അപേക്ഷ ക്ഷണിച്ചു

 കര്‍ഷക തൊഴിലാളി ക്ഷേമനിധി പദ്ധതിയിലെ അംഗങ്ങളുടെ മക്കള്‍ക്ക്  2023 വര്‍ഷത്തെ ഉന്നതവിദ്യാഭ്യാസ ധനസഹായത്തിനുള്ള അപേക്ഷ ക്ഷണിച്ചു. കേരളത്തിലുള്ള യൂണിവേഴ്‌സിറ്റികളുടെ കീഴിലുള്ള സര്‍ക്കാര്‍/ എയ്ഡഡ് വിദ്യാഭ്യാസ സ്ഥാപനങ്ങളിലെ ഡിഗ്രി, പിജി, പ്രൊഫഷണല്‍ ഡിഗ്രി/ പ്രൊഫഷണല്‍ പിജി, ടി ടി സി, ഐ റ്റി ഐ, പോളിടെക്, ജനറല്‍ നഴ്‌സിങ്, ബിഎഡ്, മെഡിക്കല്‍ ഡിപ്ലോമ പരീക്ഷകളില്‍ ഉന്നത വിജയം നേടിയവരുടെ മാതാപിതാക്കള്‍ക്ക്  അപേക്ഷിക്കാം. ജനുവരി 31 നകം അപേക്ഷിക്കണം. മാര്‍ക്ക്  ലിസ്റ്റ്/ഒറിജിനല്‍ സര്‍ട്ടിഫിക്കറ്റ്, ക്ഷേമനിധി പാസ്സ് ബുക്ക്, ആധാര്‍കാര്‍ഡ്, ബാങ്ക് പാസ്സ്ബുക്ക്, ബന്ധം തെളിയിക്കുന്ന രേഖ, എന്നിവയുടെ പകര്‍പ്പ്, കര്‍ഷക തൊഴിലാളി ആണെന്ന് തെളിയിക്കുന്ന യൂണിയന്‍ സാക്ഷ്യപത്രം എന്നിവ അപേക്ഷയോടൊപ്പം നല്‍കണം. അപേക്ഷ ഫോം മാതൃക www.agriworkersfund.org ല്‍ ലഭിക്കും.

മാനന്തവാടി താലൂക്കിലെ എടവക വില്ലേജില്‍ റീസര്‍വ്വെ നം 508/1 ല്‍ മാനന്തവാടി താലൂക്ക് ലാന്‍ഡ് ബോര്‍ഡിന്റെ എസ്.എം.സി -3/98 പ്രകാരം ഏറ്റെടുത്ത 2.21 ഏക്കര്‍ മിച്ചഭൂമി ഭൂരഹിതരായ ആളുകള്‍ക്ക് പതിച്ചു നല്‍കുന്നതിനായി കേരള ഭൂപരിഷ്‌കരണ നിയമപ്രകാരം അപേക്ഷ ക്ഷണിച്ചു. യോഗ്യരായ അപേക്ഷകര്‍ നിശ്ചിത മാതൃകയില്‍ അപേക്ഷ ജനുവരി 9 നകം ജില്ലാ കളക്ടര്‍ക്ക് നല്‍കണം.