അസാപ് കേരളയിൽ  ഇംഗ്ലീഷ് പ്രൊഫിഷ്യൻസി കോഴ്‌സിലേക്ക് അപേക്ഷ ക്ഷണിച്ചു

ഉന്നത വിദ്യാഭ്യാസ വകുപ്പിനു കീഴിലെ അസാപ് കേരളയും, ന്യൂനപക്ഷ ക്ഷേമ വകുപ്പും ചേർന്ന് സംഘടിപ്പിക്കുന്ന ഇംഗ്ലീഷ് പ്രൊഫിഷ്യൻസി കോഴ്‌സിലേക്ക് അപേക്ഷ ക്ഷണിച്ചു. കൊല്ലം സി.സി.എം.വൈയിലാണ് തികച്ചും സൗജന്യമായ നൂറ് മണിക്കൂർ ദൈർഘ്യമുള്ള കോഴ്‌സ് ആരംഭിക്കുന്നത്. 18 നും 39 നും ഇടയിൽ പ്രായമുള്ള എസ്.എസ്.എൽ.സി യോഗ്യതയുള്ള ന്യൂനപക്ഷ വിഭാഗത്തിലുള്ളവർക്ക് അപേക്ഷിക്കാവുന്നതാണ്. താല്പര്യമുള്ളവർ എസ്.എസ്.എൽ.സി സർട്ടിഫിക്കറ്റ്, വരുമാന സർട്ടിഫിക്കറ്റ്, ന്യൂനപക്ഷ വിഭാഗമാണ് എന്ന് തെളിയിക്കുന്ന സർട്ടിഫിക്കറ്റ് എന്നിവ സഹിതം   ഒക്‌റ്റോബർ 28  തിങ്കളാഴ്ച  രാവിലെ 11 മണിക്ക് കൊല്ലം കണ്ണനല്ലൂർ  ഉള്ള കോച്ചിംഗ് സെന്റർ ഫോർ മൈനോറിറ്റി യൂത്ത് ( സി സി എം വൈ) ഓഫീസിൽ എത്തിച്ചേരണം. കൂടുതൽ വിവരങ്ങൾക്ക്: +91 9562395356 എന്ന നമ്പറിൽ ബന്ധപ്പെടുക.

പി.എൻ.എക്‌സ്. 4758/2024