സംരംഭ വികസന ബോധവൽക്കരണ ക്ലാസ് സംഘടിപ്പിച്ചു

കോട്ടയം: കോട്ടയം ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ ചങ്ങനാശ്ശേരി താലൂക്ക്, പാമ്പാടി ബ്ലോക്ക്, പള്ളം ബ്ലോക്ക് എന്നിവടങ്ങളിലെ തദ്ദേശസ്വയംഭരണ സ്ഥാപനങ്ങളിലെ അധ്യക്ഷർക്കും ജീവനക്കാർക്കുമായി കെ- സ്വിഫ്റ്റ്, സംരംഭ വികസനം എന്നീ വിഷയങ്ങളിൽ ബോധവൽക്കരണ ക്ലാസ് സംഘടിപ്പിച്ചു.
കറുകച്ചാൽ ഗ്രാമപഞ്ചായത്ത് ഹാളിൽ നടന്ന പരിപാടി ജോബ് മൈക്കിൾ എം.എൽ.എ. ഉദ്ഘാടനം ചെയ്തു. ജില്ലാ വ്യവസായ കേന്ദ്രം ജനറൽ മാനേജർ എം.വി. ലൗലി , മാനേജർ ആർ. അർജ്ജുനൻ പിള്ള, വാഴൂർ ബ്ലോക്ക് ഇന്റസ്ട്രീസ് എക്‌സറ്റൻഷൻ ഓഫീസർ കെ.കെ. ഫൈസൽ എന്നിവർ സംസാരിച്ചു. കെ.എസ്.ഐ.ഡി.സി. അസിസ്റ്റന്റ് ജനറൽ മാനേജർ വർഗീസ് മാലക്കാരൻ, കില ഫാക്കൾട്ടി സി. ഡമാസ്റ്റർ എന്നിവർ ക്ലാസെടുത്തു. കോവിഡ് മാനദണ്ഡങ്ങൾ പാലിച്ചാണ് പരിപാടി സംഘടിപ്പിച്ചത്.