ശക്തമായ കാറ്റിനും മോശം കാലാവസ്ഥയ്ക്കും സാധ്യത; മത്സ്യത്തൊഴിലാളികള് കടലില് പോകാന് പാടില്ല
***കേരള- ലക്ഷദ്വീപ് തീരങ്ങളില് ഒക്ടോബര് 15 വരെ മത്സ്യബന്ധനം പാടില്ല
ഇന്നു (ഒക്ടോബര് 13) മുതല് ഒക്ടോബര് 15 വരെ കേരള- ലക്ഷദ്വീപ് തീരങ്ങളിലും തെക്ക് കിഴക്കന് അറബിക്കടലിലും മണിക്കൂറില് 40 മുതല് 50 കിലോമീറ്റര് വരെ വേഗതയില് വീശിയടിച്ചേക്കാവുന്ന കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഈ സാഹചര്യം മുന്നിര്ത്തി കേരള- ലക്ഷദ്വീപ് തീരങ്ങളില് ഒക്ടോബര് 15 വരെ മത്സ്യബന്ധനം പാടില്ലെന്ന് ജില്ലാ കളക്ടര് അറിയിച്ചു.
ഒക്ടോബര് 14 മുതല് ഒക്ടോബര് 16 വരെ തെക്ക് -പടിഞ്ഞാറന് ബംഗാള് ഉള്ക്കടല്, ഗള്ഫ് ഓഫ് മാന്നാര്, കന്യാകുമാരി തീരങ്ങള് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെ വേഗതയില് വീശിയടിച്ചേക്കാവുന്ന കാറ്റിന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
ഈ ദിവസങ്ങളില് മേല്പ്പറഞ്ഞ പ്രദേശങ്ങളില് മത്സ്യബന്ധനം പാടില്ലെന്ന് ജില്ലാ കളക്ടര് അറിയിച്ചു.
- Log in to post comments