അംഗത്വം പുനഃസ്ഥാപിച്ചു നല്കുന്നു
കേരള കര്ഷക തൊഴിലാളി ക്ഷേമനിധി ബോര്ഡില് കുടിശ്ശികയുള്ളവര്ക്ക് അംഗത്വം പുനഃസ്ഥാപിച്ചു നല്കുന്നു.
അംശാദായം അടയ്ക്കുന്നതില് 24 മാസത്തില് കൂടുതല് കുടിശ്ശിക വരുത്തിയതിനാല് അംഗത്വം നഷ്ടപ്പെട്ട തൊഴിലാളികള്ക്ക് കാലപരിധിയില്ലാതെ അംശാദായ കുടിശ്ശിക പിഴ സഹിതം അടച്ച് അംഗത്വം ജനുവരി 31 വരെ പുനഃസ്ഥാപിക്കാം. കുടിശ്ശിക വരുത്തിയ ഓരോ വര്ഷത്തിനും 10 രൂപ നിരക്കില് പിഴ ഈടാക്കും. 60 വയസ്സ് പൂര്ത്തിയായ തൊഴിലാളികള്ക്ക് കുടിശ്ശിക അടയ്ക്കുന്നതിനും അംഗത്വം പുനഃസ്ഥാപിക്കുന്നതിനും സാധിക്കില്ല. സര്ക്കാര് ഉത്തരവ് പ്രകാരം കുടിശ്ശിക നിവാരണം ചെയ്ത് അംഗത്വം പുനഃസ്ഥാപിക്കുന്ന അംഗങ്ങള്ക്ക് കുടിശ്ശിക കാലഘട്ടത്തില് അവര്ക്കുണ്ടായ പ്രസവം, ചികിത്സ, വിവാഹം, വിദ്യാഭ്യാസ അവാര്ഡ് എന്നീ ക്ഷേമാനുകൂല്യങ്ങള്ക്ക് അര്ഹത ഉണ്ടായിരിക്കില്ല. കൂടുതല് വിവരങ്ങള്ക്ക് ഇടുക്കി ജില്ലാ കര്ഷക തൊഴിലാളി ക്ഷേമനിധി ഓഫീസുമായി ബന്ധപ്പെടാം. ഫോണ് 04862-235732.
- Log in to post comments