പന്തളം തെക്കേക്കര ഗ്രാമപഞ്ചായത്തിലെ സ്വകാര്യ വ്യക്തികളുടെ സ്ഥലത്ത് അപകടകരമായ അവസ്ഥയില്‍ നില്‍ക്കുന്ന വൃക്ഷങ്ങളും ശിഖരങ്ങളും  വ്യക്തികളുടെ ജീവനോ സ്വത്തിനോ  അപകടം സംഭവിക്കാതിരിക്കാന്‍ സ്വന്തം ചെലവില്‍ മുറിച്ചുമാറ്റണം. നേരിട്ട് മുറിച്ചു മാറ്റിയില്ലെങ്കില്‍ ചെലവാകുന്ന തുകയും പിഴയും ഉടമസ്ഥരില്‍ നിന്ന് പഞ്ചായത്ത് ഈടാക്കുമെന്ന് സെക്രട്ടറി അറിയിച്ചു.
 

തിരുവല്ല താലൂക്ക് ആസ്ഥാന ആശുപത്രിയില്‍ റേഡിയോളജിസ്റ്റിനെ താല്‍കാലികമായി നിയമിക്കുന്നു. യോഗ്യത : എംബിബിഎസ്/  എംഡി (റേഡിയോളജി) /ഡിഎന്‍ബി (റേഡിയോളജി)/ ഡിഎംആര്‍ഡി. ഡിജിറ്റല്‍ കളര്‍ ഡോപ്ലര്‍ അള്‍ട്രാ സൗണ്ട് സിസ്റ്റം (മോഡല്‍ എസ് 12) ഉപയോഗിച്ച് പരിചയമുളളവര്‍ക്ക് മുന്‍ഗണന. അവസാന തീയതി മെയ് 23. ഫോണ്‍ : 0469 2602494.

പത്തനംതിട്ട ജില്ല ജോയിന്റ് ഡയറക്ടറുടെ കാര്യാലയത്തിലേക്ക് വാഹനം വാടകയ്ക്ക് എടുക്കുന്നതിന്
ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി മെയ് 26. ഫോണ്‍ : 0468 2222561.
ഇ-മെയില്‍ : jdlsgdpta@gmail.com
 

കണ്‍സ്യൂമര്‍ഫെഡിന്റെ ആഭിമുഖ്യത്തില്‍ ജില്ലയില്‍ സ്റ്റുഡന്റ്സ് മാര്‍ക്കറ്റ് ആരംഭിച്ചു. പ്രമുഖ കമ്പനികളുടെ ബാഗ്, കുട, ടിഫിന്‍ ബോക്‌സ്, വാട്ടര്‍ ബോട്ടില്‍, റെയിന്‍ കോട്ട്, പെന്‍സില്‍ ബോക്സ്, പേന തുടങ്ങിയ പഠനോപകരണങ്ങള്‍, ത്രിവേണി നോട്ട് ബുക്ക്, ഇക്കോ ഫ്രണ്ട്ലി നോട്ട് ബുക്ക്, ഓഫീസ് സ്റ്റേഷനറി ഉല്‍പ്പന്നങ്ങള്‍ എന്നിവ മിതമായ വിലയില്‍ ജില്ലയിലെ ത്രിവേണി സൂപ്പര്‍മാര്‍ക്കറ്റിലൂടെയും സഹകരണ സംഘം നടത്തുന്ന നീതി സ്റ്റോറിലൂടെയും സ്‌കൂള്‍ സൊസൈറ്റികളിലൂടെയും പൊതു ജനങ്ങള്‍ക്ക് ലഭിക്കും. നോട്ടു ബുക്കുകള്‍ക്ക് ഓഫറുണ്ട്.

ശബരിമല ഇടവ മാസ പൂജയുടെ ഭാഗമായി പമ്പ ത്രിവേണിയില്‍ മതിയായ ജലനിരപ്പ് ഉറപ്പാക്കുന്നതിന് മെയ് 14 മുതല്‍ 19 വരെ കുള്ളാര്‍ ഡാം തുറക്കും. കക്കാട് സീതത്തോട് കെഎസ്ഇബി ഡാം സുരക്ഷ വിഭാഗം എക്സിക്യൂട്ടീവ് എഞ്ചിനീയര്‍ക്ക് ജില്ലാ കലക്ടറും ജില്ലാ ദുരന്തനിവാരണ അതോറിറ്റി ചെയര്‍മാനുമായ എസ് പ്രേം കൃഷ്ണന്‍ ഡാം തുറക്കുന്നതിനുള്ള അനുമതി നല്‍കി. മെയ് 19 വരെയുള്ള ദിവസങ്ങളില്‍ പ്രതിദിനം 25,000 ഘനമീറ്റര്‍ ജലം തുറന്നു വിടും. പമ്പ നദിയില്‍ അഞ്ച് സെന്റിമീറ്റര്‍ വരെ ജലനിരപ്പ് ഉയരാം.
 

കോഴഞ്ചേരി ഗ്രാമപഞ്ചായത്തില്‍ സ്വകാര്യ വ്യക്തികളുടെ പുരയിടങ്ങളില്‍ പൊതുജനങ്ങളുടെ ജീവനും സ്വത്തിനും ഭീക്ഷണിയായി നില്‍ക്കുന്ന വൃക്ഷങ്ങള്‍, ശിഖരങ്ങള്‍ എന്നിവ  സ്ഥലം ഉടമ അടിയന്തരമായി മുറിച്ചുമാറ്റി അപകടം ഒഴിവാക്കണം.

 സ്വകാര്യ വ്യക്തികളുടെ  വസ്തുവിലെ കാട് അടിയന്തരമായി വെട്ടിത്തെളിച്ച് പാമ്പുകള്‍, മറ്റ് വന്യ മൃഗങ്ങള്‍ എന്നിവയുടെ ശല്യം ഒഴിവാക്കണം. അല്ലാത്തപക്ഷം ഉണ്ടാകുന്ന സകല കഷ്ടനഷ്ടങ്ങള്‍ക്കും ഭൂവുടമ ഉത്തരവാദിയായിരിക്കുമെന്ന് സെക്രട്ടറി അറിയിച്ചു.

അയിരൂര്‍ സര്‍ക്കാര്‍ സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ വിവിധ വിഷയങ്ങളില്‍ ഗസ്റ്റ് അധ്യാപക ഒഴിവുണ്ട്. ഇംഗ്ലീഷ്, ഹിന്ദി,  മലയാളം,  ഹിസ്റ്ററി, സോഷ്യോളജി, പൊളിറ്റിക്കല്‍ സയന്‍സ് വിഷയങ്ങളില്‍ നിശ്ചിത യോഗ്യതയുളള ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകള്‍ (പകര്‍പ്പ് ഉള്‍പ്പെടെ) സഹിതം മെയ് 28 രാവിലെ 10 നും എക്കണോമിക്‌സ്, കൊമേഴ്‌സ് വിഷയങ്ങള്‍ക്ക് അന്നേ ദിവസം  ഉച്ചയ്ക്ക് ഒന്നിനും ഹയര്‍ സെക്കന്‍ഡറി ഓഫീസില്‍ ഹാജരാകണം. ഫോണ്‍ : 9895255427.
 

കുളനട ഗ്രാമപഞ്ചായത്തില്‍ ത്രീവീലര്‍ ഇലക്ട്രിക് ഓട്ടോറിക്ഷ ഓടിക്കുന്നതിന് ദിവസവേതന അടിസ്ഥാനത്തില്‍ ഡ്രൈവറെ നിയമിക്കുന്നു. യോഗ്യത - ത്രീവീലര്‍  ഡ്രൈവിംഗ് ലൈസന്‍സ്. പ്രായപരിധി - 25-55. കുറഞ്ഞത് മൂന്നുവര്‍ഷത്തെ പ്രവൃത്തി പരിചയമുളളവര്‍ക്കും കുളനട ഗ്രാമപഞ്ചായത്ത് പ്രദേശവാസികള്‍ക്കും മുന്‍ഗണന. അവസാന തീയതി മെയ് 18. ഫോണ്‍ : 04734 260272.
 
 

കെല്‍ട്രോണിന്റെ അടൂര്‍ നോളജ് സെന്ററില്‍ കമ്പ്യൂട്ടര്‍ ഹാര്‍ഡ് വെയര്‍ ആന്റ് നെറ്റ്‌വര്‍ക്ക് മെയിന്റനന്‍സ് വിത്ത് ഇ-ഗാഡ്ജറ്റ് ടെക്‌നോളജീസ്, സിസി ടി വി, സൈബര്‍ സെക്യൂരിറ്റി, ഫയര്‍ ആന്റ് സേഫ്റ്റി, ലോജിസ്റ്റിക് ആന്റ് സപ്ലൈ ചെയിന്‍ മാനേജ്‌മെന്റ് , ഹോസ്പിറ്റല്‍ അഡ്മിനിസ്‌ട്രേഷന്‍, പിജിഡിസിഎ, ഡിസിഎ, വേഡ് പ്രൊസസിംഗ് ആന്റ് ഡേറ്റ എന്‍ട്രി, ടാലി എന്നീ കോഴ്‌സുകളിലേക്ക് പ്രവേശനം ആരംഭിച്ചു.  
ഫോണ്‍ : 9526229998.

മൈലപ്ര ഗ്രാമപഞ്ചായത്തില്‍ സ്വകാര്യ വ്യക്തികളുടെ പുരയിടങ്ങളില്‍ പൊതുജനങ്ങളുടെ ജീവനും സ്വത്തിനും ഭീക്ഷണിയായി നില്‍ക്കുന്ന വൃക്ഷങ്ങള്‍ , ശിഖരങ്ങള്‍ എന്നിവ സ്ഥലം ഉടമ അടിയന്തരമായി മുറിച്ചുമാറ്റി അപകടം ഒഴിവാക്കണം.

സ്വകാര്യ വ്യക്തികളുടെ വസ്തുവിലെ കാട് അടിയന്തരമായി  വെട്ടിത്തെളിച്ച് പാമ്പുകള്‍, മറ്റ് വന്യമൃഗങ്ങള്‍ എന്നിവയുടെ ശല്യം ഒഴിവാക്കണം. അല്ലാത്തപക്ഷം ഉണ്ടാകുന്ന സകല കഷ്ടനഷ്ടങ്ങള്‍ക്കും ഭൂവുടമ ഉത്തരവാദിയായിരിക്കുമെന്ന് സെക്രട്ടറി അറിയിച്ചു. ഫോണ്‍:  0468 2222340.