സഹകരണ എക്സ്പോ 2023 : മാധ്യമ അവാർഡുകൾ വിതരണം ചെയ്തു

സഹകരണ എക്സ്പോ 2023 ൽ സമഗ്ര വാർത്ത കവറേജിനുള്ള മാധ്യമ പുരസ്കാരം വിഷ്വൽ മീഡിയ വിഭാഗത്തിൽ മനോരമ ന്യൂസ് കരസ്ഥമാക്കി. പ്രിൻ്റ് വിഭാഗത്തിൽ ദേശാഭിമാനി പത്രവും അർഹരായി. വിജയികൾക്കുള്ള പുരസ്കാരങ്ങൾ മറൈൻഡ്രൈവ് ഗ്രൗണ്ടിൽ  നടന്ന സഹകരണ എക്സ്പോ 2023 സമാപന സമ്മേളന വേദിയിൽ സഹകരണ രജിസ്ട്രേഷൻ വകുപ്പ് മന്ത്രി വി എൻ വാസവൻ നിർവഹിച്ചു.

സമഗ്ര വാർത്ത കവറേജിനുള്ള പ്രത്യേക പരാമർശത്തിന് ന്യൂസ് 18 ചാനൽ  പുരസ്കാരം കരസ്ഥമാക്കി. എക്സ്പോ സംബന്ധിച്ച മികച്ച വിഷ്വൽ സ്റ്റോറിക്കുള്ള പുരസ്കാരത്തിന് മാതൃഭൂമി ന്യൂസിലെ റിപ്പോർട്ടർ ശ്യാമപ്രസാദ് ഉത്തമൻ അർഹനായി. ഈ വിഭാഗത്തിൽ കൈരളി ന്യൂസ് റിപ്പോർട്ടർ പൗർണമി പ്രത്യേക പരാമർശത്തിനുള്ള പുരസ്കാരവും കരസ്ഥമാക്കി. 

പ്രിൻ്റ് വിഭാഗത്തിൽ മികച്ച വാർത്തയ്ക്കുള്ള പുരസ്കാരം ദീപിക പത്രത്തിലെ അനിൽ തോമസും, മികച്ച ക്യാമറാമാനുള്ള പ്രത്യേക പുരസ്കാരം കേരള വിഷൻ ന്യൂസിലെ അബു താഹിറും, മികച്ച ഫോട്ടോഗ്രാഫർമാരായി മെട്രോ വാർത്തയിലെ മനു ഷെല്ലിയും ടൈംസ് ഓഫ് ഇന്ത്യയിലെ ആർ കെ ശ്രീജിത്തും അർഹരായി.