ശക്തമായ കാറ്റിനും മോശം കാലാവസ്ഥയ്ക്കും സാധ്യത; മത്സ്യത്തൊഴിലാളികള് ജാഗ്രത പാലിക്കണം
*കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല
**ബംഗാള് ഉള്ക്കടലില് മത്സ്യബന്ധനത്തില് ഏര്പ്പെട്ടിരിക്കുന്നവര് എത്രയും വേഗം സുരക്ഷിത തീരങ്ങളില് എത്തണം
ഇന്ന്(മെയ് 07)ആന്ഡമാന് കടലിലും അതിനോട് ചേര്ന്നുള്ള തെക്ക്-കിഴക്ക്, മധ്യ - കിഴക്ക് ബംഗാള് ഉള്ക്കടലിലും മണിക്കൂറില് 45 മുതല് 55 കിലോമീറ്റര് വേഗത്തിലും ചില അവസരങ്ങളില് 65 കിലോമീറ്റര് വേഗത്തിലും നാളെ ബംഗാള് ഉള്ക്കടലിന്റെ തെക്ക്- കിഴക്കന് ഭാഗങ്ങളിലും അതിനോട് ചേര്ന്ന മധ്യ - കിഴക്കന് ബംഗാള് ഉള്ക്കടലിലും മണിക്കൂറില് 55 മുതല് 65 കിലോമീറ്റര് വേഗത്തിലും ചില അവസരങ്ങളില് 75 കിലോമീറ്റര് വേഗത്തിലും ആന്ഡമാന് കടലില് മണിക്കൂറില് 40 മുതല് 50 കിലോമീറ്റര് വേഗത്തിലും ചില അവസരങ്ങളില് 60 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഈ സാഹചര്യത്തില് ഈ ദിവസങ്ങളില് മുന്നറിയിപ്പുള്ള പ്രദേശങ്ങളില് മത്സ്യബന്ധനം പാടില്ലെന്നും ബംഗാള് ഉള്ക്കടലില് നിലവില് മത്സ്യബന്ധനത്തില് ഏര്പ്പെട്ടിട്ടുള്ളവര് എത്രയും വേഗം സുരക്ഷിത തീരങ്ങളില് എത്തണമെന്നും ജില്ലാ കളക്ടര് ഡോ.നവ്ജ്യോത് ഖോസ അറിയിച്ചു. അതേസമയം, കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും അറിയിപ്പില് പറയുന്നു.
മെയ് ഒമ്പതിന് മധ്യ ബംഗാള് ഉള്ക്കടലില് മണിക്കൂറില് 65 മുതല് 75 കിലോമീറ്റര് വേഗത്തിലും ചില അവസരങ്ങളില് 85 കിലോമീറ്റര് വേഗത്തിലും തെക്ക്- കിഴക്കന് ബംഗാള് ഉള്ക്കടലില് 40 മുതല് 50 കിലോമീറ്റര് വേഗത്തിലും ചില അവസരങ്ങളില് 60 കിലോമീറ്റര് വേഗത്തിലും മെയ് 10 ന് മധ്യ-പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള വടക്ക് -പടിഞ്ഞാറന്, മധ്യ കിഴക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 80 മുതല് 90 കിലോമീറ്റര് വേഗത്തിലും ചില അവസരങ്ങളില് 100 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. കൂടാതെ തെക്ക് കിഴക്കന് ബംഗാള് ഉള്ക്കടല് വടക്കന് ആന്ധ്രാപ്രദേശ് തീരങ്ങള് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗത്തിലും ചില അവസരങ്ങളില് 60 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മെയ് 11 ന് വടക്ക് -പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള മധ്യ-പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 80 മുതല് 90 കിലോമീറ്റര് വേഗത്തിലും ചില അവസരങ്ങളില് 100 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും ഒഡിഷ തീരം, അതിനോട് ചേര്ന്നുള്ള വടക്കന് ആന്ധ്രാപ്രദേശ് തീരങ്ങള് എന്നിവിടങ്ങളില് മണിക്കൂറില് 55 മുതല് 65 കിലോമീറ്റര് വേഗത്തിലും ചില അവസരങ്ങളില് 75 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയയെന്നും അറിയിപ്പുണ്ട്. ഈ ദിവസങ്ങളില് മുന്നറിയിപ്പുള്ള പ്രദേശങ്ങളില് മത്സ്യബന്ധനം പാടില്ലെന്ന് ജില്ലാ കളക്ടര് അറിയിച്ചു.
- Log in to post comments