സഖി വണ്‍ സ്റ്റോപ്പ് സെന്ററിലെ മള്‍ട്ടിപര്‍പ്പസ് ഹെല്‍പ്പര്‍; അപേക്ഷ ക്ഷണിച്ചു
കൊച്ചി: വനിത ശിശുവികസന വകുപ്പിനു കീഴിലുളള എറണാകുളം സഖി വണ്‍ സ്റ്റോപ്പ് സെന്ററിലെ മള്‍ട്ടിപര്‍പ്പസ് ഹെല്‍പ്പര്‍ തസ്തികയിലേക്ക് (ഒരു ഒഴിവ്) നിര്‍ദ്ദിഷ്ട യോഗ്യതയുളള ജില്ലയിലെ വനിതാ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. കരാര്‍ അടിസ്ഥാനത്തില്‍ ഒരു വര്‍ഷത്തേക്കാണ് നിയമനം. 24 മണിക്കൂറും പ്രവര്‍ത്തിക്കുന്ന സ്ഥാപനത്തില്‍ ഷിഫ്റ്റ് അടിസ്ഥാനത്തില്‍ രാത്രിയും ജോലി ചെയ്യുവാന്‍ സന്നദ്ധരായിട്ടുളള ഉദ്യോഗാര്‍ഥികള്‍ മാത്രം അപേക്ഷിച്ചാല്‍ മതിയാകും. യോഗ്യത എസ്.എസ്.എല്‍.സി, പ്രവൃത്തി പരിചയം (മൂന്ന് വര്‍ഷം അഭികാമ്യം) (ക്ലീനിംഗ്, കുക്കിംഗ്, കുക്കിംഗ് ജോലികള്‍ ചെയ്യാന്‍ സന്നദ്ധരായിരിക്കണം) താത്പര്യമുളള ഉദ്യോഗാര്‍ഥികള്‍ ബയോഡാറ്റ സപ്തംബര്‍ ആറിന് അഞ്ചിനു മുമ്പായി കാക്കനാട് ജില്ലാ കളക്ടറേറ്റിന്റെ താഴത്തെ നിലയിലുളള എറണാകുളം സംരക്ഷണ ഓഫീസറുടെ കാര്യാലയത്തില്‍ ലഭ്യമാക്കേണ്ടതാണ്. കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍ രാവിലെ 10 മുതല്‍ അഞ്ചുവരെയുളള സമയം 8281999057 ഫോണ്‍ നമ്പറില്‍ ബന്ധപ്പെടാം.
- Log in to post comments