മഴയ്ക്ക് സാധ്യത
കേരളത്തില് അടുത്ത അഞ്ച് ദിവസം ഇടി മിന്നലോടു കൂടിയ മിതമായതോ ഇടത്തരമോ ആയ മഴയ്ക്കും നവംബര് 30 നും ഡിസംബര് ഒന്നിനും ഒറ്റപ്പെട്ടയിടങ്ങളില് ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
തെക്കന് ശ്രീലങ്കയ്ക്കും സമീപപ്രദേശത്തുമായി ഒരു ചക്രവാത ചുഴി നിലനില്ക്കുന്നു. തെക്കു കിഴക്കന് അറബിക്കടല് മുതല് വടക്കന് മഹാരാഷ്ട്ര വരെ ഒരു ന്യൂനമര്ദ്ദ പാത്തി നവംബര് 29 മുതല് ഡിസംബര് 1 വരെ സ്ഥിതി ചെയ്യാന് സാധ്യത. ഇതിന്റെ സ്വാധീനത്താല് തെക്കു ആന്ഡമാന് കടലില് ന്യൂനമര്ദ്ദം രൂപപ്പെട്ട് ചുഴലിക്കാറ്റായി മാറാന് സാധ്യത .തെക്കന് ആന്ഡമാന് കടലിനു മുകളിലായി ന്യൂനമര്ദ്ദം സ്ഥിതി ചെയ്യുന്നു. ഇത് പടിഞ്ഞാറു - വടക്ക് പടിഞ്ഞാറു ദിശയില് സഞ്ചരിച്ചു നവംബര് 30 ഓടെ തെക്ക് കിഴക്കന് ബംഗാള് ഉള്ക്കടലില് തീവ്ര ന്യൂനമര്ദ്ദമായി ശക്തി പ്രാപിക്കാന് സാധ്യത. തുടര്ന്ന് വടക്കു പടിഞ്ഞാറു ദിശയില് സഞ്ചരിക്കുന്ന തീവ്ര ന്യൂനമര്ദ്ദം ശക്തിപ്രാപിച്ച് അടുത്ത 48 മണിക്കൂറിനുള്ളില് ചുഴലിക്കാറ്റായി മാറാന് സാധ്യതയുണ്ടെന്നും അറിയിപ്പില് പറയുന്നു.
- Log in to post comments