സ്‌കോള്‍ കേരള ഏഴാം ബാച്ച് ഡി.സി.എ കോഴ്‌സ് പ്രവേശനം

കൊച്ചി: പൊതുവിദ്യാഭ്യാസ വകുപ്പിനു കീഴില്‍ പ്രവര്‍ത്തിക്കുന്ന സ്‌കോള്‍ കേരള മുഖാന്തിരം തിരഞ്ഞെടുക്കപ്പെട്ട സര്‍ക്കാര്‍ / എയ്ഡഡ് ഹയര്‍ സെക്കന്ററി, വൊക്കേഷണല്‍ ഹയര്‍ സെക്കന്ററി സ്‌കൂളുകളില്‍ സംഘടിപ്പിക്കുന്ന ഡി.സി.എ കോഴ്‌സ് ഏഴാം ബാച്ച്  പ്രവേശനം തുടരുന്നു. എസ്.എസ് .എല്‍ .സി അല്ലെങ്കില്‍ സര്‍ക്കാര്‍ അംഗീകൃത തത്തുല്യ യോഗ്യതയുള്ള ആര്‍ക്കും പ്രായപരിധിയില്ലാതെ അപേക്ഷിക്കാവുന്നതാണ്. റെഗുലര്‍ ഹയര്‍ സെക്കന്ററി പഠനത്തോടൊപ്പം സമാന്തരമായി പഠനം നടത്താവുന്ന വിധത്തിലാണ് ഈ കോഴ്‌സ് വിഭാവനം  ചെയ്തിട്ടുള്ളത് .പി.എസ്.സി മുഖേനയുള്ള സര്‍ക്കാര്‍ ജോലിക്ക് യോഗ്യതയായി സര്‍ക്കാര്‍ അംഗീകാരം ലഭിച്ചിട്ടുള്ള ഈ കോഴ്‌സിന്റെ കാലാവധി ആറുമാസം ആണ് .www.scolekerala.org എന്ന വെബ്‌സൈറ്റ് മുഖേന ഓണ്‍ലൈനായി പിഴ കൂടാതെ നവംബര്‍ 10 വരെയും 60 രൂപ പിഴയൊടുകൂടി നവംബര്‍ 17 വരെയും ഫീസ് അടച്ച് രജിസ്റ്റര്‍ ചെയ്യാം. ഓണ്‍ലൈന്‍ രജിസ്‌ട്രേഷനു ശേഷം രണ്ട് ദിവസത്തിനകം നിര്‍ദ്ദിഷ്ട രേഖകള്‍ സഹിതമുള്ള അപേക്ഷകള്‍ എക്‌സിക്യൂട്ടീവ് ഡയറക്ടര്‍, സ്‌കോള്‍  കേരള,  വിദ്യാഭവന്‍, പൂജപ്പുര പി.ഒ, തിരുവനന്തപുരം  വിലാസത്തില്‍ സ്പീഡ് /രജിസ്‌ട്രേഡ് തപാല്‍ മാര്‍ഗ്ഗം എത്തിക്കേണ്ടതാണ്. കൂടുതല്‍ വിവരങ്ങള്‍ക്ക് എറണാകുളം ജില്ലാ ഓഫീസിലെ 0484 2377537, 9496094157   എന്നീ  നമ്പറുകളില്‍  ബന്ധപ്പെടാവുന്നതാണ്.