ബിസിനസ് ഇന്ഷ്യേഷന് പ്രോഗ്രാം
പുതിയ സംരംഭം തുടങ്ങാന് ആഗ്രഹിക്കുന്ന സംരംഭകര്ക്കായി വ്യവസായ വാണിജ്യ വകുപ്പിന്റെ സംരംഭകത്വ വികസന ഇന്സ്റ്റിറ്റ്യൂട്ടായ കേരള ഇന്സ്റ്റിട്യൂട്ട് ഫോര് എന്റര്പ്രണര്ഷിപ്പ് ഡവലപ്മെന്റ് (കീഡ്), 10 ദിവസത്തെ ബിസിനസ് എസ്റ്റാബ്ലിഷ്മെന്റ് പ്രോഗ്രാം സംഘടിപ്പിക്കുന്നു. മാര്ച്ച് 15 മുതല് 25 വരെ കളമശേരിയിലുള്ള കീഡ് ക്യാമ്പസിലാണ് പരിശീലനം. പുതിയ സംരംഭകര് നിര്ബന്ധമായും അറിഞ്ഞിരിക്കേണ്ട ബിസിനസിന്റെ നിയമ വശങ്ങള്, ഐഡിയ ജനറേഷന്, പ്രൊജക്ട് റിപ്പോര്ട്ട് തയാറാക്കുന്ന വിധം, സെയില്സ് ആന്റ് മാര്ക്കറ്റിംഗ്, ബാങ്കില് നിന്ന് ലഭിക്കുന്ന സാമ്പത്തിക സഹായങ്ങ ള്, ജിഎസ്ടി സംരംഭം തുടങ്ങാനാവശ്യമായ ലൈസന്സുകള്, വിജയിച്ച സംരംഭകന്റെ അനുഭവം പങ്കിടല്, ഇന്ഡസ്ട്രിയല് വിസിറ്റ്, തുടങ്ങിയ നിരവധി സെഷനുകള് ഉള്പ്പെടുത്തിയിരിക്കുന്നു. 5900 രൂപയാണ് 10 ദിവസത്തെ പരിശീലനത്തിന്റെ ഫീസ് (കോഴ്സ് ഫീ , സെര്ട്ടിഫിക്കേഷന്, ഭക്ഷണം, താമസം, ജി.എസ്.ടി ഉള്പ്പടെ). താല്പര്യമുള്ളവര് കീഡിന്റെ വെബ്സൈറ്റ് ആയ www.kied.info ല് ഓണ്ലൈനായി മാര്ച്ച് 10ന് മുന്പ് അപേക്ഷ സമര്പ്പിക്കണം. തിരഞ്ഞെടുക്കപ്പെടുന്ന 35 പേര് ഫീസ് അടച്ചാല് മതി. ഫോണ് : 0484 2532890/ 2550322/7012376994.
- Log in to post comments