താത്പര്യപത്രം ക്ഷണിച്ചു

വിവര പൊതുജനസമ്പർക്ക വകുപ്പിന്റെ ആഭിമുഖ്യത്തിൽ കേരള സർക്കാരിന്റെ വിവിധ കാമ്പയിനുകളോടനുബന്ധിച്ച് പ്രചരണത്തിനാവശ്യമായ ബ്രോഷറുകൾ, ബുക്ക്‌ലെറ്റുകൾ, ക്ഷണക്കത്തുകൾ, കോഫി ടേബിൾ ബുക്കുകൾ എന്നിങ്ങനെയുള്ള അച്ചടി ജോലികൾ ഏറ്റവും വേഗത്തിലും ഗുണമേന്മയോടുകൂടിയും ചെയ്യുന്നതിനായി ഏജൻസികളെ എംപാനൽ ചെയ്യുന്നതിന് അച്ചടി സ്ഥാപനങ്ങളിൽനിന്ന് താത്പര്യപത്രം ക്ഷണിച്ചു.

അഞ്ചു വർഷത്തെ പ്രവൃത്തിപരിചയവും ഒരു കോടി രൂപയുടെ വാർഷിക ടേണോവറുമുള്ള സ്ഥാപനമായിരിക്കണം. സിങ്കിൾ കളർ ഡബിൾ ഡമ്മി ഷീറ്റ് ഫെഡ് ഓഫ്‌സെറ്റ്‌, ഫോർ കളർ ഡബിൾ ഡമ്മി ഷീറ്റ് ഫെഡ് ഓഫ്‌സെറ്റ്‌, ഓട്ടോമാറ്റിക് ഫോൾഡിങ് മെഷീൻ, ഫ്ലോ ലൈൻ ബൈൻഡിങ് മെഷീൻ, ഹൈ സ്പീഡ് കളർ ഡിജിറ്റൽ പ്രിന്റർ എന്നീ സൗകര്യങ്ങളുമുണ്ടാകണം.

മേൽ യോഗ്യതകൾ തെളിയിക്കുന്നതിനുള്ള രേഖകൾ നിർബന്ധമായും ഉള്ളടക്കം ചെയ്ത് ജൂൺ 29 മുതൽ 20 ദിവസത്തിനകം പ്രൊപ്പോസലുകൾ ഡയറക്ടർ, ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ്, സൗത്ത് ബ്ലോക്ക്, ഗവ. സെക്രട്ടേറിയറ്റ്, തിരുവനന്തപുരം എന്ന വിലാസത്തിൽ ലഭ്യമാക്കണം.

പി.എൻ.എക്സ്. 2643/2024