കണ്ടെയ്ന്മെന്റ് സോണുകള് പ്രഖ്യാപിച്ചു
കോവിഡ് വ്യാപനം ഉയര്ന്നതിനെത്തുടര്ന്നു വക്കം പഞ്ചായത്തിലെ നാല്, 10 വാര്ഡുകള് കണ്ടെയ്ന്മെന്റ് സോണായി പ്രഖ്യാപിച്ചു. ഇവിടങ്ങളില് കര്ശന ലോക്ക്ഡൗണ് നിയന്ത്രണങ്ങള് ഏര്പ്പെടുത്തിയതായി ജില്ലാ കളക്ടറുടെ ചുമതലയുള്ള എ.ഡി.എം. ഇ. മുഹമ്മദ് സഫീര് പറഞ്ഞു.
ഭക്ഷ്യവസ്തുക്കള്, പലചരക്ക്, പഴങ്ങള്, പച്ചക്കറികള്, പാല് ഉത്പന്നങ്ങള്, മാസം, മത്സ്യം, മൃഗങ്ങള്ക്കുള്ള ഭക്ഷ്യസാധനങ്ങള്, കാലിത്തീറ്റ, കോഴിത്തീറ്റ തുടങ്ങിയ വില്ക്കുന്ന കടകള്, ബേക്കറികള് എന്നിവയ്ക്കു മാത്രമേ ഈ പ്രദേശങ്ങളില് പ്രവര്ത്തനാനുമതിയുണ്ടാകൂ. രാവിലെ ഏഴു മുതല് വൈകിട്ട് ഏഴുവരെ ഇവ തുറക്കാം. റേഷന് കടകള്, മാവേലി സ്റ്റോറുകള്, സപ്ലൈകോ ഷോപ്പുകള്, മില്മ ബൂത്തുകള് തുടങ്ങിയവ ദിവസവും വൈകിട്ട് അഞ്ചു വരെ തുറക്കാം. റസ്റ്ററന്റുകളും ഹോട്ടലുകളും രാവിലെ ഏഴു മുതല് വൈകിട്ട് 7.30 വരെ ഹോം ഡെലിവറിക്കു മാത്രമായി തുറക്കാം. ഡൈന്-ഇന്, ടേക്ക് എവേ, പാഴ്സല് തുടങ്ങിയവ അനുവദിക്കില്ല.
പൊതുജനങ്ങള് പരമാവധി വീടിനടുത്തുള്ള കടകളില്നിന്നു സാധനങ്ങള് വാങ്ങണം. മേല്പ്പറഞ്ഞ വിഭാഗത്തില്പ്പെടുന്നതല്ലാത്ത എല്ലാ കടകളും അടച്ചിടും. ചന്തകള് പ്രവര്ത്തിക്കാന് അനുവദിക്കില്ല. ഇ-കൊമേഴ്സ് സ്ഥാപനങ്ങള് ഡെലിവറിക്കായി രാവിലെ ഏഴു മുതല് ഉച്ചയ്ക്കു രണ്ടു വരെ പ്രവര്ത്തിക്കാം. കണ്ടെയ്ന്മെന്റ് സോണ് ശക്തമായ പൊലീസ് നിയന്ത്രണത്തിലായിരിക്കും.
- Log in to post comments