പതിനെട്ടാം വാര്‍ഡില്‍ സ്ഥിരതാമസക്കാരായ 18നും 35നുമിടയില്‍ പ്രായമുള്ള എസ്.എസ്.എല്‍.സി. യോഗ്യതയുള്ളവരെയാണ് പരിഗണിക്കുന്നത്. അപേക്ഷകള്‍ മാര്‍ച്ച് 11ന് വൈകുന്നേരം അഞ്ചുവരെ സ്വീകരിക്കും. ഫോണ്‍: 9961124296.

കോട്ടയം: വ്യാവസായിക പരിശീലന വകുപ്പിനു കീഴിലുള്ള ഗവൺമെന്റ് ഐ.ടി.ഐകളിലേക്ക് 2025 അധ്യയന വര്‍ഷത്തെ പ്രൈവറ്റ് ട്രെയിനികളുടെ അപേക്ഷ ക്ഷണിച്ചു.  സര്‍ക്കാര്‍ ഐ.ടി.ഐ. ഓഫീസില്‍ നിന്ന് അപേക്ഷകള്‍ വാങ്ങാം. മാര്‍ച്ച് 10 ന് വൈകുന്നേരം നാലിനുള്ളില്‍ മുഖ്യകാര്യാലയത്തില്‍ നേരിട്ടോ സ്പീഡ് പോസ്റ്റ് മുഖേനെയോ അപേക്ഷകള്‍ നല്‍കണം. ഫോണ്‍: 0481-2535562.

കോട്ടയം: കേരള സ്റ്റേറ്റ് റൂട്രോണിക്സിന്റെ തിരുവനന്തപുരം, ആറ്റിങ്ങല്‍ അംഗീകൃത പഠനകേന്ദ്രങ്ങളിൽ ഒരുവര്‍ഷം, ആറ് മാസം, മൂന്ന് മാസം ദൈര്‍ഘ്യമുള്ള ലോജിസ്റ്റിക്സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്സുകളിലേക്ക് അപേക്ഷ ക്ഷണിച്ചു. ഇന്റ്റേണ്‍ഷിപ്പോടുകൂടിയ റഗുലര്‍, പാര്‍ട്ട് ടൈം ബാച്ചുകളിലേക്ക് എസ്.എസ്.എല്‍.സി. പ്ലസ് ടു, ഡിഗ്രി യോഗ്യതയുള്ളവര്‍ക്ക് അപേക്ഷിക്കാം. ഫോണ്‍: 7994926081.

കോട്ടയം: ജില്ലയിലെ ഇക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് വകുപ്പിലെ സ്റ്റാറ്റിസ്റ്റിക്കല്‍ അസിസ്റ്റന്റ് ഗ്രേഡ് II/ സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ ഗ്രേഡ് II (കാറ്റഗറി നമ്പര്‍ 039/2020) തസ്തികയ്ക്കായി 2023 ഫെബ്രുവരി 10ന് നിലവില്‍ വന്ന റാങ്ക് പട്ടിക കാലാവധി പൂര്‍ത്തിയാക്കിയതിനാല്‍  റദ്ദാക്കിയതായി കേരള പബ്ലിക് സര്‍വീസ് കമ്മീഷന്‍ കോട്ടയം ജില്ലാ ഓഫീസര്‍ അറിയിച്ചു.

കോട്ടയം: പൂവത്തിളപ്പില്‍ പ്രവര്‍ത്തിക്കുന്ന പാമ്പാടി ശിശുവികസന പദ്ധതി ഓഫീസിനു കീഴിലെ പ11 അങ്കണവാടികളിലേക്ക് 32 ഇഞ്ചിൻ്റെ  ആറ് സ്മാര്‍ട്ട് എല്‍.ഇ.ഡി ടി.വികളും ബാല ഇ.സി.സി.ഇ. ലേണിംഗ് മെറ്റീരിയല്‍സ്, ഫ്‌ളോര്‍മാറ്റ്, ബാല പെയിന്റിംഗുകള്‍ എന്നിവയും വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. മാര്‍ച്ച് 13 ഉച്ചയ്ക്ക് രണ്ടുവരെ  സ്വീകരിക്കും. ഫോണ്‍: 04812551510, 9188959704.
 

സംസ്ഥാനത്തെ ഉന്നത വിദ്യാഭ്യാസ മേഖലയുടെ സമഗ്രമായ ഭൗതിക വികസനത്തിനായി കിഫ്ബി മുഖേന 1884 കോടി രൂപയാണ് 
ചെലവഴിച്ചതെന്ന് ഉന്നത വിദ്യാഭാസ വകുപ്പ് മന്ത്രി ഡോ.ആർ ബിന്ദു .നോർത്ത് പറവൂർ കേസരി ഗവൺമെന്റ് ആർട്സ് ആൻഡ് സയൻസ് കോളേജ് ഉദ്ഘാടന ചടങ്ങിൽ ഓൺലൈനായി ആധ്യക്ഷം വഹിച്ച് സംസാരിക്കുകയായിരുന്നു മന്ത്രി .

കെ എസ് ആർ ടി സി യെ ലാഭത്തിലേക്കെത്തിച്ചത് യാത്രക്കാരും ജീവനക്കാരും ചേർന്നാണെന്ന് ഗതാഗത വകുപ്പ് മന്ത്രി കെ.ബി ഗണേഷ് കുമാർ പറഞ്ഞു. മുവാറ്റുപുഴ കെ എസ് ആർ ടി സി ബസ് സ്റ്റേഷൻ കം ഷോപ്പിംഗ് കോംപ്ലക്സിൻ്റെ ഉദ്ഘാടനം നിർവഹിക്കുകയായിരുന്നു അദ്ദേഹം. 

പറവൂർ മണ്ഡലത്തിലെയും പരിസരപ്രദേശങ്ങളിലെയും വിദ്യാഭാസ മുന്നേറ്റത്തിന് കേസരി ഗവൺമെന്റ് കോളേജ് പുതു ചരിത്രം രചിക്കുമെന്ന് മുഖ്യമന്ത്രി പിണറായി വിജയൻ. നോർത്ത് പറവൂർ കേസരി ഗവൺമെന്റ് ആർട്സ് ആൻഡ് സയൻസ് കോളേജ്  ഓൺലൈനായി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ആയുഷ് മേഖലയിൽ നിരവധി  സുപ്രധാന പദ്ധതികൾ യാഥാർത്ഥ്യമാക്കിയ കാലഘട്ടമാണിതെന്ന് ആരോഗ്യവകുപ്പ് മന്ത്രി വീണാ ജോർജ്ജ്. നെല്ലിക്കുഴി ഗ്രാമപഞ്ചായത്തിലെ  ചെറുവട്ടൂർ ഗവ. ആയുർവേദ ആശുപത്രിയുടെ പുതിയ ഒ.പി കെട്ടിടത്തിന്റെ നിർമ്മാണ ഉദ്ഘാടനം ഓൺലൈനായി നിർവഹിക്കുകയായിരുന്നു മന്ത്രി.