ഗർഭാശയഗള ക്യാൻസർ പ്രതിരോധിക്കുന്നതിനായുള്ള എച്ച്.പി.വി. വാക്സിനേഷൻ മെയ് 31 വരെ എല്ലാ സർക്കാർ ആശുപത്രികളിലും ലഭ്യമാണെന്ന് ജില്ലാ മെഡിക്കൽ ഓഫീസർ അറിയിച്ചു. 14 വയസ്സിനും 15 വയസ്സിനും ഇടയിൽ പ്രായമുള്ള പെൺകുട്ടികൾക്കാണ് സൗജന്യമായി ഒറ്റ ഡോസ്  വാക്സിനേഷൻ ലഭ്യമാക്കുന്നത്.

 ഗർഭാശയഗള ക്യാൻസറിനെ പ്രതിരോധിക്കുന്നതിന് ഫെബ്രുവരി 28-ന് ആരംഭിച്ച രാജ്യവ്യാപക ക്യാമ്പയിന്റെ ഭാഗമായാണ് ഈ നടപടി. ഹ്യൂമൻ പാപ്പിലോമ വൈറസ് (HPV) മൂലമുണ്ടാകുന്ന അണുബാധയാണ് 99.7 ശതമാനം ഗർഭാശയഗള ക്യാൻസറുകൾക്കും കാരണമാകുന്നത്. 2006 മുതൽ ആഗോളതലത്തിൽ സുരക്ഷിതമായി നൽകിവരുന്ന ഈ വാക്സിൻ സെർവിക്കൽ ക്യാൻസർ തടയുന്നതിൽ ഫലപ്രദമാണ്.

2026 മാർച്ച് മാസത്തിൽ നടത്തിയ എസ്.എസ്.എൽ.സി/റ്റി.എച്ച്.എസ്.എൽ.സി പരീക്ഷകളുടെ ഫലം നാളെ (മേയ് 15) ഉച്ചയ്ക്ക്ശേഷം 3 മണിക്ക് പൊതുവിദ്യാഭ്യാസ പ്രിൻസിപ്പൽ സെക്രട്ടറി പ്രഖ്യാപിക്കും. സെക്രട്ടറിയേറ്റ് പി.ആർ. ചേംബറിലാണ് ഫലപ്രഖ്യാപനം നടക്കുന്നത്.

പരിസ്ഥിതി കാലാവസ്ഥാ വ്യതിയാന ഡയറക്ടറേറ്റിന്റെ 2026 വർഷത്തെ പരിസ്ഥിതിമിത്രം പുരസ്കാരങ്ങൾക്ക് മേയ് 25 വരെ അപേക്ഷ സമർപ്പിക്കാം. പരിസ്ഥിതി സംരക്ഷകൻ, പരിസ്ഥിതി ഗവേഷകൻ, പരിസ്ഥിതി പത്രപ്രവർത്തകൻ, പരിസ്ഥിതി ദൃശ്യ മാധ്യമ പ്രവർത്തകൻ, പരിസ്ഥിതി സംരംക്ഷണ സ്ഥാപനം, പരിസ്ഥിതി സംരക്ഷണ തദ്ദേശ സ്വയംഭരണ സ്ഥാപനം എന്നീ വിഭാഗങ്ങളിലാണ് പരിസ്ഥിതിമിത്രം പുരസ്കാരങ്ങൾ നൽകുന്നത്.

തിരുവനന്തപുരം വട്ടിയൂർക്കാവ് സെൻട്രൽ പോളിടെക്നിക്ക് കോളേജിൽ ലക്ചറർ, ട്രേഡ്സ്മാൻ തസ്തികയിലേക്കുള്ള അഭിമുഖം മേയ് 18 രാവിലെ 10 മണിക്ക് കോളേജിൽ നടത്തും. ലക്ചറർ തസ്തികയ്ക്ക് ബി.ടെക് സിവിൽ എൻജിനീയറിങ് ഫസ്റ്റ് ക്ലാസും ട്രേഡ്സ്മാൻ തസ്തികയ്ക്ക് ഐ.റ്റി.ഐ സിവിലുമാണ് യോഗ്യത. യോഗ്യതയുള്ളവർ അസ്സൽ സർട്ടിഫിക്കറ്റ് സഹിതം അന്നേദിവസം കോളേജിൽ നേരിട്ട് ഹാജരാകണം.

കാസറഗോഡ് ജില്ലയിൽ സംസ്ഥാന സർക്കാർ വകുപ്പിനു കീഴിൽ വനിതകൾക്കായുള്ള, ഈഴവ/തിയ്യ/ബില്ലവ വിഭാഗത്തിന് സംവരണം ചെയ്ത സൈക്കോ സോഷ്യൽ കൗൺസിലറുടെ ഒരു താത്കാലിക ഒഴിവുണ്ട്.

വെള്ളമുണ്ട ഇലക്ട്രിക്കൽ സെക്ഷനു കീഴിലുള്ള തരുവണ തൊണ്ണമ്പറ്റക്കുന്ന്, പീച്ചങ്കോട് നെല്ലേരിക്കുന്ന്, വെള്ളമുണ്ട താന്നിചുവട്, ചൊവ്വ ട്രാൻസ്ഫോർമർ പരിധികളിൽ ഇന്ന് (മെയ് 14) രാവിലെ 8.30 മുതൽ വൈകുന്നേരം 6 വരെ വൈദ്യുതി വിതരണം ഭാഗികമായി തടസ്സപ്പെടും.

അറ്റകുറ്റ പ്രവൃത്തികൾ നടക്കുന്നതിനാൽ പടിഞ്ഞാറത്തറ സെക്ഷൻ പരിധിയിൽ വരുന്ന ചേരിയംകൊല്ലി, കല്ല് വെട്ടുംതാഴെ, പകൽ വീട് എന്നീ ട്രാൻസ്‌ഫോർമർ പരിധികളിൽ രാവിലെ 9 മുതൽ വൈകുന്നേരം 5.30 വരെ പൂർണമായോ ഭാഗികമായോ വൈദ്യുതി മുടങ്ങും.

വനിതാ സംരക്ഷണ ഓഫീസിന്റെ ഔദ്യോഗിക ആവശ്യങ്ങൾക്കായി 7 വർഷത്തിൽ താഴെ പഴക്കമുള്ള വാഹനം വാടകയ്ക്ക് എടുക്കുന്നതിന് ടെണ്ടർ ക്ഷണിച്ചു. ഇന്ധന ചെലവ്, മെയിന്റനൻസ്, ഡ്രൈവറുടെ ശമ്പളം, ടാക്സ്, ഇൻഷുറൻസ് തുടങ്ങിയ എല്ലാ ചെലവുകളും കരാറുകാരൻ വഹിക്കണം. ടെണ്ടറുകൾ മെയ് 22 ഉച്ചയ്ക്ക് 12ന് മുമ്പ് സിവിൽ സ്റ്റേഷനിൽ പ്രവർത്തിക്കുന്ന വനിതാ സംരക്ഷണ ഓഫീസിൽ ലഭിക്കണം. ഫോൺ: 04936 206616, 8281999063.

നല്ലൂർനാട് ഗവ. ട്രൈബൽ സ്പെഷ്യാലിറ്റി ആശുപത്രിയിലെ റേഡിയോ തെറാപ്പി യൂണിറ്റിൽ റേഡിയേഷൻ ചികിത്സയുടെ ഭാഗമായി ഉപയോഗിക്കുന്ന തെർമോപ്ലാസ്റ്റിക് ഇമ്മൊബിലൈസേഷൻ പ്രീ കട്ട്സ് ഫോർ ഹെഡ് ആന്റ് നെക്ക് (ക്ലാമ്പ് ടൈപ്പ് സ്യൂട്ടബിൾ ഫോർ ക്ലാരിറ്റി ബോർഡ്) എന്ന ഉപകരണം ലഭ്യമാക്കാൻ താത്പര്യമുള്ളവരിൽ നിന്ന് ടെണ്ടറുകൾ ക്ഷണിച്ചു. പൂരിപ്പിച്ച ടെണ്ടറുകൾ മെയ് 22 ഉച്ചയ്ക്ക് 1 മണിക്ക് മുമ്പ് ആശുപത്രി ഓഫീസിൽ ലഭിക്കണം. ഫോൺ: 8281212702

നല്ലൂർനാട് ഗവ. ട്രൈബൽ സ്പെഷ്യാലിറ്റി ആശുപത്രിയിലേക്ക് ഈ സാമ്പത്തിക വർഷം ആവശ്യമായ മരുന്നുകൾ മാനന്തവാടി ടൗൺ പരിസരങ്ങളിൽ വിതരണം ചെയ്യാൻ താത്പര്യമുള്ളവരിൽ നിന്ന് ടെണ്ടർ ക്ഷണിച്ചു. 10 ലക്ഷം രൂപയാണ് അടങ്കൽ തുക. മെയ് 22 ഉച്ചയ്ക്ക് 2 വരെ ടെണ്ടർ ഫോമുകൾ ആശുപത്രിയിൽ സ്വീകരിക്കും.  ഫോൺ: 8281212702

പൂക്കോട് വെറ്ററിനറി സർവകലാശാലയുടെ ഇൻഫ്രാസ്ട്രക്ചർ ഡെവലപ്മെന്റ് വിങുകളിലേക്ക് താത്കാലിക നിയമനം നടത്തുന്നു. പൂക്കോട് ഇൻഫ്രാസ്ട്രക്ചർ ഡെവലപ്മെന്റ് വിങ് ഓഫീസിലേക്ക് താത്കാലികാടിസ്ഥാനത്തിൽ അസിസ്റ്റന്റ് എഞ്ചിനീയർ (സിവിൽ), ഓവർസീയർ തസ്തികളിലാണ് നിയമനം. സർവകലാശാലയുടെ മണ്ണുത്തി ഇൻഫ്രാസ്ക്രചർ ഡെവലപ്മെന്റ് വിങ് ഓഫീസിലേക്ക് പരമാവധി രണ്ട് വർഷത്തെ കാലയളിവിലേക്ക് കരാർ അടിസ്ഥാനത്തിൽ സേഫ്റ്റി/ക്വാളിറ്റി എഞ്ചിനീയർ, ഓവർസീയർ (ഇലക്ട്രിക്കൽ) തസ്തികകളിലേക്കും  നിയമനം നടത്തുന്നു.