മാനനന്തവാടി ഐ.സി.ഡി.എസ് പ്രൊജക്ടിന് കീഴിൽ പ്രവർത്തിക്കുന്ന കോൺവെന്റ്കുന്ന് അങ്കണവാടി കം ക്രഷിൽ അങ്കണവാടി കം ക്രഷ് വർക്കർ, ക്രഷ് ഹെൽപ്പർ തസ്തികകളിലേക്ക് അപേക്ഷ ക്ഷണിച്ചു. മാനന്തവാടി നഗരസഭയിൽ സ്ഥിരതാമസക്കാരായ 18നും 35നും ഇടയിൽ പ്രായമുള്ള സ്ത്രീകൾക്കാണ് അവസരം. പട്ടികജാതി, പട്ടികവർഗ വിഭാഗങ്ങൾക്ക് ഉയർന്ന പ്രായപരിധിയിൽ മൂന്ന് വർഷം ഇളവുണ്ട്. താഴെയങ്ങാടി വാർഡിലെ താമസക്കാർക്ക് മുൻഗണന ലഭിക്കും. ക്രഷ് വർക്കർക്ക് പ്ലസ് ടുവും ഹെൽപ്പറിന് പത്താം ക്ലാസുമാണ് യോഗ്യത.

കോഴിക്കോട് റീജ്യണൽ പ്രൊഫഷണൽ ആന്റ് എക്സിക്യൂട്ടീവ് എംപ്ലോയ്‍മെന്റ് എക്സ്ചേഞ്ചിൽ രജിസ്റ്റർ ചെയ്തിട്ടുള്ള ഉദ്യോഗാർത്ഥികളിൽ മുന്നാക്ക സമുദായങ്ങളിൽ ഉൾപ്പെട്ട സാമ്പത്തികമായി പിന്നാക്കം നിൽക്കുന്നവരുടെ (ഇ.ഡബ്ല്യു.എസ്) സംവരണത്തിന് അർഹരായവർ വില്ലേജ് ഓഫീസർ നൽകുന്ന സർട്ടിഫിക്കറ്റ് ഹാജരാക്കണം. 2026 ഏപ്രിൽ ഒന്നിന് ശേഷം വില്ലേജ് ഓഫീസർ നൽകിയ സർട്ടിഫിക്കറ്റ് മേയ് 31നകം ഉദ്യോഗാർത്ഥികൾ തങ്ങളുടെ രജിസ്ട്രേഷനൊപ്പം കൂട്ടിച്ചേർക്കണമെന്ന് ഡിവിഷണൽ എംപ്ലോയ്മെന്റ് ഓഫീസർ അറിയിച്ചു.

അസാപ് കേരളയുടെ മാനന്തവാടി കമ്മ്യൂണിറ്റി സ്കിൽ പാർക്കിൽ മെയ് 16 രാവിലെ 10 മുതൽ തൊഴിൽ മേള സംഘടിപ്പിക്കുന്നു. പങ്കെടുക്കാൻ ആഗ്രഹിക്കുന്ന പ്ലസ് ടു, ഡിഗ്രി, പി.ജി യോഗ്യതയുള്ള ഉദ്യോഗാർത്ഥികൾ ബയോഡേറ്റയും അനുബന്ധ സർട്ടിഫിക്കറ്റുകളുമായി എത്തിച്ചേരേണ്ടതാണ്. എച്ച്.ഡി.എഫ്.സി ലൈഫ് ഇൻഷുറൻസ് കമ്പനി ലിമിറ്റഡ്,  മെഘാസ് ഹെർബോകെയർ, അൽ നഹ്ദ ഹൈപ്പർമാർക്കറ്റ്, ജിടഫ് പ്രൈവറ്റ് ലിമിറ്റഡ്, ഹൈക്ക് ലേണിംഗ് പ്ലാറ്റ്ഫോം, യെസ് ഭാരത് വെഡ്ഡിംഗ് കളക്ഷൻ, ഐ.ക്യു ബിസിനസ് ഹബ് തുടങ്ങിയ സ്ഥാപനങ്ങൾ തൊഴിൽ മേളയിൽ പങ്കെടുക്കും. ഫോൺ: 94959 99669

മോട്ടോർ തൊഴിലാളി ക്ഷേമനിധി ബോർഡിൽ അംഗങ്ങളുടെ മക്കൾക്ക് സൗജന്യ പഠന കിറ്റിനുള്ള അപേക്ഷ മെയ് 15 വരെ സമർപ്പിക്കാം.  2026-27 അദ്ധ്യയന വർഷം സർക്കാർ, എയ്ഡഡ് സ്കൂളുകളിൽ ഒന്നാം ക്ലാസിൽ പ്രവേശനം നേടിയ കുട്ടികൾക്കാണ് അവസരം. kmtwwfb.kerala.gov.in എന്ന വെബ്‍സൈറ്റ് വഴി ഓൺലൈനായി മാത്രമാണ് അപേക്ഷകൾ സ്വീകരിക്കുന്നത്. ആദ്യമായി അപേക്ഷ സമർപ്പിക്കുമ്പോൾ തൊഴിലാളികളുടെ പ്രൊഫൈൽ അപ്ഡേറ്റ് ചെയ്യണം. ഇതിന് വാഹനത്തിന്റെ ആർ.സി, തൊഴിലാളിയുടെ ലൈസൻസ്, ആധാർ, റേഷൻ കാർഡ്, ബാങ്ക് പാസ്ബുക്ക്, ഫോട്ടോ എന്നിവ ആവശ്യമാണ്. ഫോൺ: 04936 206355, 9188519862.

കുടുംബശ്രീ എറണാകുളം ജില്ലാമിഷൻ മുളന്തുരുത്തി ബ്ലോക്കിൽ നടപ്പിലാക്കുന്ന മൈക്രോ എൻറർപ്രൈസ് റിസോഴ്സ് സെൻ്റർ (എംഇആർസി) പദ്ധതിയുടെ ഭാഗമായി പ്രവർത്തിക്കുന്ന എംഇആർസി സെൻ്ററിലേക്ക് താൽക്കാലിക കരാർ അടിസ്ഥാനത്തിൽ അക്കൗണ്ടന്റ് തസ്തികയിലേക്ക് അപേക്ഷ ക്ഷണിച്ചു.

അപേക്ഷകർ 01.07.2026 ന് 18 നും 35 നും  മദ്ധ്യേ പ്രായമുള്ളവരായിരിക്കണം. കുടുംബശ്രീ അംഗമോ, കുടുംബാംഗമോ, ഓക്സിലറി അംഗമോ ആയിരിക്കണം. മുളന്തുരുത്തി ബ്ലോക്ക് പരിധിയിലെ താമസക്കാർക്ക് മുൻഗണന ഉണ്ടായിരിക്കും.

​സംസ്ഥാന സർക്കാർ സ്ഥാപനമായ ഐ.എച്ച്.ആർ.ഡിയുടെ  കീഴിൽ പ്രവർത്തിക്കുന്ന ഒമ്പത് എഞ്ചിനീയറിംഗ് കോളേജുകളിലെ എൻ.ആർ.ഐ ക്വാട്ട സീറ്റുകളിലേക്ക് 2026-27 അധ്യയന വർഷത്തെ ബി.ടെക് പ്രവേശനത്തിന് അപേക്ഷ ക്ഷണിച്ചു. എറണാകുളം (മോഡൽ എഞ്ചിനീയറിംഗ് കോളേജ്), ചെങ്ങന്നൂർ, അടൂർ, കരുനാഗപ്പള്ളി, കല്ലൂപ്പാറ, ചേർത്തല, ആറ്റിങ്ങൽ, കൊട്ടാരക്കര, മൂന്നാർ എന്നീ കോളേജുകളിലാണ് പ്രവേശനം നടക്കുന്നത്.  
​

​മുളന്തുരുത്തി ബ്ലോക്ക് പഞ്ചായത്തിന്റെ 2025-26 വാർഷിക പദ്ധതിയിൽ ഉൾപ്പെടുത്തിയിട്ടുള്ള വിവിധ പൊതുമരാമത്ത് പ്രവൃത്തികൾ നടപ്പിലാക്കുന്നതിനായി  റീ-ടെൻഡർ ക്ഷണിച്ചു. ​ടെൻഡറുമായി ബന്ധപ്പെട്ട കൂടുതൽ വിവരങ്ങളും നിബന്ധനകളും മുളന്തുരുത്തി ബ്ലോക്ക് പഞ്ചായത്തിലെ തദ്ദേശ സ്വയം ഭരണ വകുപ്പ് അസിസ്റ്റന്റ് എക്സിക്യുട്ടീവ് എഞ്ചിനീയറുടെ കാര്യാലയത്തിൽ നിന്ന് നേരിട്ട് ലഭ്യമാണ് . 
ഫോൺ :0484 2742360

​എറണാകുളം ജില്ലയിൽ വിദ്യാഭ്യാസ വകുപ്പിൽ ഹൈസ്‌കൂൾ ടീച്ചർ (ഇംഗ്ലീഷ്) (ഡയറക്ട് റിക്രൂട്ട്‌മെന്റ്, കാറ്റഗറി നമ്പർ 603/2024) തസ്തികയിലേക്കുള്ള ഉദ്യോഗാർത്ഥികളുടെ അഭിമുഖം 2026 മെയ് 20, 22 തീയതികളിൽ നടക്കും. കേരള പബ്ലിക് സർവീസ് കമ്മീഷൻ എറണാകുളം മേഖലാ ഓഫീസിലാണ് അഭിമുഖം നിശ്ചയിച്ചിരിക്കുന്നത്. രാവിലെ 09.30-ന് അഭിമുഖമുള്ളവർക്ക് 07.30-നും, 10.30-ന് അഭിമുഖമുള്ളവർക്ക് 08.00-നും, ഉച്ചയ്ക്ക് 12.00-ന് അഭിമുഖമുള്ളവർക്ക് രാവിലെ 09.30-നും സർട്ടിഫിക്കറ്റ് പരിശോധന ആരംഭിക്കുന്നതാണ്. 

​കേരള കള്ള് വ്യവസായ തൊഴിലാളി ക്ഷേമനിധിയിൽ അംഗങ്ങളായ തൊഴിലാളികളുടെ മക്കളിൽ 2026-27 അധ്യയന വർഷത്തിൽ ഒന്നാം ക്ലാസ്സ് മുതൽ ഏഴാം ക്ലാസ്സ് വരെ പഠിക്കുന്ന വിദ്യാർത്ഥികൾക്ക് പഠന കിറ്റുകൾ വിതരണം ചെയ്യുന്നു. ക്ഷേമനിധി ബോർഡിന്റെ ഈ ആനുകൂല്യത്തിന് അർഹരായവർ നിശ്ചിത മാതൃകയിലുള്ള അപേക്ഷകൾ സമർപ്പിക്കേണ്ടതാണ്.

​അപേക്ഷകൾ സ്വീകരിക്കുന്ന അവസാന തീയതി 2026 മെയ് 15 ആണ്. അപേക്ഷാ ഫോമുകൾ കേരള കള്ള് വ്യവസായ തൊഴിലാളി ക്ഷേമനിധി ബോർഡിന്റെ എറണാകുളം ജില്ലാ ഓഫീസിൽ നിന്നും കള്ള് വ്യവസായ രംഗത്ത് പ്രവർത്തിക്കുന്ന വിവിധ ട്രേഡ് യൂണിയൻ ഓഫീസുകളിൽ നിന്നും ലഭ്യമാണ്. ഫോൺ :0484 - 2800581 

എറണാകുളം ജില്ല എംപ്ലോയ്മെൻറ് എക്സ്ചേഞ്ചി നോട് അനുബന്ധമായി പ്രവർത്തിക്കുന്ന എംപ്ലോയബിലിറ്റി സെന്ററിന്റെ ആഭിമുഖ്യത്തിൽ തൊഴിൽമേള സംഘടിപ്പിക്കുന്നു. മെയ് 16 ശനിയാഴ്ച രാവിലെ 11 മുതൽ ഒന്നു വരെയാണ് മേള. നാല് ഉദ്യോഗദായകർ പങ്കെടുക്കുന്ന മേളയിൽ 20ലധികം ഒഴിവുകളിലേക്ക് അഭിമുഖം നടക്കും. എസ് എസ് എൽ സി , പ്ലസ് ടു, ഡിപ്ലോമ, ബിരുദം, ബിരുദാനന്തര ബിരുദം, എംബിഎ യോഗ്യതകൾ ഉള്ളവർക്ക് പങ്കെടുക്കാവുന്നതാണ്. താല്പര്യമുള്ള ഉദ്യോഗാർത്ഥികൾ അന്നേദിവസം കാക്കനാട് സിവിൽ സ്റ്റേഷനിൽ പ്രവർത്തിക്കുന്ന ജില്ലാ എംപ്ലോയ്മെൻറ് എക്സ്ചേഞ്ചിൽ ബയോഡേറ്റയുടെ നാല് കോപ്പി സഹിതം ഹാജരാകേണ്ടതാണ്.
 ഫോൺ: 0484-2422452, 9446926836