പി.ജി.ഡിപ്ലോമ പ്രവേശനം
കേരള മീഡിയ അക്കാദമിയുടെ ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന പിജി ഡിപ്ലോമ കോഴ്സ് പ്രവേശനത്തിന് ആഗസ്റ്റ് 10 വരെ അപേക്ഷിക്കാം. ജേര്ണലിസം ആന്ഡ് കമ്മ്യൂണിക്കേഷന്, ടെലിവിഷന് ജേര്ണലിസം, പബ്ലിക് റിലേഷന്സ് & അഡ്വര്ടൈസിങ്ങ് എന്നീ കോഴ്സുകളിലേക്കാണ് പ്രവേശനം. ഏതെങ്കിലും വിഷയത്തില് ബിരുദമാണ് അടിസ്ഥാന യോഗ്യത. അവസാനവര്ഷ ബിരുദ പരീക്ഷയെഴുതി ഫലം കാത്തിരിക്കുന്നവര്ക്കും അപേക്ഷിക്കാം. 2022 മെയ് 31 ന് 28 വയസ്സ് കവിയരുത്. പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് നിയമാനുസൃത വയസ്സ് ഇളവുണ്ടായിരിക്കും. ഈ വിഭാഗക്കാര്ക്ക് ഫീസിളവും ഉണ്ടാകും. അഭിരുചി പരീക്ഷയുടേയും ഇന്റര്വ്യൂവിന്റേയും അടിസ്ഥാനത്തിലായിരിക്കും പ്രവേശനം. പ്രവേശന പരീക്ഷ ഓണ്ലൈനായാണ് നടത്തുക. ഇന്റേണ്ഷിപ്പും , പ്രാക്ടിക്കലും ഉള്പ്പെടെ ഒരുവര്ഷമാണ് കോഴ്സിന്റെ ദൈര്ഘ്യം. അപേക്ഷാഫീസ് 300 രൂപ (പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് 150 രൂപ) ഇ-ട്രാന്സ്ഫര് / ജി- പെ/ ബാങ്ക് മുഖേന അടച്ച രേഖ അപേക്ഷയോടൊപ്പം അപ്ലോഡ് ചെയ്യണം.കൂടുതല് വിവരങ്ങള് kmaadmission2022@gmail.com ലും 0484 2422275 ഫോണ് നമ്പറിലും ബന്ധപ്പെടുക.
- Log in to post comments