ഖാദി സൗഭാഗ്യ ഷോറൂം പ്രവര്‍ത്തനമാരംഭിച്ചു
കേരള ഖാദി ഗ്രാമ വ്യവസായ ബോര്‍ഡിന്റെ ഏജന്‍സി ഭവന്‍ കാക്കനാട് സുരഭി നഗറില്‍ പ്രവര്‍ത്തനമാരംഭിച്ചു. ഷോറൂമിന്റെ ഉദ്ഘാടനം ജില്ലാ കളക്ടര്‍ ഡോ. രേണു രാജ് നിര്‍വഹിച്ചു. ഖാദി ഉത്പന്നങ്ങളെ എല്ലാവരും പ്രോത്സാഹിപ്പിക്കണമെന്ന് ജില്ലാ കളക്ടര്‍ പറഞ്ഞു. ആദ്യ വില്‍പ്പന തൃക്കാക്കര നഗരസഭ വൈസ് ചെയര്‍മാന്‍ ഇബ്രാഹിം കുട്ടിക്ക് നല്‍കി ജില്ലാ പഞ്ചായത്ത് വൈസ് പ്രസിഡന്റ് സനിത റഹിം നിര്‍വഹിച്ചു.
ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ്, തൃക്കാക്കര നഗരസഭ ചെയര്‍പേഴ്‌സണ്‍ അജിത തങ്കപ്പന്‍, കൗണ്‍സിലര്‍മാരായ ഉണ്ണി കാക്കനാട്, വി.ഡി. സുരേഷ്, സി.സി. വിജു, ഖാദി ബോര്‍ഡ് സെക്രട്ടറി ഡോ. കെ.എ. രതീഷ്, പ്രൊജക്ട് ഓഫീസര്‍ പി.എ. അഷിത, ഖാദി സൗഭാഗ്യ മാനേജര്‍ രേഖ വിനീസ്, ഖാദി ബോര്‍ഡ് അംഗം കെ. ചന്ദ്രശേഖരന്‍, ഖാദി തൊഴിലാളി ക്ഷേമനിധി ബോര്‍ഡ് ചെയര്‍പേഴ്‌സണ്‍ സോണി കോമത്ത് തുടങ്ങിയവര്‍ പങ്കെടുത്തു.
- Log in to post comments