കോട്ടയം ജനറല്‍ ആശുപത്രിയ്ക്ക് 2 ബഗ്ഗി കാര്‍: സമര്‍പ്പണം ഇന്ന്
കോട്ടയം ജനറല്‍ ആശുപത്രിയ്ക്ക് മാര്‍ കുര്യാക്കോസ് കുന്നശ്ശേരിലിന്റെ സ്മരാണര്‍ത്ഥം കോട്ടയം അതിരൂപത രണ്ട് ബഗ്ഗി കാറുകള്‍ ഇന്ന് (ജൂണ്‍ 13) സമര്‍പ്പിക്കും. രോഗികളെ വഹിക്കുന്നതിനും മരുന്നും മറ്റും സാധനസാമഗ്രികളും ആശുപത്രിയുടെ വിവിധ വിഭാഗങ്ങളില്‍ എത്തിക്കുന്നതിനുളള കാറുകളുടെ ഉദ്ഘാടനം ഇന്ന് രാവിലെ 10ന് തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വ്വഹിക്കും. ആശുപത്രി അങ്കണത്തില്‍ നടക്കുന്ന ചടങ്ങില്‍ നഗരസഭാ അദ്ധ്യക്ഷ ഡോ. പി.ആര്‍ സോന അദ്ധ്യക്ഷത വഹിക്കും. കോട്ടയം അതിരൂപത മെത്രപ്പോലീത്ത മാര്‍ മാത്യു മൂലക്കാട്ട് കാറുകള്‍ സമര്‍പ്പിക്കും. മുന്‍ എം.എല്‍.എ തോമസ് ചാഴിക്കാടന്‍, ജില്ലാ മെഡിക്കല്‍ ഓഫീസര്‍ ഡോ. ജേക്കബ് വര്‍ഗ്ഗീസ്, ആരോഗ്യ കേരളം ജില്ലാ പ്രോഗ്രാം ഓഫീസര്‍ ഡോ. വ്യാസ് സുകുമാരന്‍ എന്നിവര്‍ സംസാരിക്കും. ആശുപത്രി സൂപ്രണ്ട് ഡോ. ആര്‍ ബിന്ദു കുമാരി സ്വാഗതവും ഡെപ്യൂട്ടി സൂപ്രണ്ട് ഡോ. ജെസ്സി ജോയി സെബാസ്റ്റ്യന്‍ നന്ദിയും പറയും.
(കെ.ഐ.ഒ.പി.ആര്‍-1194/18)
- Log in to post comments