ജില്ലയിലെ ദേശീയ സമ്പാദ്യ പദ്ധതി ഏജന്റുമാരുടെ മലപ്പുറം ജില്ലാ തല സംഗമം 'മഹിളാ പ്രധാനം 2026'  ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്തു. കൂട്ടിലങ്ങാടി റെയിന്‍ബോ കണ്‍വെന്‍ഷന്‍ സെന്ററില്‍ നടന്ന ചടങ്ങില്‍ ദേശീയ സമ്പാദ്യ പദ്ധതി വകുപ്പ് ഡെപ്യൂട്ടി ഡയറക്ടര്‍ എം. ഉണ്ണികൃഷ്ണന്‍ അധ്യക്ഷത വഹിച്ചു. ചടങ്ങില്‍ മങ്കട നിയുക്ത എം.എല്‍.എ. മഞ്ഞളാംകുഴി അലി മുഖ്യ പ്രഭാഷണം നടത്തി.  

ഇരവിപേരൂര്‍ കണ്‍സ്യൂമര്‍ഫെഡ് സ്റ്റുഡന്റ്സ് മാര്‍ക്കറ്റ് ഉദ്ഘാടനം ഗ്രാമപഞ്ചായത്ത് പ്രസിഡന്റ് ബിജി ടീച്ചര്‍ നിര്‍വഹിച്ചു. വാര്‍ഡ് അംഗം പ്രദീപ് കുമാര്‍ ആദ്യവില്‍പന നടത്തി. പ്രമുഖ കമ്പനികളുടെ ബാഗ്, കുട, ടിഫിന്‍ ബോക്‌സ്, വാട്ടര്‍ ബോട്ടില്‍, റെയിന്‍ കോട്ട്, പെന്‍സില്‍ ബോക്സ്, പേന , ത്രിവേണി നോട്ട് ബുക്ക്, ഇക്കോ ഫ്രണ്ട്ലി നോട്ട് ബുക്ക്, ഓഫീസ് സ്റ്റേഷനറി ഉല്‍പന്നങ്ങള്‍ എന്നിവ മിതമായ വിലയില്‍ ജില്ലയിലെ ത്രിവേണി സൂപ്പര്‍മാര്‍ക്കറ്റിലൂടെയും സഹകരണ സംഘം നടത്തുന്ന നീതി സ്റ്റോറിലൂടെയും സ്‌കൂള്‍ സൊസൈറ്റികളിലൂടെയും ലഭിക്കും. നോട്ടു ബുക്കുകള്‍ക്ക് ഓഫറുണ്ട്.

ദേശീയ ഡെങ്കി ദിനമായ മെയ് 16 ന് കലക്ടറേറ്റിലും ജില്ലയിലെ മറ്റു സര്‍ക്കാര്‍ ഓഫീസുകളിലും ഊര്‍ജിത ഉറവിട നശീകരണ പ്രവര്‍ത്തനം നടത്തും. ഉറവിട നശീകരണത്തിലൂടെ രോഗത്തെ അകറ്റാം എന്നതാണ് ഈ വര്‍ഷത്തെ കാമ്പയിന്‍ സന്ദേശം. എല്ലാ ശനിയാഴ്ചകളിലും സര്‍ക്കാര്‍ ഓഫീസുകളില്‍
ഊര്‍ജിത ഉറവിട നശീകരണ പ്രവര്‍ത്തനം സംഘടിപ്പിക്കും.
 

ഗാര്‍ഹിക പാചക വാതക സിലിണ്ടറുകളുടെ വിതരണം കാര്യക്ഷമമായും പരാതി രഹിതവുമായി നടത്തുന്നതിന്  താലൂക്ക്തല ഓപ്പണ്‍ ഫോറം  മെയ് 20 രാവിലെ 11 ന് റാന്നി ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ ചേരുമെന്ന് റാന്നി താലൂക്ക് സപ്ലൈ ഓഫീസര്‍ അറിയിച്ചു. ഫോണ്‍ : 04735 227504.
 

പട്ടികജാതി വികസനവകുപ്പിന്റെ  പത്തനംതിട്ട കല്ലറകടവിലെ ആണ്‍കുട്ടികളുടെ പ്രീമെട്രിക്‌ഹോസ്റ്റലിലേക്ക് 2026-27 അധ്യയന വര്‍ഷം അഞ്ച് മുതല്‍ 10 വരെയുള്ള ക്ലാസുകളിലേക്കുള്ള പ്രവേശനം ആരംഭിച്ചു. പട്ടികജാതി വിഭാഗം, പട്ടികവര്‍ഗ വിഭാഗം, പിന്നാക്ക വിഭാഗം , ജനറല്‍ വിഭാഗം എന്നിവയിലേക്കാണ് പ്രവേശനം.  
എല്ലാ  ദിവസവും   ട്യൂഷനും   ലൈബ്രറി  സേവനവും  രാത്രികാല പഠനത്തിനും  സംരക്ഷണത്തിനുമായി   റസിഡന്റ് ട്യൂട്ടറുടെ  സേവനവും ലഭിക്കും.  മെനു  അനുസൃതമായ  സമീകൃത ആഹാരം , സ്‌കൂള്‍,  ഹോസ്റ്റല്‍  യൂണിഫോമുകള്‍,  കൃത്യമായ  ഇടവേളകളില്‍ വൈദ്യപരിശോധന  എന്നിവയുണ്ട്.  

പട്ടികജാതി വികസന വകുപ്പിന്റെ തിരുവല്ലയിലെ പെണ്‍കുട്ടികളുടെ പ്രീമെട്രിക് ഹോസ്റ്റലിലേക്ക്  2026 - 27  അധ്യയന വര്‍ഷം  അഞ്ച് മുതല്‍ 10 വരെയുള്ള ക്ലാസുകളിലേക്ക് പ്രവേശനം ആരംഭിച്ചു.  പട്ടികജാതി വിഭാഗം, പട്ടികവര്‍ഗ വിഭാഗം, പിന്നാക്ക വിഭാഗം, ജനറല്‍ വിഭാഗം എന്നിവയിലേക്കാണ് പ്രവേശനം.  
എല്ലാ  ദിവസവും   ട്യൂഷനും   ലൈബ്രറി  സേവനവും  രാത്രികാല പഠനത്തിനും   സംരക്ഷണത്തിനുമായി   റസിഡന്റ് ട്യൂട്ടറുടെ  സേവനവും ലഭിക്കും.  മെനു  അനുസൃതമായ  സമീകൃത ആഹാരം , സ്‌കൂള്‍,  ഹോസ്റ്റല്‍  യൂണിഫോമുകള്‍,  കൃത്യമായ  ഇടവേളകളില്‍ വൈദ്യപരിശോധന  എന്നിവയുണ്ട്.  

പത്തനംതിട്ട കുടുബശ്രീ ജില്ലാ മിഷന്‍ 100 ദിന  ടിബി എലിമിനേഷന്‍ കാമ്പയിനും സ്‌നേക്ക് ആന്‍ഡ് സ്‌നേക്ക്  ബൈറ്റ്  ബോധവല്‍കരണ ക്ലാസും കുളനട കുടുബശ്രീ പ്രീമിയം കഫേയില്‍ സംഘടിപ്പിച്ചു. ജില്ല ടിബി  ഓഫീസര്‍  ഡോ .രാധിക എസ്.ഗോപന്‍ ക്ലാസ് നയിച്ചു. വിവിധ തരം ക്ഷയരോഗങ്ങള്‍, ക്ഷയരോഗ നിര്‍ണയ രീതി, മാര്‍ഗനിര്‍ദേശങ്ങള്‍, ജില്ലയില്‍ പ്രവര്‍ത്തിക്കുന്ന എന്‍എഎറ്റി സെന്ററുകള്‍, ക്ഷയരോഗ മരുന്നുകളും പാര്‍ശ്വഫലങ്ങളും, സാമൂഹ്യ സുരക്ഷാ പദ്ധതികള്‍,  നി-ക്ഷയ് മിത്ര,  ടിബി മുക്ത ഭാരത് ആപ്പ് എന്നിവ പരിചയപ്പെടുത്തി. പാമ്പ് കടി ബോധവല്‍ക്കരണംസര്‍പ്പ ടീമിന്റെ നേതൃത്വത്തില്‍ നടത്തി.

കേരള പബ്ലിക് സര്‍വീസ് കമ്മീഷന്‍ മെയ് 16 ഉച്ചയ്ക്ക് 1.30 മുതല്‍ 3.05 വരെ നടത്താനിരുന്ന ഡിഗ്രി ലെവല്‍ പ്രിലിമിനറി പരീക്ഷ കേന്ദ്രത്തിന് മാറ്റമുണ്ടെന്ന് ജില്ല  പിഎസ് സി ഓഫീസര്‍ അറിയിച്ചു. പരുമല ഡി ബി എച്ച്എസ്എസ് പരീക്ഷ കേന്ദ്രത്തില്‍ ഉള്‍പ്പെടുത്തിയിരുന്ന രജിസ്റ്റര്‍ നമ്പര്‍ 1248375 മുതല്‍ 1248574 വരെയുള്ള ഉദ്യോഗാര്‍ഥികള്‍ക്ക് തിരുവല്ല കാവുംഭാഗം ഡി ബി എച്ച്എസ്എസ് എന്ന പുതിയ പരീക്ഷകേന്ദ്രം മാറ്റി അനുവദിച്ചിട്ടുണ്ട്.

പത്തനംതിട്ട ജില്ലാ ദാരിദ്ര്യ ലഘൂകരണ വിഭാഗം ഓഫീസില്‍ മഹാത്മാഗാന്ധി ദേശീയ ഗ്രാമീണതൊഴിലുറപ്പ് പദ്ധതിയുടെ 2025-26 സാമ്പത്തികവര്‍ഷത്തെ ചെലവ് വിവരം ഓഡിറ്റ് ചെയ്യുന്നതിന് ചാര്‍ട്ടേഡ് അക്കൗണ്ടന്റിനെ നിയമിക്കുന്നു.  മുന്‍പരിചയമുള്ളCവര്‍ക്ക്  മുന്‍ഗണന. ബന്ധപ്പെട്ട രേഖ സഹിതം ജോയിന്റ് പ്രോഗ്രാം കോ-ഓര്‍ഡിനേറ്റര്‍, മഹാത്മാ ഗാന്ധി നാഷണല്‍ റൂറല്‍ എംപ്ലോയ്‌മെന്റ് ഗ്യാരന്റി സ്‌കീം, ദാരിദ്ര്യ ലഘൂകരണ വിഭാഗം , മണ്ണില്‍ റീജന്‍സി ബില്‍ഡിംഗ് ,പത്തനംതിട്ട- 689645  വിലാസത്തില്‍ മെയ് 20 വൈകിട്ട്  മൂന്നിന്  മുമ്പ് അപേക്ഷ സമര്‍പ്പിക്കണം. ഫോണ്‍ : 04682962038.
 

ഇലന്തൂര്‍ സര്‍ക്കാര്‍ ആര്‍ട്‌സ് ആന്റ് സയന്‍സ് കോളജില്‍ 2026-27 അധ്യയന വര്‍ഷം ഇംഗ്ലീഷ്, സുവോളജി, കെമിസ്ട്രി, ബോട്ടണി,  മലയാളം, സംസ്‌കൃതം, ഹിന്ദി വിഷയങ്ങളില്‍ അതിഥി അധ്യാപകരെ നിയമിക്കുന്നു.
കോളജ് വിദ്യാഭ്യാസ ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തവര്‍ രജിസ്‌ട്രേഷന്‍ നമ്പര്‍, ജനനതീയതി, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസല്‍, സ്വയം സാക്ഷ്യപ്പെടുത്തിയ പകര്‍പ്പ്, അപേക്ഷ ഫോം സഹിതം അഭിമുഖത്തിന് കോളജില്‍ ഹാജരാകണം. ബന്ധപ്പെട്ട വിഷയത്തില്‍ നെറ്റ് /പി  എച്ച് ഡി ആണ് യോഗ്യത.  ഇവരുടെ അഭാവത്തില്‍ 55 ശതമാനം മാര്‍ക്കില്‍ കുറയാത്ത ബിരുദാനന്തര ബിരുദക്കാരെയും പരിഗണിക്കും.