അനുശോചിച്ചു

പ്രശസ്ത കവിയും ഗാനരചയിതാവുമായ ബിച്ചു തിരുമലയുടെ നിര്യാണത്തിൽ ഗതാഗത മന്ത്രി ആന്റണി രാജു അനുശോചിച്ചു. അദ്ദേഹത്തിന്റെ വസതിയിലെത്തി മന്ത്രി ആദരാഞ്ജലികളർപ്പിച്ചു. മലയാള സിനിമാരംഗത്തിന് ഭാവഗാനങ്ങൾ സമ്മാനിച്ച അതുല്യ പ്രതിഭയായിരുന്നു അദ്ദേഹം. ശ്രോതാക്കളുടെ ഓർമ്മയിൽ എന്നും ഒരു മൂളിപ്പാട്ടായി  കടന്നു വരുന്ന നിരവധി ഗാനങ്ങൾ സമ്മാനിച്ച അദ്ദേഹത്തെ മലയാള സിനിമ എന്നും ആദരവോടെ സ്മരിക്കുമെന്ന് മന്ത്രി അനുശോചന സന്ദേശത്തിൽ അറിയിച്ചു.
പി.എൻ.എക്സ്. 4700/2021