വനിതാ-ശിശുവികസന ഓഫീസിന്റെ മേൽനോട്ടത്തിലുള്ള സഖി വൺസ്റ്റോപ്പ് സെന്ററിന്റെ വാഹനം ജില്ലാ കലക്ടർ അരുൺ കെ വിജയൻ ഫ്ളാഗ് ഓഫ് ചെയ്തു. അതിക്രമങ്ങൾ നേരിടുന്ന സ്ത്രീകൾക്കും കുട്ടികൾക്കും സംരക്ഷണവും സഹായവും നൽകാനായി കേന്ദ്ര വനിതാ ശിശു വികസന മന്ത്രാലയം നടപ്പിലാക്കുന്ന പദ്ധതിയാണ് സഖി വൺ സ്റ്റോപ്പ് സെന്റർ. സംസ്ഥാന വനിതാ ശിശു വികസന വകുപ്പിന്റെ മേൽനോട്ടത്തിൽ കേരളത്തിലെ 14 ജില്ലകളിലും ഈ കേന്ദ്രങ്ങൾ പ്രവർത്തിക്കുന്നുണ്ട്. പോലീസ്, മെഡിക്കൽ, നിയമ സഹായം, കൗൺസിലിംഗ് എന്നിവ ഒരേ മേൽക്കൂരയിൽ സൗജന്യമായി സഖി വൺസ്റ്റോപ്പ് സെന്ററിന്റെ ലഭിക്കും.

സംസ്ഥാന സഹകരണ വകുപ്പ് ആവിഷ്‌കരിച്ച് നടപ്പിലാക്കുന്ന അംഗ സമാശ്വാസ നിധിയുടെ അഞ്ചാംഘട്ട ധനസഹായം വിതരണം ചെയ്തു. നിയമസഭാ സ്പീക്കർ അഡ്വ. എ.എൻ ഷംസീർ വിതരണോദ്ഘാടനം നിർവഹിച്ചു. കേരളത്തിന്റെ വളർച്ചയിൽ സഹകരണ സംഘങ്ങൾ വലിയ പങ്ക് വഹിച്ചിട്ടുണ്ടെന്ന് സ്പീക്കർ പറഞ്ഞു. ധനകാര്യ മേഖലയിലെ കോർപറേറ്റ് വൽക്കരണത്തിന് ശക്തമായ വെല്ലുവിളി ഉയർത്തുന്ന  സഹകരണ സ്ഥാപനങ്ങൾ നിലനിർത്താൻ ആക്ഷേപങ്ങൾക്കിടയില്ലാതെ പ്രവർത്തിക്കേണ്ടതുണ്ടെന്നും സ്പീക്കർ പറഞ്ഞു. കണ്ണൂർ ജില്ലാപഞ്ചായത്ത് പ്രസിഡന്റ് അഡ്വ. ബിനോയ് കുര്യൻ അധ്യക്ഷനായി.

പ്രവേശന പരീക്ഷ 

കണ്ണൂര്‍ ഗവ. മെഡിക്കല്‍ കോളേജില്‍ രോഗികള്‍ക്കും കൂട്ടിരിപ്പുകാര്‍ക്കും വേണ്ടി നിര്‍മിച്ച ആശ്വാസ് വാടക വീട് റവന്യൂ ഭവന നിര്‍മാണ വകുപ്പ് മന്ത്രി കെ രാജന്‍ ഓണ്‍ലൈനായി ഉദ്ഘാടനം ചെയ്തു. ആരോഗ്യ വനിത ശിശുക്ഷേമ വകുപ്പ് മന്ത്രി വീണാ ജോര്‍ജ്  മുഖ്യാതിഥിയായി. എം വിജിന്‍ എം എല്‍ എ അധ്യക്ഷനായി. 

പലയിടങ്ങളിലും റോഡ് മുറിച്ച് കടക്കുന്നതിന് സീബ്ര ലൈനിൽ വാഹനങ്ങൾ നിർത്തി തരുന്നില്ലെന്ന് ജില്ലാ കളക്ടറോട് കുട്ടിക്കൂട്ടുകാരുടെ പരാതി. ജില്ലാ കളക്ടറുടെ പ്രതിവാര പരിപാടിയായ മുഖാമുഖം: മീറ്റ് യുവർ കളക്ടർ 2 :0 ൽ പങ്കെടുത്ത അരിമ്പൂർ ഗവ. യു പി. സ്കൂളിലെ കുട്ടികളാണ് ജില്ലാ കളക്ടർ ശിഖ സുരേന്ദ്രനോട് ഈ പരാതി ഉന്നയിച്ചത്.

നാല്, അഞ്ച്, ആറ്, ഏഴ് ക്ലാസുകളിലെ ഇരുപത്തിയാറോളം കുട്ടികളും അധ്യാപകരുമാണ് തങ്ങളുടെ പുതിയ കളക്ടറെ കാണാനായി എത്തിയത്.

അപ്ഗ്രേഡേഷൻ ഒന്നാം ഘട്ട നിർമ്മാണോദ്ഘാടനം മന്ത്രി സജി ചെറിയാൻ നിർവഹിച്ചു

മത്സ്യത്തൊഴിലാളികളുടെ മക്കൾക്ക് മികച്ച വിദ്യാഭ്യാസം സൗജന്യമായി നൽകുന്നതിനായി നിർമ്മിച്ച ചാവക്കാട് പുത്തൻകടപ്പുറത്തെ ഗവൺമെന്റ് റീജിയണൽ ഫിഷറീസ് ടെക്നിക്കൽ ഹൈസ്‌കൂൾ ഇനി ഹൈടെക്ക് ആകും. 2.6 കോടി രൂപ വകയിരുത്തി നിർമ്മിക്കുന്ന സ്‌കൂളിന്റെ അപ്ഗ്രേഡേഷൻ ഒന്നാം ഘട്ടത്തിന്റെ നിർമ്മാണോദ്ഘാടനം മത്സ്യബന്ധനം, സാംസ്‌കാരികം, യുവജനകാര്യ വകുപ്പ് മന്ത്രി സജി ചെറിയാൻ നിർവഹിച്ചു. ജി.ആർ.എഫ്.ടി.എച്ച്.എസിൽ നടന്ന ചടങ്ങിൽ എൻ.കെ. അക്ബർ എം.എൽ.എ അദ്ധ്യക്ഷത വഹിച്ചു.

ജലസേചന വിഭാഗം വാഴാനി ഇറിഗേഷന്‍ സെക്ഷന്റെ പരിധിയിലുള്ള വാഴാനി കണ്‍വെന്‍ഷന്‍ സെന്റര്‍ നിര്‍മ്മിക്കുന്ന സ്ഥലത്തെ 64 മരങ്ങള്‍ ജലസേചന വകുപ്പിന്റെ നിലവിലുള്ള വ്യവസ്ഥകള്‍ക്ക് വിധേയമായി മാര്‍ച്ച് 18 ന് രാവിലെ 11 ന് വടക്കാഞ്ചേരി ഇറിഗേഷന്‍ സബ് ഡിവിഷന്‍ തലപ്പിള്ളി കാര്യാലയത്തില്‍ പരസ്യമായി ലേലം ചെയ്യും. നിരതദ്രവ്യം 19,200 രൂപ. താത്പര്യമുള്ളവര്‍ തലപ്പിള്ളി ഇറിഗേഷന്‍ സബ് ഡിവിഷന്‍ അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ കാര്യാലയവുമായി ബന്ധപ്പെടുക.

ജില്ലയില്‍ വയോജനങ്ങളെ വീടുകളില്‍ പരിചരിക്കുന്ന ബന്ധുക്കളായ 10 കെയര്‍ഗീവര്‍മാര്‍ക്ക് ജെറിയാട്രിക് പരിശീലനം നല്‍കുന്നതിലേയ്ക്ക് അപേക്ഷ ക്ഷണിച്ചു.  അപേക്ഷകള്‍ വെള്ളപേപ്പറില്‍ തയ്യാറാക്കി  ജില്ലാ സാമൂഹ്യനീതി  ഓഫീസ്, മിനി സിവില്‍ സ്റ്റേഷന്‍, തൊടുപുഴ പി ഒ, ഇടുക്കി-685584 എന്ന വിലാസത്തിലോ dsjoidukki@gmail.com എന്ന ഇമെയില്‍ ഐഡിയിലേക്കോ മാര്‍ച്ച് 16 ന് വൈകിട്ട് 5 മണിക്ക് മുന്‍പായി സമര്‍പ്പിക്കണം. കൂടുതല്‍ വിവരങ്ങള്‍ക്ക് തൊടുപുഴ മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ഇടുക്കി ജില്ല സാമൂഹ്യനീതി ഓഫീസില്‍ ബന്ധപ്പെടണം. ഫോണ്‍: 04862 228160, 9496456464

കെല്‍ട്രോണിന്റെ എറണാകുളം കലൂര്‍ നോളജ് സെന്ററില്‍ ആര്‍ട്ടിഫിഷ്യല്‍ ഇന്റലിജന്‍സ്, ഓഗ്മെന്റഡ് റിയാലിറ്റി, വെര്‍ച്വല്‍ റിയാലിറ്റി, മിക്സഡ് റിയാലിറ്റി എന്നീ മേഖലകളിലെ കോഴ്സുകളിലേക്ക് അപേക്ഷ ക്ഷണിച്ചു. ഡിപ്ലോമ, പോസ്റ്റ് ഡിപ്ലോമ, പോസ്റ്റ് ഗ്രാജുവേറ്റ് ഡിപ്ലോമ എന്നീ കോഴ്‌സുകളിലേക്കാണ് അഡ്മിഷന്‍ ആരംഭിച്ചിരിക്കുന്നത്. കൂടുതല്‍ വിവരങ്ങള്‍ക്ക് കെല്‍ട്രോണ്‍ നോളജ് സെന്റര്‍, എം.ഇ.എസ് കള്‍ച്ചറല്‍ കോംപ്ലക്സ്, കലൂര്‍ എന്ന വിലാസത്തില്‍ ബന്ധപ്പെടുക. ഫോണ്‍: 8075246674, 0484 2971400.