പി.എസ്.സി സ്‌ക്രീനിങ് ടെസ്റ്റ് 17 ന്

ജില്ലാ ഭരണകൂടം, ഐ.ടി.ഡി.പി, കില, എഷ്യാനെറ്റ് ടെലികമ്മ്യൂണിക്കേഷന്‍ എന്നിവരുടെ ആഭിമുഖ്യത്തില്‍ അട്ടപ്പാടി കോ-ഓപ്പറേറ്റീവ് ഫാമിങ് സൊസൈറ്റി മുഖേന കിലയില്‍ നടപ്പാക്കുന്ന വിജയദര്‍ശന്‍ പി.എസ്.സി പരിശീലന പരിപാടിയിലേക്ക് പരിശീലനാര്‍ത്ഥികളെ തെരഞ്ഞെടുക്കുന്നതിന് ജനുവരി 17 ന് രാവിലെ 10 ന് അഗളി കില ക്യാമ്പസില്‍ സ്‌ക്രീനിങ് ടെസ്റ്റ് നടക്കും. അഗളി, പുതൂര്‍, ഷോളയൂര്‍ ഗ്രാമപഞ്ചായത്തിലുളള പട്ടികവര്‍ഗ യുവതീ-യുവാക്കള്‍ക്ക് നേരിട്ട് പങ്കെടുക്കാം. ജനുവരി മൂന്നിന് നടന്ന സ്‌ക്രീനിങ് ടെസ്റ്റില്‍ പങ്കെടുത്തവര്‍ പങ്കെടുക്കേണ്ടതില്ലെന്ന് അട്ടപ്പാടി കോ-ഓപ്പറേറ്റീവ് ഫാമിങ് സൊസൈറ്റി മാനേജര്‍ അറിയിച്ചു. ഫോണ്‍: 9061540541, 8075128364.