മാലിന്യമുക്തം നവകേരളം; മോണിറ്ററിംഗ് സമിതി യോഗം ചേർന്നു 

മാലിന്യമുക്ത നവകേരളം പദ്ധതിയുടെ ഭാഗമായി കൊയിലാണ്ടി നിയോജക മണ്ഡലം മോണിറ്ററിംഗ് സമിതി യോഗം ചേർന്നു. നഗരസഭ ടൗൺഹാളിൽ ചേർന്ന യോഗം കാനത്തിൽ ജമീല എംഎൽഎ ഉദ്ഘാടനം ചെയ്തു. നഗരസഭ ചെയർപേഴ്സൺ സുധ കിഴക്കേപ്പാട്ട് അധ്യക്ഷത വഹിച്ചു.

നിയോജക മണ്ഡലത്തിലെ നഗരസഭകളിലും പഞ്ചായത്തുകളിലും മുഴുവൻ വീടുകളിലും സ്ഥാപനങ്ങളിലും 2024 മാർച്ച് 31 ന് മുമ്പ് ഉറവിടമാലിന്യ സംസ്കരണ സംവിധാനം ഏർപ്പെടുത്തുന്നതിനും വലിച്ചെറിയൽ മുക്ത നിയോജകമണ്ഡലം പ്രഖ്യാപിക്കുന്നതിനുള്ള നടപടികൾ സ്വീകരിക്കണമെന്ന് എം എൽ എ പറഞ്ഞു. 

യോഗത്തിൽ പയ്യോളി നഗരസഭ ചെയർപേഴ്സൺ സിപി ഫാത്തിമ, ചേമഞ്ചേരി ഗ്രാമപഞ്ചായത്ത് പ്രസിഡന്റ് സതി കിഴക്കയിൽ , തിക്കോടി ഗ്രാമപഞ്ചായത്ത് വൈസ് പ്രസിഡന്റ് രാമചന്ദ്രൻ കുയ്യണ്ടി, ചെങ്ങോട്ടുകാവ് ഗ്രാമപഞ്ചായത്ത് വൈസ് പ്രസിഡന്റ് പി വേണു, മൂടാടി ഗ്രാമപഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർമാൻ ടി.കെ ഭാസ്കരൻ, കൊയിലാണ്ടി നഗരസഭ ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ പ്രജില സി, നഗരസഭ സെക്രട്ടറി ഇന്ദു എസ് ശങ്കരി, നഗരസഭ ഹെൽത്ത് ഇൻസ്പെക്ടർ എ.പി സുരേഷ് ,ഇന്റേണൽ വിജിലൻസ് ഓഫീസർ സതീഷ് എന്നിവർ സംസാരിച്ചു.