സംസ്ഥാന പിന്നാക്ക വിഭാഗം കമ്മീഷൻ സിറ്റിംഗ്

സംസ്ഥാന പിന്നാക്ക വിഭാഗം കമ്മീഷൻ തിരുവനന്തപുരം വെള്ളയമ്പലം അയ്യൻകാളി ഭവനിലെ കമ്മീഷന്റെ കോർട്ട് ഹാളിൽ 22ന് രാവിലെ 11ന് സിറ്റിംഗ് നടത്തും. സംസ്ഥാന ഒ.ബി.സി. പട്ടികയിൽ ഇനം 32-പരിഷ്‌കരിക്കുന്നത്, കന്നടിയാൻ സമുദായത്തിനു ഒ.ബി.സി, ക്രീമിലെയർ സർട്ടിഫിക്കറ്റുകൾ ലഭ്യമാകുന്നില്ലെന്ന പരാതി, എസ്.ഐ.യു.സി വിഭാഗത്തെ ഒ.ബി.സിയിൽ നിന്നും ഒഴിവാക്കുന്നത് സംബന്ധിച്ച നിവേദനം എന്നിവ പരിഗണിക്കും. കമ്മീഷൻ ചെയർമാൻ ജസ്റ്റിസ്. ജി. ശശിധരൻ, അംഗങ്ങളായ ഡോ. എ.വി. ജോർജ്ജ്, സുബൈദാ ഇസ്ഹാക്ക്, കമ്മീഷൻ മെമ്പർ സെക്രട്ടറി എന്നിവർ പങ്കെടുക്കും.

പി.എൻ.എക്സ്. 1331/2023