മസ്റ്ററിങ് ചെയ്യണം

കേരള കള്ള് വ്യവസായ തൊഴിലാളി ക്ഷേമനിധി ബോർഡിൽ  നിന്നും 2023 ഡിസംബർ 31 വരെ പെൻഷൻ അനുവദിച്ചിട്ടുള്ള തൊഴിലാളി/കുടുംബ/സാന്ത്വന പെൻഷൻ ഗുണഭോക്താക്കൾ തുടർന്നും പെൻഷൻ ലഭിക്കുന്നതിനായി ജൂണ്‍ 25 മുതല്‍ ആഗസ്റ്റ് 24 വരെയുള്ള കാലയളവിനുള്ളിൽ അക്ഷയ കേന്ദ്രങ്ങൾ മുഖേന ബയോമെട്രിക് മസ്റ്ററിങ് നടത്തണമെന്ന് വെല്‍ഫെയര്‍ ഫണ്ട് ഇന്‍സ്പെക്ടര്‍ അറിയിച്ചു. നിശ്ചിത കാലയളവിൽ ബയോമെട്രിക് മസ്റ്ററിങ് പൂർത്തിയാക്കാൻ സാധിക്കാത്തവർക്ക് തുടർന്ന് എല്ലാ മാസവും ഒന്നു മുതൽ 20 വരെയുള്ള തീയതികളില്‍ മസ്റ്ററിങ് നടത്താം. എന്നാൽ പ്രസ്തുത മാസം മുതലുള്ള പെൻഷൻ മാത്രമേ ലഭിക്കുകയുള്ളുവെന്നും മസ്റ്ററിങ് നടത്താത്ത കാലയളവിലെ പെൻഷൻ തുടർന്ന് ലഭിക്കുന്നതല്ലെന്നും ഫണ്ട് ഇന്‍സ്പെക്ടര്‍  അറിയിച്ചു. കൂടുതൽ വിവരങ്ങള്‍ക്ക് ഫോൺ : 0483 2734827.