മെഗാതിരുവാതിരയും അത്തപ്പൂക്കള മത്സരവും

ജില്ലാ ഭരണകൂടത്തിന്റെയും ഇലക്ടറൽ ലിറ്ററസി ക്ലബിന്റെയും സംയുക്താഭിമുഖ്യത്തിൽ വഴുതക്കാട് സർക്കാർ വനിതാ കോളേജിൽ മെഗാതിരുവാതിരയും അത്തപ്പൂക്കളമത്സരവും സംഘടിപ്പിച്ചു. 2024ലെ പൊതുതെരഞ്ഞെടുപ്പിന്റെ പശ്ചാത്തലത്തിൽ വോട്ടർ പട്ടികയിൽ യുവ വോട്ടർമാരുടെ പ്രാതിനിധ്യം വർധിപ്പിക്കുകയെന്ന ലക്ഷ്യത്തോടെ സ്‌കൂളുകളിലും കോളേജുകളിലും ഓണാഘോഷപരിപാടികൾ നടത്തി അവബോധം നൽകുന്നതിന്റെ ഭാഗമായിട്ടാണ് പരിപാടി സംഘടിപ്പിച്ചത്. മത്സരകേന്ദ്രങ്ങളിൽ ഹെൽപ് ഡെസ്‌കുകൾ സ്ഥാപിച്ച് വിദ്യാർത്ഥികളുടെ പേര് വോട്ടർ പട്ടികയിൽ ചേർക്കുന്നതിനുള്ള സൗകര്യവും ഒരുക്കിയിരുന്നു. ഇലക്ടറൽ ലിറ്ററസി ക്ലബ് പ്രവർത്തിക്കുന്ന സ്‌കൂളുകളിലും കോളേജുകളിലുമാണ് അത്തപ്പൂക്കള മത്സരം നടത്തിയത്.