ക്വാമി ഏകതാ വാരാഘോഷം നവംബര്‍ 19 മുതല്‍ 25 വരെ

ക്വാമി ഏകതാ വാരം(ദേശീയോദ്ഗ്രഥന വാരം) നവംബര്‍ 19 മുതല്‍ 25 വരെ രാജ്യവ്യാപകമായി ആഘോഷിക്കും.  19ന് രാവിലെ 11 മണിക്ക് ഓഫീസില്‍ ക്വാമി ഏകതാ പ്രതിജ്ഞ എടുക്കും. ദേശഭക്തി, മതസൗഹാര്‍ദ്ദം എന്നിവ ഊട്ടി ഉറപ്പിക്കുന്നതിനാണ് ക്വാമി ഏകതാ വാരം ആഘോഷിക്കുന്നത്. കൊവിഡ്-19 മാനദണ്ഡങ്ങള്‍ പാലിച്ച് പൊതുയോഗം, പ്രഭാതഭേരി, ദേശീയോദ്ഗ്രഥന പ്രതിജ്ഞ, ചര്‍ച്ച, സംവാദം എന്നിവ സംഘടിപ്പിക്കും. നവംമ്പര്‍ 19 ന്് മതേതരത്വം,  അഹിംസ, വര്‍ഗ്ഗീയക്കെതിരെയും യോഗങ്ങള്‍, സിമ്പോസിയം, സെമിനാര്‍ എന്നിവയും ജില്ലാ തലത്തില്‍ നടത്തും. 20ന് ന്യൂനപക്ഷക്ഷേമദിനമായി ആഘോഷിക്കും. അന്ന് കലാപബാധിത പ്രദേശങ്ങളില്‍ സമാധാന-സൗഹൃദ യാത്ര സംഘടിപ്പിക്കും. 21 ന് ഭാഷാ ഐക്യദിനമായി ആചരിച്ച് കവി സമ്മേളനങ്ങളും ഭാഷാ പൈതൃക സാഹിത്യ സമ്മേളനങ്ങളും സംഘടിപ്പിക്കും. പട്ടിക ജാതി പട്ടിക വര്‍ഗ്ഗ പിന്നാക്കക്കാരെ മുഖ്യ ധാരയിലേക്കു കൊണ്ടുവരുന്നതിനുള്ള പരിപാടികളായിരിക്കും 22 ന് നടത്തുക. ഭാരതത്തിന്റെ സാംസ്‌കാരിക സംരക്ഷണത്തിനും നാനാത്വത്തില്‍ ഏകത്വം ഊട്ടിഉറപ്പിക്കുന്നതിമുള്ള സാംസ്‌കാരിക ഏകതാ ദിനമായിട്ടായിരിക്കും നവംബര്‍ 23 ആഘോഷിക്കുന്നത്. ഭാരത സമൂഹ വ്യവസ്ഥയില്‍ സ്ത്രീകളുടെ സ്ഥാനവും രാഷ്ട്ര നിര്‍മ്മാണത്തില്‍ സ്്ത്രീകളുടെ പ്രാധാന്യവും എന്നത് അടിസ്ഥാനമാക്കി 24 വനിതാ ദിനമായി കൊണ്ടാടും. പരിസ്ഥിതി സംരക്ഷണവും ബോധവല്‍ക്കരണവും പ്രോത്സാഹിപ്പിക്കുന്നതിനുള്ള പരിപാടികളോടെ വാരാചരണം സമാപിക്കും.