കളിമണ്‍ ഉല്‍പ്പന്ന നിര്‍മാണ തൊഴിലാളികള്‍ക്ക് വായ്പ

കേരള സംസ്ഥാന കളിമണ്‍പാത്ര നിര്‍മാണ വിപണന ക്ഷേമ വികസന കോര്‍പറേഷന്‍ കളിമണ്‍ ഉല്‍പ്പന്ന നിര്‍മാണം കുലത്തൊഴിലായി സ്വീകരിച്ചിട്ടുള്ള സമുദായത്തില്‍ ഉള്‍പ്പെട്ട വ്യക്തികള്‍ക്ക് നിലവിലെ സംരംഭങ്ങളുടെ ആധുനികവല്‍കരണത്തിനും നൂതന സംരംഭങ്ങള്‍ ആരംഭിക്കുന്നതിനും വായ്പ നല്‍കുന്നു. വായ്പാ തുക പരമാവധി 2 ലക്ഷം രൂപയും പലിശ നിരക്ക്  ആറ് ശതമാനവും തിരിച്ചടവ് കാലാവധി 60 മാസവും ആയിരിക്കും. ജാമ്യവ്യവസ്ഥകള്‍ ബാധകം.
അപേക്ഷകര്‍ പരമ്പരാഗത കളിമണ്‍ ഉല്‍പ്പന്ന നിര്‍മാണ മേഖലയില്‍ തൊഴില്‍ ചെയ്യുന്നവരോ അവരുടെ ആശ്രിതരോ ആയിരിക്കണം. പ്രായപരിധി 18-55. കുടുംബ വാര്‍ഷിക വരുമാനം മൂന്ന് ലക്ഷം രൂപയില്‍ കൂടുതലാവരുത്. പദ്ധതി നിബന്ധനകള്‍ , അപേക്ഷ ഫോറം അപേക്ഷയോടൊപ്പം ഹാജരാക്കേണ്ട രേഖകള്‍ എന്നിവ കോര്‍പറേഷന്റെ വെബ്‌സൈറ്റില്‍. (www.keralapottery.org) വായ്പാ അപേക്ഷ ഡൗണ്‍ലോഡ് ചെയ്ത് രേഖകള്‍ സഹിതം ഫെബ്രുവരി 10ന് വൈകീട്ട് അഞ്ചിനകം മാനേജിംഗ് ഡയറക്ടര് കേരള സംസ്ഥാന കളിമണ്‍പാത്ര നിര്‍മാണ വിപണന ക്ഷേമ വികസന കോര്‍പറേഷന്‍ , അയ്യങ്കാളി ഭവന്‍ , രണ്ടാം നില , കനക നഗര്‍ , കവടിയാര്‍ പി .ഒ, തിരുവനന്തപുരം 695003 എന്ന വിലാസത്തില്‍ തപാല്‍ / നേരിട്ട് അയക്കുക.
 ഫോണ്‍ 0471 2727010, 9497690651,99460651