ഫ്രീഡം റൈഡർ ബൈക്ക് റാലി ബുധനാഴ്ച (നവംബർ 9) കൊച്ചിയിൽ

കേന്ദ്ര യുവജനകാര്യ, കായിക മന്ത്രാലയത്തിന്റെ ആഭിമുഖ്യത്തിൽ ആസാദി കാ അമ്യത് മഹോത്സവത്തിന്റെ ഭാഗമായി സംഘടിപ്പിക്കുന്ന ഫ്രീഡം റൈഡർ ബൈക്ക് റാലി നവംബർ 9 ബുധനാഴ്ച കൊച്ചിയിലെത്തും. ന്യൂ ഡൽഹിയിലെ ഇന്ത്യാ ഗേറ്റിൽ നിന്നാരംഭിച്ച റാലി രാജ്യത്തെ ചരിത്ര പ്രാധാന്യമുള്ള സ്ഥലങ്ങളിലൂടെ സഞ്ചരിച്ചാണ് കൊച്ചിയിലെത്തുന്നത്. ബുധനാഴ്ച വൈകിട്ട് 4 ന് കൊച്ചി മറൈൻ ഡ്രൈവിലെത്തുന്ന ബൈക്ക് റാലി പിറ്റേ ദിവസം നവംബർ 10 ന് രാവിലെ 8 മണിക്ക് കൊച്ചി മറൈൻ ഡ്രൈവിൽ നിന്നു തന്നെ കോയമ്പത്തൂരിലേക്ക് യാത്ര തിരിക്കും. 75 റൈഡർമാരാണ് സംഘത്തിലുള്ളത്.

സെപ്റ്റംബർ 9 ന് ഡൽഹിയിൽ നിന്നാരംഭിച്ച യാത്ര ചണ്ഡിഗഡ്, ജമ്മു, കശ്മീർ, കാർഗിൽ,ലേ, ഷിംല, ലക്നൗ, വാരണാസി, ഇറ്റാനഗർ, കോഹിമ, സിൽച്ചാർ, കൊൽക്കത്ത, ഭുവനേശ്വര്, ഹൈദരാബാദ്, ചെന്നൈ, പുതുച്ചേരി, രാമേശ്വരംവഴിയാണ് കന്യാകുമാരി എത്തിയത്. ഇതുവരെ 20 സംസ്ഥാനങ്ങളും നാല് കേന്ദ്ര ഭരണ പ്രദേശങ്ങളും സംഘം പിന്നിട്ടു.