ബിഎല്‍ഓമാര്‍ക്ക് അവാര്‍ഡ് നല്‍കി

ജില്ലയില്‍ ഏറ്റവും മികച്ച പ്രവര്‍ത്തനം നടത്തിയ ബൂത്ത് ലെവല്‍ ഓഫീസര്‍ (ബിഎല്‍ഓ) മാരെ  ജില്ലാ കളക്ടര്‍ ഡോ. ദിവ്യ എസ്. അയ്യര്‍ സര്‍ട്ടിഫിക്കറ്റും
കാഷ് അവാര്‍ഡും നല്‍കി ആദരിച്ചു. 2023-ലെ സമ്മറി റിവിഷനുമായി ബന്ധപ്പെട്ട് ഓരോ ജില്ലയിലും ഏറ്റവും കൂടുതല്‍ ഫോറം പ്രോസസ്സ് ചെയ്യുകയും, വോട്ടര്‍ പട്ടികയുമായി ആധാര്‍ കാര്‍ഡ് ബന്ധിപ്പിക്കുന്നതിന് ഏറ്റവും കൂടുതല്‍ ഫോറം 6ബി സമര്‍പ്പിക്കുകയും ചെയ്ത രണ്ട് ബിഎല്‍ഒമാര്‍ക്കാണ് കളക്ടര്‍ അവാര്‍ഡ് നല്‍കിയത്. ജില്ലയില്‍ നിന്ന് 112-റാന്നി ബൂത്ത് നമ്പര്‍ 14ലെ ബിഎല്‍ഒ പി ഓമനയമ്മ, 112-റാന്നി ബൂത്ത് നമ്പര്‍ 178ലെ ബിഎല്‍ഒ ശ്രീകുമാരി എന്നിവരാണ് യഥാക്രമം ഒന്നും രണ്ടും സ്ഥാനങ്ങള്‍ സ്വന്തമാക്കിയത്. ഒന്നാം സ്ഥാനം നേടുന്ന ബിഎല്‍ഓയ്ക്ക് 7500 രൂപയും രണ്ടാം സ്ഥാനനത്തെത്തുന്ന ബിഎല്‍ഓയ്ക്ക് 5000 രൂപയുമാണ് സമ്മാനത്തുകയായി ലഭിച്ചത്.
. ജില്ലാ കളക്ടറുടെ ചേംബറില്‍ സംഘടിപ്പിച്ച ചടങ്ങില്‍ എഡിഎം ബി. രാധാകൃഷ്ണന്‍, ഇലക്ഷന്‍ വിഭാഗം ഡെപ്യൂട്ടി കളക്ടര്‍ ആര്‍. രാജലക്ഷ്മി, വകുപ്പ് തല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.