2026 കേരള നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിലെ വിവിധ തിരഞ്ഞെടുപ്പ് പ്രവര്‍ത്തനങ്ങള്‍ ഏകോപിപ്പിക്കുന്നതിനായി നോഡല്‍ ഓഫീസര്‍മാരെ നിയോഗിച്ചു. ജില്ലാ കളക്ടറും ജില്ലാ തിരഞ്ഞെടുപ്പ് ഓഫീസറുമായ അര്‍ജുന്‍ പാണ്ഡ്യനാണ് നോഡല്‍ ഓഫീസര്‍മാരെ നിയമിച്ചത്.

കേരള നിയമസഭാ തിരഞ്ഞെടുപ്പ് 2026

തിരഞ്ഞെടുപ്പ് മുന്നൊരുക്കങ്ങള്‍; നോഡല്‍ ഓഫീസര്‍മാരുടെ യോഗം ചേര്‍ന്നു

ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ അര്‍ജുന്‍ പാണ്ഡ്യന്‍ നോഡല്‍ ഓഫീസര്‍മാരുടെ യോഗം ചേര്‍ന്ന് തെരഞ്ഞെടുപ്പ് മുന്നൊരുക്ക പ്രവര്‍ത്തനങ്ങള്‍ വിലയിരുത്തി. ജില്ലയില്‍ തിരഞ്ഞെടുപ്പ് മുന്നൊരുക്കങ്ങൾ എല്ലാം  പൂർത്തിയായതായി കളക്ടര്‍ പറഞ്ഞു.

കുടുംബശ്രീ ബോയിലര്‍ ഫാര്‍മേര്‍സ് പ്രൊഡ്യൂസര്‍ കമ്പനിയുടെ ജില്ലയിലെ ഫാം സൂപ്പര്‍വൈസര്‍ ഒഴിവിലേക്ക് അപേക്ഷകള്‍ ക്ഷണിച്ചു. യോഗ്യത- പൌള്‍ട്ടറി  പ്രൊഡക്ഷന്‍ ആന്‍ഡ് ബിസിനസ്സ് മാനേജ്മെന്റില്‍ ബിരുദം. അല്ലെങ്കില്‍ പൌള്‍ട്ടറി പ്രൊഡക്ഷനില്‍ ഡിപ്ലോമ, കമ്പ്യൂട്ടര്‍ പരിജ്ഞാനം, ഇരുചക്ര വാഹന ലൈസന്‍സ്. ഉയര്‍ന്ന പ്രായ പരിധി- 30 വയസ്സ്. പ്രതിമാസ ശമ്പളം 20,000. അപേക്ഷ ഫോം www.keralachicken.org.in  എന്ന വെബ്‌സൈറ്റില്‍ ലഭ്യമാണ്. 

രാജ്യത്തുനിന്നും 2030-ഓടെ ആട് വസന്ത (PPR) പൂര്‍ണ്ണമായും തുടച്ചുനീക്കുക എന്ന ലക്ഷ്യത്തോടെ നടപ്പിലാക്കുന്ന 'പി.പി.ആര്‍ ആട് വസന്ത നിര്‍മാര്‍ജ്ജന യജ്ഞം' രണ്ടാം ഘട്ടത്തിന്റെ ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് കെ.കെ സോയ നിര്‍വ്വഹിച്ചു. ചടങ്ങില്‍ മൃഗസംരക്ഷണ മേഖലയിലെ ഈ നിര്‍ണ്ണായക പദ്ധതിക്ക് തുടക്കമായി. കേന്ദ്ര സര്‍ക്കാരിന്റെ 'ലൈവ്‌സ്റ്റോക്ക് ഹെല്‍ത്ത് ആന്‍ഡ് ഡിസീസ് കണ്‍ട്രോള്‍' പ്രോഗ്രാമിന്റെ ഭാഗമായി നാല് വര്‍ഷത്തെ പദ്ധതിയായാണ് ഇത് നടപ്പിലാക്കുന്നത്.

പരപ്പ ട്രൈബല്‍ ഡവലപ്പ്മെന്റ്  ഓഫീസിന് കീഴില്‍ സര്‍വീസ് നടത്തിവരുന്ന ആംബുലന്‍സിന് ഡ്രൈവറെ നിയമിക്കുന്നതിന് അപേക്ഷ ക്ഷണിച്ചു. യോഗ്യത - ഏഴാം ക്ലാസ്സ് അല്ലെങ്കില്‍ തത്തുല്യം. ലൈറ്റ് മോട്ടോര്‍ വെഹിക്കിള്‍സ് അംഗീകാരമുള്ള സാധുവായ  മോട്ടോര്‍ ഡ്രൈവിംഗ് ലൈസന്‍സ്. ഡ്രൈവിംഗില്‍ കുറഞ്ഞത് മൂന്ന് വര്‍ഷ പരിചയം. പ്രായപരിധി - 18-45. പട്ടിവര്‍ഗ്ഗക്കാര്‍ക്ക് മുന്‍ഗണന. അപേക്ഷ 25 നകം ബയോഡാറ്റ, യോഗ്യത, പ്രവര്‍ത്തി പരിചയം തെളിയിക്കുന്ന സര്‍ട്ടിഫിക്കറ്റുകള്‍ സഹിതം  ട്രൈബല്‍ ഡെവലപ്പ്മെന്റ്  ഓഫീസര്‍,  ട്രൈബല്‍ ഡെവലപ്പ്മെന്റ്  ഓഫീസ് പരപ്പ, ഫെഡറല്‍ ബാങ്ക് ബില്‍ഡിംഗ് രണ്ടാംനില, പരപ്പ പി.ഒ എന്ന വിലാസത്തില്‍ ലഭിക്കണം.

ജില്ലാ റീജിയണൽ ട്രാൻസ്പോർട്ട് അതോറിറ്റി യോഗം മാർച്ച് 17 ന് രാവിലെ 11ന് കളക്ടറേറ്റ് കോൺഫറൻസ് ഹാളിൽ നടക്കുമെന്ന് റീജിയണൽ ട്രാൻസ്പോർട്ട് ഓഫീസർ അറിയിച്ചു.

2020 മുതൽ 2024 വരെ വിവിധ ട്രേഡുകളിൽ പഠിച്ച ട്രെയിനികൾക്ക് കോഷൻ മണി, സെക്യൂരിറ്റി ഡെപ്പോസിറ്റ്  തിരികെ നൽകുന്നു. (രണ്ട് വർഷക്കാർക്ക് 280 രൂപ, ഒരു വർഷക്കാർക്ക് 220 രൂപ). ട്രെയിനികൾ ബാങ്ക് പാസ് ബുക്ക്, ടിസി/ഹാൾ ടിക്കറ്റ്/ഐഡി കാർഡ് എന്നിവയിൽ ഒന്നിന്റെ പകർപ്പുമായി മാർച്ച് 19 നകം ഐ.ടി.ഐയിൽ നേരിട്ടോ cdsditikalpetta@gmail.com ലോ നൽകണം. ഫോൺ: 04936 205519    

ആലപ്പുഴ ജില്ലാ പഞ്ചായത്തിന്റെ നേതൃത്വത്തിൽ സീവ്യൂ വാർഡിൽ പ്രവർത്തിക്കുന്ന എ.ബി.സി  സെന്ററിലേക്ക് വെറ്ററിനറി സർജനെ താൽക്കാലികമായി നിയമിക്കുന്നു.  അഭിമുഖം മാർച്ച് 17-ന് രാവിലെ 11 മണിക്ക് മുല്ലയ്ക്കലുള്ള ആലപ്പുഴ ജില്ലാ മൃഗസംരക്ഷണ ഓഫീസിൽ നടക്കും. വിശദവിവരങ്ങൾക്കായി പ്രവൃത്തിസമയങ്ങളിൽ ജില്ലാ മൃഗസംരക്ഷണ ഓഫീസുമായി ബന്ധപ്പെടുക. ഫോൺ: 0477-2252431.

2026-ലെ റംസാൻ പ്രമാണിച്ച് ഖാദി തുണിത്തരങ്ങൾക്ക് 30 ശതമാനം പ്രത്യേക ഗവൺമെന്റ് റിബേറ്റ് പ്രഖ്യാപിച്ചു.  മാർച്ച് 23 വരെയുള്ള  പ്രവൃത്തി ദിവസങ്ങളിലാണ് ഈ ആനുകൂല്യം ലഭ്യമാകുക. കേരള ഖാദി ഗ്രാമവ്യവസായ ബോർഡിന്റെ  നിയന്ത്രണത്തിലുള്ള ഖാദി ഗ്രാമ സൗഭാഗ്യകളിലും, ഖാദി സൗഭാഗ്യ ഷോറൂമുകളിലും പ്രത്യേക റിബേറ്റ് ലഭ്യമാണെന്ന് പ്രോജക്ട് ഓഫീസർ അറിയിച്ചു.
 

പട്ടികജാതി-പട്ടികവര്‍ഗ ഉദ്യോഗാര്‍ത്ഥികള്‍ക്ക് അക്ഷയ സംരംഭകരാകാന്‍ അവസരം.അക്ഷയ സംരംഭകരെ തെരഞ്ഞടുക്കുന്നതിനുള്ള ഓണ്‍ലൈന്‍ അപേക്ഷ മാര്‍ച്ച് 19 വരെ നൽകാം. സംസ്ഥാന സര്‍ക്കാരിന്റെ ഔദ്യോഗിക ഓണ്‍ലൈന്‍ സേവനദാതാക്കളായ അക്ഷയ പദ്ധതിയിലൂടെ ജില്ലയിലെ പട്ടികജാതി വിഭാഗത്തിന് 15 ഉം പട്ടികവര്‍ഗ വിഭാഗത്തിന് ആറും അക്ഷയ കേന്ദ്ര ലൊക്കേഷനുകള്‍ സംവരണം ചെയ്തിട്ടുള്ളതാണ്. 01-01-2026-ന് 18 വയസ്സ് തികഞ്ഞവരും 50 വയസ്സ് കവിയാത്തവരുമായവര്‍ക്ക് അപേക്ഷിക്കാം.