കോവിഡ് 19: ജില്ലയില്‍ 260 പേര്‍ക്ക് വൈറസ് ബാധ ടെസ്റ്റ് പോസിറ്റിവിറ്റി നിരക്ക് 6.14 ശതമാനം

ജില്ലയില്‍ ശനിയാഴ്ച (ജനുവരി എട്ട്) 260 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 6.14 ശതമാനമാണ് ടെസ്റ്റ് പോസിറ്റീവിറ്റി നിരക്ക്. ആകെ 4,235 സാമ്പിളുകള്‍ പരിശോധിച്ചതില്‍ 254 പേര്‍ക്ക് നേരിട്ടുള്ള സമ്പര്‍ക്കത്തിലൂടെയാണ് രോഗം ബാധിച്ചത്. ഇതില്‍ ഉറവിടം അറിയാത്ത അഞ്ച് കേസുകളും ജില്ലയ്ക്ക് പുറത്ത് നിന്നെത്തിയ ഒരാളും ഉള്‍പ്പെടും. ജില്ലാതല കണ്‍ട്രോള്‍ സെല്‍ നമ്പറുകള്‍: 0483 2737858, 2737857, 2733251, 2733252, 2733253.